'ചില മരങ്ങള്‍ പൂത്താല്‍ ഇങ്ങനാണ് ഇലകള്‍ കാണില്ല; ലോക്ക്ഡൗണ്‍ കാലത്തെ ഉള്‍വിളി... സംഭവിച്ചത് വിശ്വസിക്കാനാകാതെ മാതാപിതാക്കള്‍ !

പാലക്കാട്: ലോക്ക് ഡൗൺ സമയത്ത് എരിമയൂർ അയ്യപ്പങ്കാട് ബിസ്മില്ല മൻസിലിൽ വെറുതെയിരിക്കുമ്പോൾ അൻസിയക്കൊരു ഉൾവിളി. വീടിന്‍റെ ഉമ്മറത്തെ മതിലിൽ ഒരു ചിത്രം വരച്ചുകളയാമെന്ന്. പെയിന്‍റിങ് പഠിച്ചിട്ടില്ലാത്ത അവൾക്ക് പെയിന്‍റിങ്ങിനുള്ള വസ്തുക്കൾ എവിടെ കിട്ടുമെന്നു പോലും അറിയില്ല. അതൊക്കെ വാങ്ങാനാണെങ്കിൽ കടകൾ തുറക്കുന്നുമില്ല. മൊബൈൽ ടവർ സ്ഥാപിക്കുന്ന കരാറുകാരനായ അച്ഛൻ നിർമ്മാണ വസ്തുക്കൾ സൂക്ഷിക്കുന്ന മുറിയിൽ കയറിയൊന്നു പരതി.

Also Read: ലോക്ക്ഡൗണില്‍ കുടുങ്ങിയവര്‍ ആശ്രയിക്കുന്നത് റെയില്‍വെ ട്രാക്ക്, എറണാകുളത്ത് നിന്നും നടക്കാന്‍ തുടങ്ങിയ കാസര്‍കോട് സ്വദേശികളെ കോഴിക്കോട് പോലീസ് പൊക്കി!

മൊബൈൽ ടവറിനും അതിന്‍റെ സുരക്ഷാ ഗേറ്റിനും അടിച്ച് ബാക്കിവന്ന പെയിന്‍റ് സൂക്ഷിക്കുന്ന ടിന്നുകളും ബ്രഷും എടുത്തു. നിറങ്ങൾ മിശ്രണം ചെയ്യുന്ന അളവും അനുപാതവും ഒന്നും അറിയില്ലെങ്കിലും മതിലിൽ പണി തുടങ്ങി. ബാപ്പ സബീറും ഉമ്മ സബാനിയത്തും മകളുടെ പുറപ്പാടിൽ കൗതുകം പൂണ്ടു. മതിലു കേടാക്കുമോ എന്ന് ആദ്യം ശങ്കിച്ചെങ്കിലും നിരുത്സാഹപ്പെടുത്തിയില്ല.

ആദ്യം കറുപ്പു ചായത്തിലൊരു മരം വരച്ചു. പിന്നെ പൂക്കളും. ലിറ്റർ സോഡ കുപ്പിയുടെ അടിഭാഗം പെയിന്‍റിൽ മുക്കി ചുമരിൽ പതിപ്പിച്ചാണ് പൂക്കൾ വരച്ചത്. ചേച്ചി ഇത് കുളമാക്കും എന്ന് തുടക്കത്തിൽ പറഞ്ഞ അനുജത്തി ലൂബിനയും അനുജൻ അസ്‌ലാമും തലകുലുക്കി സമ്മതിച്ചു, ജോറായെന്ന്.
ഇലയില്ലാത്ത പൂക്കൾ മാത്രമുള്ള മരമോ എന്ന ബാപ്പയുടെ ചോദ്യത്തിന് അൻസിയയുടെ മറുപടി, ചില മരങ്ങൾ പൂത്താൽ പിന്നെ ഇല കാണാൻ പറ്റില്ലെന്ന്...

Also Read: 'കേരളത്തിലെ ആരോഗ്യ പ്രവർത്തകരുടെ ആത്മാർഥതയ്ക്ക് നന്ദി'; തിരുവനന്തപുരത്ത് കൊവിഡ് ഭേദമായ ഇറ്റാലിയൻ പൗരൻ ആശുപത്രി വിട്ടു

പ്ലസ്ടു പരീക്ഷയൊക്കെ കഴിഞ്ഞ് അടിച്ചു അവധിക്കാലം അടിച്ചുപൊളിക്കണമെന്ന് വിചാരിച്ചിരിക്കുമ്പോഴാണ് കൊറോണയും ലോക്ക് ഡൗണും വന്നത്. അപ്പോഴാണ് അൻസിയയിലെ കലാകാരി പുറത്തുവന്നത്. വീട്ടുമുറ്റത്തെ പൂച്ചെട്ടികളിൽ 'സ്‌മൈലി' വരക്കുന്ന ശീലം നേരത്തേ ഉണ്ടായിരുന്നതാണ് കലയോടുള്ള മുൻബന്ധം. പഠന മുറിയുടെ ചുമരിൽ ഒരു ചിത്രം വരച്ചു നോക്കിയിട്ടുണ്ട്.