ഹണിട്രാപ്പ്: വ്യവസായി വാഹനത്തിൽ നിന്നും ഇറങ്ങിയോടി, തട്ടിയെടുത്തത് പണവും കാറും; ദമ്പതികളടക്കം അറസ്റ്റിൽ

കൊല്ലം സ്വദേശിനി ദേവു, ഭർത്താവ് ഗോകുൽ, കോട്ടയം പാലാ സ്വദേശി ശരത്, ഇരിങ്ങാലക്കുട സ്വദേശികളായ ജിഷ്ണു, അജിത്ത്, വിനയ് എന്നിവരെയാണ് ടൗൺ സൗത്ത് പോലീസ് അറസ്റ്റ് ചെയ്തത്. കണ്ണൂർ സ്വദേശിയാണ് ഗോകുൽ. ഫേസ്ബുക്കിലൂടെയാണ് യുവതി വ്യവസായിയുമായി ബന്ധം സ്ഥാപിച്ചത്. സംഭവത്തിൽ വിശദമായ അന്വേഷണം നടത്താനാണ് പാലക്കാട് സൗത്ത് പോലീസിൻ്റെ തീരുമാനം.

പ്രതികളിലൊരാളായ ദേവുവിനെ ഉപയോഗിച്ചാണ് പ്രതികൾ വ്യവസായിയെ തട്ടിപ്പിനിരയാക്കിയത്. സമൂഹമാധ്യമങ്ങളിലൂടെ വ്യവസായിയെ പരിചയപ്പെട്ട യുവതി ബന്ധം സ്ഥാപിക്കുകയായിരുന്നു. നേരിൽ കാണണമെന്ന് ആവശ്യപ്പെട്ടതിനെ തുടർന്ന് ഇയാൾ പാലക്കാട് എത്തുകയായിരുന്നു. പാലക്കാട് എത്തിയ വ്യവസായിയെ യുവതിയും സംഘവും വാഹനത്തിൽ കയറ്റിക്കൊണ്ട് പോയി പണവും സ്വർണവും തട്ടിയെടുക്കുകയായിരുന്നു.

യുവതിയുടെ നിർദേശത്തെ തുടർന്ന് പാലക്കാട്ട് എത്തിയ വ്യവസായിയെ സംഘം തട്ടിപ്പിനിരയാക്കുകയായിരുന്നു. സ്വർണവും പണവും തട്ടിയെടുത്ത പ്രതികൾ എടിഎം കാർഡ് ബലമായി കൈവശപ്പെടുത്തുകയും ചെയ്തു. വ്യവസായിയുടെ വാഹനവും തട്ടിയെടുത്തു. മറ്റൊരു സ്ഥലത്തേക്ക് മാറ്റൻ ശ്രമിക്കുന്നതിനിടെ വ്യവസായി വാഹനത്തിൽ നിന്നും രക്ഷപ്പെട്ടതോടെയാണ് വിവരം പുറത്തുവന്നത്. പ്രതികളുടെ പക്കൽ നിന്നും രക്ഷപ്പെട്ട വ്യവസായി പാലക്കാട് സൗത്ത് പോലീസുമായി ബന്ധപ്പെടുകയും പരാതി നൽകുകയുമായിരുന്നു.

വ്യവസായി നൽകിയ പരാതിയുടെ അടിസ്ഥാനത്തിൽ അന്വേഷണ ആരംഭിച്ച പോലീസ് സംഘത്തെ പിടികൂടുകയായിരുന്നു. പാലക്കാട്‌ യാക്കരയിലേക്ക് വിളിച്ചു വരുത്തിയാണ് പ്രതികൾ വ്യവസായിയെ തട്ടിപ്പിനിരയാക്കിയത്. പ്രതികൾ കൂടുതൽ പേരെ തട്ടിപ്പിന് ഇരയാക്കിയിട്ടുണ്ടോ എന്നാണ് പോലീസ് അന്വേഷിക്കുന്നത്. ദേവുവിൻ്റെ ഭർത്താവ് ഗോകുലിൻ്റെ സുഹൃത്തുക്കളാണ് അറസ്റ്റിലായ മറ്റ് പ്രതികൾ.

Photo Credit: twentyfournews.com