പാലക്കാട്(Palakkad): കല്ലടിക്കോട് പറക്കല്ലടിയില് പുലിക്കുഞ്ഞിനെ ചത്തനിലയില് കണ്ടെത്തി. പറക്കലടി സുനീഷിന്റെ ഉടമസ്ഥതയിലുള്ള റബ്ബര് തോട്ടത്തിലാണ് പുലിക്കുഞ്ഞിന്റെ ജഡം കണ്ടത്. ഒരു വയസ്സ് പ്രായമുള്ള കുഞ്ഞാണെന്നാണ് നിഗമനം. വൈദ്യുതി വേലിയില്നിന്ന് ഷോക്കേറ്റ് ചത്തതാവാമെന്നാണ് കരുതുന്നത്. രാവിലെ റബര് ടാപ്പിങ്ങിനെത്തിയ തൊഴിലാളിയാണ് പുലിക്കുട്ടിയുടെ ജഡം കണ്ടത്. ഉടന് വനം വകുപ്പ് ഉദ്യോഗസ്ഥരെ വിവരമറിയിയ്ക്കുകയായിരുന്നു.
ഒരു വയസ്സുള്ള കുഞ്ഞ് ഉണ്ടെങ്കില് പ്രദേശത്തുതന്നെ തള്ളപ്പുലിയുടെ സാന്നിധ്യമുണ്ടാവാമെന്നാണ് നാട്ടുകാര് പറയുന്നത്. പ്രദേശ വാസികളുടെ ആശങ്ക ഒഴിവാക്കുന്നതിന് നടപടികളുണ്ടാവുമെന്ന് വനം വകുപ്പ് ഉദ്യോഗസ്ഥര് പറഞ്ഞു.
Topic: Palakkad, palakkad leopard, kalladikkod leopard