കുടുംബവഴക്ക്: വീട്ടമ്മയെ വെട്ടിയ ഭര്‍ത്താവ് സ്വയം കുത്തി; മകള്‍ക്കും പരിക്ക്, സംഭവം ആലത്തൂരിൽ

പാലക്കാട്: കുടുംബവഴക്കിനെ തുടര്‍ന്ന് വീട്ടമ്മയെ ഭര്‍ത്താവ് വെട്ടിപരുക്കേല്‍പ്പിച്ചു. അമ്മയെ വെട്ടുന്നത് തടുക്കാന്‍ ശ്രമിച്ച മകളുടെ കൈയ്ക്കും പരിക്കേറ്റു. സംഭവശേഷം അക്രമി സ്വയം കുത്തിയും പരിക്കേല്‍പ്പിച്ചു. ഇന്ന് വൈകീട്ടോടെ ആലത്തൂര്‍ തോണിപ്പാടത്താണ് സംഭവം.

Also Read: കോട്ടയത്ത് രോഗമുക്തി നേടിയ യുവതിക്ക് വീണ്ടും കൊവിഡ്; രോഗമുക്തി നേടിയത് ഷാര്‍ജയില്‍ നിന്നും, ഹോം ക്വാറന്‍റൈനിൽ കഴിയുന്നതിനിടെ വീണ്ടും കൊവിഡ് സ്ഥിരീകരണം!

അമ്പലക്കാട് കോമത്ത് പറമ്പില്‍ അലി അഹമ്മദാണ് (48) ഭാര്യ റസിയയെ (42) കൊടുവാള്‍ ഉപയോഗിച്ച് വെട്ടിയത്. ഇവരുടെ മകള്‍ റംസീനയ്ക്കാണ് വെട്ട് തടുക്കാന്‍ ശ്രമിക്കുന്നതിനിടെ പരിക്കേറ്റത്. ഗുരുതരമായി പരിക്കേറ്റ റസീനയെ തൃശൂര്‍ മെഡിക്കല്‍ കോളജ് ആശുപത്രിയിലേക്ക് മാറ്റി. റസീനയുടെ കഴുത്തിന് പിന്നിലാണ് ആഴത്തില്‍ വെട്ടേറ്റത്.

Also Read: വയനാട്ടില്‍ കെഎസ്ഇബി കരാര്‍ തൊഴിലാളി ഷോക്കേറ്റ് മരിച്ചു

അക്രമത്തിനുശേഷം അലി അഹമ്മദ് കത്തി ഉപയോഗിച്ച് സ്വയം കുത്തിയതായി പറയുന്നു. ഇയാളെ പാലക്കാട് ജില്ലാ ആശുപത്രിയില്‍ പ്രവേശിപ്പിച്ചു. പോലീസ് എത്തിയാണ് അലി അഹമ്മദിനെ ആശുപത്രിയിലാക്കിയത്. ഇയാള്‍ക്കെതിരെ ആലത്തൂര്‍ പോലീസ് വധശ്രമത്തിന് കേസെടുത്തു.

Also Read: കോഴിക്കോട് ജില്ലയില്‍ 7 പേര്‍ക്ക് കൂടി കൊവിഡ്; ജില്ലയില്‍ 90 പേര്‍ ചികിത്സയില്‍!