പാലക്കാട്: തനിക്കൊരു വീല്‍ചെയര്‍ വേണമെന്നേ ആവശ്യപ്പെട്ടിരുന്നുള്ളൂ. എന്നാല്‍ എംഎല്‍എ വരുന്നത് ഇലക്ട്രോണിക് വീല്‍ ചെയറുമായാണെന്ന് അന്‍വര്‍ പ്രതീക്ഷിച്ചതേ ഇല്ല. കാത്തിരിപ്പിനൊടുവിലെത്തിയ സന്തോഷം എങ്ങനെ പങ്കിടണമെന്നുപോലുമറിയാതെ അന്‍വര്‍ ആനന്ദക്കണ്ണീരിലായി. ഷൊര്‍ണൂര്‍ എംഎല്‍എ പികെ ശശിയാണ് അന്‍വറിന് ഇലക്ട്രോണിക് വീല്‍ചെയര്‍ സമ്മാനിച്ചത്. എംഎല്‍എയുടെ ജനസഹായ നിധിയില്‍നിന്നാണ് ഇതിനായി തുക കണ്ടെത്തിയത്.
ജന്മനാ ഭിന്നശേഷിക്കാരനായ അന്‍വര്‍ സമൂഹമാധ്യമങ്ങളില്‍ സജീവമാണ്. തനിക്കൊരു വീല്‍ ചെയര്‍ നല്‍കണമെന്ന് കഴിഞ്ഞ വര്‍ഷമാണ് എംഎല്‍എയോട് അന്‍വര്‍ അഭ്യര്‍ത്ഥിച്ചിരുന്നത്. അന്‍വറിന്‍റെ വീട്ടിലെത്തിയ എംഎല്‍എ ആവശ്യം പരിഗണിയ്ക്കാമെന്ന ഉറപ്പു നല്‍കിയാണ് മടങ്ങിയത്. തിരഞ്ഞെടുപ്പ് പ്രഖ്യാപിച്ചതിന് ശേഷമാണ് വീല്‍ ചെയര്‍ എത്തിയത്. പെരുമാറ്റ ചട്ടം നിലവില്‍ വന്നതോടെ ഫല പ്രഖ്യാപനത്തിന് ശേഷം സമ്മാനിയ്ക്കാമെന്ന് തീരുമാനിയ്ക്കുകയായിരുന്നു.
ചെര്‍പ്പുളശ്ശേരി നഗരസഭാംഗങ്ങളായ സഫ്‌ന പാറക്കല്‍, പികെ നൗഷാദ്, കെടി മണികണ്ഠന്‍, ജനസഹായ നിധി ഭാരവാഹികളായ കെഎ ഹമീദ്, പി ജയന്‍, സിപിഐഎം ലോക്കല്‍ സെക്രട്ടറി ടി കുട്ടികൃഷ്ണന്‍ തുടങ്ങിയവരുടെ സാന്നിധ്യത്തിലാണ് വീല്‍ ചെയര്‍ അന്‍വറിന് കൈമാറിയത്. ചെര്‍പ്പുളശ്ശേരി വീരമംഗലം ഉങ്ങിന്‍തറ കാടന്‍തൊടി വീട്ടില്‍ കുഞ്ഞാമുവിന്‍റെ മകനാണ് ഇരുപത്തിയെട്ടുകാരനായ അന്‍വര്‍. ശാരീരിക പരിമിധികളെ തന്‍റെ ധിഷണാ ശക്തികൊണ്ട് മറികടന്ന മിടുക്കനാണ് അന്‍വറെന്നും ഇനി വീടിന്‍റെ അകത്തളങ്ങളില്‍ തളയ്ക്കപ്പെടുന്നവനല്ല, അത്യാവശ്യങ്ങള്‍ക്ക് ആരെയും ആശ്രയിക്കാതെ പുറത്തിറങ്ങാമെന്നും എംഎല്‍എ പറഞ്ഞു.
പാലക്കാട് ജില്ലയിൽ നിന്നുള്ള ഏറ്റവും പുതിയ നാട്ടുവാർത്തകൾക്കായി ഫേസ്ബുക്ക് പേജ് ഫോളോ ചെയ്യൂ പാലക്കാട് ജില്ലയിൽ നിന്നുള്ള ഏറ്റവും പുതിയ നാട്ടുവാർത്തകൾക്കായി വാട്സ്ആപ്പ് ഗ്രൂപ്പ് ഫോളോ ചെയ്യൂ
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.
