ആപ്പ്ജില്ല

ഷാജഹാൻ്റെ ശരീരത്തിലാകെ 12 മുറിവുകൾ, മരണം രക്തം വാർന്ന്; പോസ്റ്റുമോർട്ടം റിപ്പോർട്ട് പുറത്ത്

പാലക്കാട്ടെ സിപിഎം പ്രവർത്തകൻ ഷാജഹാൻ്റെ കൊലപാതകത്തിൽ പോസ്റ്റുമോർട്ടം റിപ്പോർട്ട് പുറത്ത്. ഷാജഹാൻ്റെ ശരീരത്തിലാകെ 12 മുറിവുകൾ ഉണ്ടെന്ന് പോസ്റ്റുമോർട്ടം റിപ്പോർട്ടിൽ പറയുന്നു.

Samayam Malayalam 17 Aug 2022, 11:41 am

ഹൈലൈറ്റ്:

  • ഷാജഹാൻ്റെ മരണം രക്തം വാർന്നെന്ന് പോസ്റ്റുമോർട്ടം റിപ്പോർട്ട്.
  • കൈയ്ക്കും കാലിനും ആഴത്തിൽ മുറിവേറ്റു.
  • മൂർച്ചയേറിയ ആയുധങ്ങൾ ഉപയോഗിച്ചാണ് കൃത്യം നടത്തിയത്.
ഹൈലൈറ്റ്സിനായി ആപ്പ് ഡൗൺലോഡ് ചെയ്യൂ!
Samayam Malayalam Palakkad Shajahan Murder Postmortem Report
കൊല്ലപ്പെട്ട ഷാജഹാൻ.
പാലക്കാട്: പാലക്കാട് മരുതറോഡ് സിപിഎം ലോക്കൽ കമ്മിറ്റിയംഗവും കുന്നങ്കാട് ബ്രാഞ്ച് സെക്രട്ടറിയുമായ ഷാജഹാൻ കൊല്ലപ്പെട്ട സംഭവത്തിൽ പോസ്റ്റുമോർട്ടം റിപ്പോർട്ട് പുറത്ത്. രക്തം വാർന്നാണു ഷാജഹാൻ്റെ മരണമെന്നാണ് പോസ്റ്റുമോർട്ടം റിപ്പോർട്ടിൽ വ്യക്തമാക്കുന്നത്. ആക്രമണത്തിൽ കൈയ്ക്കും കാലിനും ആഴത്തിൽ മുറിവേറ്റു. വാൾ, കത്തി തുടങ്ങിയ മൂർച്ചയേറിയ ആയുധങ്ങൾ ഉപയോഗിച്ചാണ് കൃത്യം നടത്തിയതെന്നും പോസ്റ്റുമോർട്ടം റിപ്പോർട്ടിൽ പറയുന്നു.
ഞായറാഴ്ച രാത്രി 9.45 ഓടെ കൊട്ടേക്കാട് കുന്നങ്കാട് വീടിനു സമീപത്തുവെച്ചാണ് ഷാജഹാനു നേരെ എട്ടംഗ സംഘത്തിൻ്റെ ആക്രമണം ഉണ്ടായത്. സംഭവത്തിൽ മുഴുവൻ പ്രതികളും കസ്റ്റഡിയിലായി. ആദ്യം കാലിലും പിന്നീട് കയ്യിലും വെട്ടിയെന്നാണ് കസ്റ്റഡിയിലായവരുടെ മൊഴി. ഷാജഹാനൊപ്പം ഉണ്ടായിരുന്ന സുഹൃത്തിനെ അക്രമികൾ ഭീഷണിപ്പെടുത്തി മാറ്റിനിർത്തിയ ശേഷമാണ് കൃത്യം നടത്തിയത്. അക്രമികൾ ഓടി മാറിയതിനു ശേഷം ബന്ധുക്കളും സുഹൃത്തുക്കളും ചേർന്നാണ് ഷാജഹാനെ ആശുപത്രിയിൽ പ്രവേശിപ്പിച്ചത്. എന്നാൽ ജീവൻ നഷ്ടമാകുകയായിരുന്നു. ഷാജഹാൻ്റെ ശരീരത്തിലാകെ 12 മുറിവുകൾ ഉണ്ടായിരുന്നുവെന്ന് പോസ്റ്റുമോർട്ടം റിപ്പോർട്ടിൽ പറയുന്നു.

ഷാജഹാനെ കൊലപ്പെടുത്തിയത് കൂടെ നടന്നവർ, അങ്ങനെയൊരു ചതി പ്രതീക്ഷിച്ചില്ലെന്ന് ഉമ്മ, എല്ലാം ബിജെപിയുടെ അറിവോടെയെന്ന് ഭാര്യ സഹോദരൻ

ശബരീഷ്, അനീഷ്, നവീൻ, ശിവരാജൻ, സിദ്ധാർഥൻ, സുജീഷ്, സജീഷ്, വിഷ്ണു എന്നിവർ ചേർന്നാണ് ഷാജഹാനെ ആക്രമിച്ചതെന്നാണ് ഷാജഹാൻ്റെ ഒപ്പമുണ്ടായിരുന്ന സുഹൃത്ത് മൊഴി നൽകിയത്. എല്ലാ പ്രതികളും കസ്റ്റഡിയിലായി. കൊലയ്ക്കു പിന്നാലെ പ്രധാന പ്രതിയായ നവീൻ ഉൾപ്പെടെ മൂന്നുപേർ ബാറിലെത്തി മദ്യം ഓർഡർ ചെയ്യുന്ന സിസിടിവി ദൃശ്യങ്ങൾ പുറത്തുവന്നു. അരമണിക്കൂറിലധികം നേരം ബാറിൽ ചെലവഴിച്ച ശേഷമാണ് ഇവർ മടങ്ങിയത്. പിടിയിലായ നവീൻ ആണ് ഇക്കാര്യം പോലീസിനോടു പറഞ്ഞത്.

ഷാജഹാൻ വധക്കേസ്; അന്വേഷണത്തിന് പ്രത്യേക സംഘം, ഡിവൈഎസ്‍പി നയിക്കുന്ന ടീമിൽ 19 അം​ഗങ്ങൾ

ബിജെപി അനുഭാവികളായ എട്ടംഗ സംഘം ചേർന്ന് ഷാജഹാനെ കൊലപ്പെടുത്തിയെന്നാണ് എഫ്ഐആറിൽ പറയുന്നത്. എന്നാൽ പ്രതികൾ ബിജെപി പ്രവർത്തകരാണെന്ന പോലീസ് വാദം പാർട്ടി നേതൃത്വം നിഷേധിച്ചു. സിപിഎമ്മിലെ വിഭാഗീയതും പകയുമാണ് കൊലപാതകത്തിനു കാരണമെന്നാണ് ബിജെപിയുടെ ആരോപണം.


പാലക്കാട് ജില്ലയിലെ മുഴുവൻ വാ‍ര്‍ത്തകളും ഒറ്റ ക്ലിക്കിൽ ഇവിടെ വായിക്കാം

ആര്‍ട്ടിക്കിള്‍ ഷോ

ട്രെൻഡിങ്