ശിവശങ്കറിന്‍റെ അറസ്റ്റ്, ഭയമില്ല... സര്‍ക്കാരിനേറ്റ തിരിച്ചടിയല്ല, ഉപ്പ് തിന്നവന്‍ വെള്ളം കുടിക്കുമെന്ന് എകെ ബാലന്‍

പാലക്കാട്: മുഖ്യമന്ത്രിയുടെ മുന്‍ പ്രിന്‍സിപ്പല്‍ സെക്രട്ടറി ശിവശങ്കറിന്‍റെ കസ്റ്റഡിയില്‍ സംസ്ഥാന സര്‍ക്കാരിന് തിരിച്ചടിയല്ലെന്ന് മന്ത്രി എകെ ബാലന്‍. അറസ്റ്റ് സര്‍ക്കാര്‍ ഭയക്കുന്നില്ല. ഉപ്പുതിന്നവര്‍ വെള്ളം കുടിയ്ക്കട്ടേയെന്ന് നേരത്തെയും വ്യക്തമാക്കിയതാണ്. ഏത് സര്‍ക്കാരിന്‍റെ കാലത്തും ഇത്തരത്തിലുള്ള ഉദ്യോഗസ്ഥരുണ്ടാവാം. മുഖ്യമന്ത്രി ഇക്കാരണത്തിന് രാജിവെയ്ക്കണമെങ്കില്‍ ആദ്യം വെയ്‌ക്കേണ്ടത് എകെ ആന്‍റണിയാണെന്നും മന്ത്രി പറഞ്ഞു. പാലക്കാട് മാധ്യമപ്രവര്‍ത്തകരോട് സംസാരിക്കുകയായിരുന്നു എകെ ബാലന്‍.

Also Read: പിവി അന്‍വറിന്‍റെ രാഷ്ട്രീയ സ്വാധീനമോ? ചീങ്കണ്ണിപ്പാലിയിലെ അനധികൃത തടയണ പൊളിച്ചില്ല, മലപ്പുറം കലക്ടറോട് വിശദീകരണം തേടി കോടതി

ഹൈക്കോടതി മുന്‍കൂര്‍ ജാമ്യാപേക്ഷ തള്ളി മിനുറ്റുകള്‍ക്കകമാണ് എന്‍ഫോഴ്‌സ്‌മെന്‍റ് ഡയറക്ടറേറ്റ് ശിവശങ്കറിനെ കസ്റ്റഡിയിലെടുത്തത്. അറസ്റ്റിന് തടസ്സമില്ലെന്നും കള്ളപ്പണം വെളുപ്പിച്ചതില്‍ ശിവശങ്കറിന് പങ്കുണ്ടെന്ന വാദം തള്ളിക്കളയാനാവില്ലെന്നും ഹൈക്കോടതി വ്യക്തമാക്കിയിരുന്നു. ശിവശങ്കറിനെ കസ്റ്റഡിയിലെടുത്തതോടെ മുഖ്യമന്ത്രിയുടെ രാജി ആവശ്യപ്പെട്ട് പ്രതിപക്ഷ കക്ഷികള്‍ രംഗത്തെത്തി. മുഖ്യമന്ത്രിയുടെ രാജിയാവശ്യം ശ്രദ്ധയില്‍പ്പെടുത്തിയപ്പോഴാണ് മന്ത്രി എകെ ബാലന്‍റെ പ്രതികരണം.

Also Read: പാര്‍ട്ടിയേക്കാളും വിശ്വസ്തന്‍... സ്പ്രിംഗ്‌ളര്‍ മുതല്‍ ബെവ്‌കോ ആപ്പ് വരെ കത്തിപ്പടര്‍ന്ന വിവാദങ്ങളുടെ കേന്ദ്ര ബിന്ദു, ശിവശങ്കറിന്‍റെ വീഴ്ചയില്‍ പിണറായി വിജയന്‍ പതറുമോ?

നിയമം നിയനമത്തിന്‍റെ വഴിയ്ക്ക് പോവണമെന്നാണ് സര്‍ക്കാര്‍ തീരുമാനിച്ചത്. സര്‍ക്കാരിന്‍റെ നിലപാടുകളില്‍ ഈ കേന്ദ്ര ഏജന്‍സികള്‍ ഇതുവരെ അസംതൃപ്തി പ്രകടിപ്പിച്ചിട്ടില്ല. സര്‍ക്കാര്‍ അന്വേഷണത്തിന് വേണ്ട എല്ലാ സഹായവും നല്‍കിയിട്ടുണ്ട്. യുഡിഎഫ് ഭരണകാലത്ത് പിആര്‍ഡി ഡയരക്ടര്‍ ഫിറോസ് അറസ്റ്റിലായി റിമാന്റിലായിരുന്നു. സരിതാ കേസില്‍ എത്രപേര്‍ നിയമനടപടി നേരിട്ടിട്ടുണ്ടെന്നും എകെ ബാലന്‍ ചോദിച്ചു. ആര്‍ക്കും ഇക്കാര്യത്തില്‍ ഒരു ഭയവുമില്ലെന്നും അദ്ദേഹം പറഞ്ഞു.

പാലക്കാട് ജില്ലയിൽ നിന്നുള്ള ഏറ്റവും പുതിയ നാട്ടുവാർത്തകൾക്കായി ഫേസ്ബുക്ക് പേജ് ഫോളോ ചെയ്യൂ

പാലക്കാട് ജില്ലയിൽ നിന്നുള്ള ഏറ്റവും പുതിയ നാട്ടുവാർത്തകൾക്കായി വാട്സ്ആപ്പ് ഗ്രൂപ്പ് ഫോളോ ചെയ്യൂ