പാലക്കാട്(Palakkad): വീടുകൾ കയറി മോഷണം നടത്തുന്ന അന്തർസംസ്ഥാന മോഷ്ടാക്കൾ പാലക്കാട്ട് മണ്ണാർക്കാട് പോലിസിന്റെ പിടിയിൽ. മണ്ണാര്ക്കാട് തെങ്കരയിലെ വീട്ടില് മേഷണം നടത്തിയ സംഭവത്തിലെ അന്വേഷണത്തിലാണ് സംഘം പിടിയിലായത്. ഫെബ്രുവരി എട്ടിനാണ് തെങ്കര ഇലന്തൂര് സുനീഷ് ബേബിയുടെ വീട്ടില് സംഘം മോഷണം നടത്തിയത്. സംഭവ സമയത്ത് വീട്ടില് ആളുണ്ടായിരുന്നില്ല. മുന്വശത്തെ ഗെയ്റ്റിന്റേയും മുന്വാതിലിന്റേയും പൂട്ട് തകര്ത്ത് അകത്ത് കയറിയ സംഘം എല്ഇഡി ടിവിയും ഹോം തിയേറ്ററും പുറത്തുണ്ടായിരുന്ന കാറുമുള്പ്പെടെ മോഷ്ടിച്ചു. ആളില്ലാത്ത വീടുകൾ നിരീക്ഷിച്ചു വന്നായിരുന്നു സംഘം മോഷണം നടത്തിയിരുന്നത്.
കേരളത്തിലും തമിഴ്നാട്ടിലും കർണാടകയിലും സംഘം മോഷണ പരമ്പരകൾ നടത്തിയിട്ടുണ്ട്. മണ്ണാർക്കാട് സിഐ അജിത്ത്കുമാറിന്റെ നിര്ദേശ പ്രകാരം എസ്ഐ കെ ആര് ജസ്റ്റിന്റെ നേതൃത്വത്തിലുള്ള പ്രത്യേക സംഘമാണ് കേസ് അന്വേഷിച്ചത്. വാഹനം കടന്നുപോയ സ്ഥലങ്ങളിലെ സിസിടിവി ദൃശ്യങ്ങള് പിന്തുടര്ന്നതോടെ മോഷ്ടാക്കള് സംസ്ഥാനം കടന്നതായി കണ്ടെത്തി. ശേഷം മഹാരാഷട്രയിലെ താനെ ക്രൈം ബ്രാഞ്ച് പോലീസാണ് വാഹനവും പ്രതികളേയും കണ്ടെത്തിയത്.
സംഭവത്തില് മഹാരാഷ്ട്ര സ്വദേശിയായ ചന്ദ്രകാന്ത് പൂജാരി, കര്ണ്ണാടക സ്വദേശി രക്ഷക് പൂജാരി എന്നിവര് പിടിയിലായി. കാറും പോലീസ് കസ്റ്റഡിയിലെടുത്തിട്ടുണ്ട്. സംഘത്തിലെ മൂന്നു പേരെ ഇനിയും പിടികൂടാനുണ്ട്. ഇവര്ക്കായി തിരച്ചില് ഊര്ജജിതമാക്കിയതായി മണ്ണാര്ക്കാട് ഡിവൈഎസ്പി വിഎ കൃഷ്ണദാസ് അറിയിച്ചു. കൊലപാതകം, മോഷണമുള്പ്പെടെയുള്ള നൂറിലേറെ കേസുകളിലെ പ്രതികളാണ് പിടിയിലായവര്. ഇവരെ മണ്ണാർക്കാട് കോടതിയിൽ ഹാജരാക്കി റിമാന്റ് ചെയ്തു. സിപിഒമാരായ ഷൗക്കത്ത്, ഷഫീഖ്, ഷാഫി, ദാമോദരന്, റമീസ് തുടങ്ങിയവരാണ് അന്വേഷണ സംഘത്തിലുണ്ടായിരുന്നത്.
Topic: Palakkad, Palakkad robbery, interstate thiefs arrest
കേരളത്തിലും തമിഴ്നാട്ടിലും കർണാടകയിലും സംഘം മോഷണ പരമ്പരകൾ നടത്തിയിട്ടുണ്ട്. മണ്ണാർക്കാട് സിഐ അജിത്ത്കുമാറിന്റെ നിര്ദേശ പ്രകാരം എസ്ഐ കെ ആര് ജസ്റ്റിന്റെ നേതൃത്വത്തിലുള്ള പ്രത്യേക സംഘമാണ് കേസ് അന്വേഷിച്ചത്. വാഹനം കടന്നുപോയ സ്ഥലങ്ങളിലെ സിസിടിവി ദൃശ്യങ്ങള് പിന്തുടര്ന്നതോടെ മോഷ്ടാക്കള് സംസ്ഥാനം കടന്നതായി കണ്ടെത്തി. ശേഷം മഹാരാഷട്രയിലെ താനെ ക്രൈം ബ്രാഞ്ച് പോലീസാണ് വാഹനവും പ്രതികളേയും കണ്ടെത്തിയത്.
സംഭവത്തില് മഹാരാഷ്ട്ര സ്വദേശിയായ ചന്ദ്രകാന്ത് പൂജാരി, കര്ണ്ണാടക സ്വദേശി രക്ഷക് പൂജാരി എന്നിവര് പിടിയിലായി. കാറും പോലീസ് കസ്റ്റഡിയിലെടുത്തിട്ടുണ്ട്. സംഘത്തിലെ മൂന്നു പേരെ ഇനിയും പിടികൂടാനുണ്ട്. ഇവര്ക്കായി തിരച്ചില് ഊര്ജജിതമാക്കിയതായി മണ്ണാര്ക്കാട് ഡിവൈഎസ്പി വിഎ കൃഷ്ണദാസ് അറിയിച്ചു. കൊലപാതകം, മോഷണമുള്പ്പെടെയുള്ള നൂറിലേറെ കേസുകളിലെ പ്രതികളാണ് പിടിയിലായവര്. ഇവരെ മണ്ണാർക്കാട് കോടതിയിൽ ഹാജരാക്കി റിമാന്റ് ചെയ്തു. സിപിഒമാരായ ഷൗക്കത്ത്, ഷഫീഖ്, ഷാഫി, ദാമോദരന്, റമീസ് തുടങ്ങിയവരാണ് അന്വേഷണ സംഘത്തിലുണ്ടായിരുന്നത്.
Topic: Palakkad, Palakkad robbery, interstate thiefs arrest