ഗ്രാമിന് ആയിരം, വീര്യം കഞ്ചാവിനെക്കാൾ! പാലക്കാട് 10 കുപ്പി ഹാഷിഷ് ഓയിൽ പിടികൂടി, അറസ്റ്റിലായത് യുവാക്കൾ

പാലക്കാട്: അര ലക്ഷം രൂപ വിലവരുന്ന 10 കുപ്പി ഹാഷിഷ് ഓയിലുമായി രണ്ട് യുവാക്കളെ ജില്ലാ ലഹരി വിരുദ്ധ സ്ക്വാഡും കുഴൽമന്ദം പോലീസും സംയുക്തമായി പിടികൂടി. മലപ്പുറം വെളിയങ്കോട് സ്വദേശി നസീർ (30), തൃശൂർ ചാവക്കാട് തങ്ങൾ പടി സ്വദേശി മുആഫ് (25) എന്നിവരാണ് അറസ്റ്റിലായത്. കുഴൽമന്ദം വെള്ളപ്പാറ ഭാഗത്ത് ഇടപാടുകാരെ കാത്തു നിൽക്കുമ്പോഴാണ് രഹസ്യവിവരം കിട്ടിയതനുസരിച്ച് നടത്തിയ പരിശോധനയിൽ പ്രതികൾ വലയിലായത്.

Also Read: കുടുംബക്ഷേമകേന്ദ്രം പഞ്ചായത്തംഗത്തിന്‍റെ ഭൂമിയില്‍; അനുയോജ്യമായ സ്ഥലങ്ങൾ ഒഴിവാക്കി, ആദിവാസികൾക്ക് പ്രയോജനമില്ലെന്നും ആരോപണം

5 ഗ്രാം വീതമുള്ള പത്ത് പ്ലാസ്റ്റിക് ബോട്ടിലുകൾ പ്രതികളുടെ പക്കൽ നിന്നും പോലീസ് കണ്ടെടുത്തു. 5000 രൂപയ്ക്കാണ് 5 ഗ്രാം ഹഷീഷ് ഓയിൽ അടങ്ങിയ ബോട്ടിൽ വിൽപന നടത്തുന്നത്. പാലക്കാട് ജില്ലയിൽ ലഹരി എത്തിക്കുന്ന കണ്ണിയിലുൾപ്പെട്ടവരാണ് പ്രതികൾ. ജില്ലയിൽ കുറേ നാളുകൾക്ക് ശേഷമാണ് പോലീസ് ഹാഷിഷ് പിടികൂടുന്നത്.

Also Read: വാളയാര്‍ വിഷമദ്യ ദുരന്തം അന്വേഷണം ക്രൈം ബ്രാഞ്ചിന്; രാസ പരിശോധനാഫലം ഉടന്‍, രാഷ്ട്രീയ ഇടപെടലുണ്ടെന്ന് സിപിഎം, എകെ ബാലന്‍ ഇന്ന് ചെല്ലങ്കാവ് ഊരില്‍

ആന്ധ്രയിൽ നിന്നും മറ്റും ലോഡു കണക്കിന് കഞ്ചാവ് എത്തിച്ച് രഹസ്യ കേന്ദ്രങ്ങളിൽ വെച്ചാണ് കഞ്ചാവ് വാറ്റി ഹഷീഷ് ഓയിൽ നിർമ്മിക്കുന്നത്. കഞ്ചാവിനെക്കാളും പതിൻ മടങ്ങ് വീര്യം കൂടിയതും, രഹസ്യമായി കൈകാര്യം ചെയ്യുവാൻ എളുപ്പവുമാണെന്നതാണ് ഹഷീഷ് ഉപഭോക്താക്കൾക്ക് പ്രിയങ്കരമാകുന്നത്. സിഗരറ്റിൽ പുരട്ടിയാണ് ഉപയോഗിക്കുന്നത്. കൊച്ചി കേന്ദ്രീകരിച്ചുള്ള കഞ്ചാവ് ലോബിയാണ് ഹഷീഷ് ഓയിൽ എത്തിച്ചു കൊടുക്കുന്നതെന്ന് സൂചന ലഭിച്ചിട്ടുണ്ട്. തുടരന്വേഷണം ഊർജിതമാക്കിയിട്ടുണ്ട്. പ്രതികൾ മുൻപ് അടിപിടി കേസിലും, ലഹരിമരുന്ന് കേസിലും പ്രതിയായിട്ടുള്ളവരാണ്. സംസ്ഥാന പോലീസ് മേധാവിയുടെ മേൽനോട്ടത്തിൽ ജില്ലാടിസ്ഥാനത്തിൽ രൂപീകരിച്ച ഡാൻസാഫ് സ്ക്വാഡിൻ്റെ നേതൃത്വത്തിലാണ് പരിശോധന നടത്തി വരുന്നത്.

Also Read: 'ലൈഫില്‍' ഉള്‍പ്പെടുത്താന്‍ രേഖകളില്ല; നിര്‍ധന കുടുംബത്തിന് സ്വന്തം മകന്‍റെ വിവാഹാഘോഷം ചുരുക്കി വീടുവെച്ച് നല്‍കാനൊരുങ്ങി പികെ ശശി എംഎല്‍എ

പാലക്കാട് ജില്ല പോലീസ് മേധാവി ശിവവിക്രമിന്റെ നിർദ്ദേശത്തെത്തുടർന്ന് നർകോട്ടിക് സെൽ ഡിവൈഎസ്പി സി ഡി ശ്രീനിവാസൻ്റെ നേതൃത്വത്തിലാണ് പരിശോധന നടത്തിയത്. തൃശൂർ റേഞ്ച് തലത്തിൽ നടന്നുവരുന്ന പ്രത്യേക ഓപ്പറേഷൻ്റെ ഭാഗമായി വ്യാപകമായ റെയ്ഡുകളാണ് ജില്ലയിലും നടന്നു വരുന്നത്. ആലത്തൂർ ഡിവൈഎസ്പി കെ എം ദേവസ്യ, കുഴൽമന്ദം ഇൻസ്പെക്ടർ ഇ പി രാമദാസ്, സബ് ഇൻസ്പെക്ടർ എ അനൂപ്, പ്രൊബേഷണറി എസ്ഐ സുഹൈൽ കെ, എഎസ്ഐമാരായ താജുദ്ധീൻ എസ് സുരേന്ദ്രൻ, കെ വി ജയപ്രകാശൻ, ആർ ജില്ലാ ലഹരി വിരുദ്ധ സ്ക്വാഡ് അംഗങ്ങളായ
റഹിം മുത്തു, സൂരജ് ബാബു യു, കെ അഹമ്മദ് കബീർ, ആർ വിനീഷ്, കെ ദിലീപ്, ആർ രാജീദ് എന്നിവരടങ്ങിയ സംഘമാണ് പ്രതികളെ പിടികൂടിയത്.


പാലക്കാട് ജില്ലയിൽ നിന്നുള്ള ഏറ്റവും പുതിയ നാട്ടുവാർത്തകൾക്കായി വാട്സ്ആപ്പ് ഗ്രൂപ്പ് ഫോളോ ചെയ്യൂ

പാലക്കാട് ജില്ലയിൽ നിന്നുള്ള ഏറ്റവും പുതിയ നാട്ടുവാർത്തകൾക്കായി ഫേസ്ബുക്ക് പേജ് ഫോളോ ചെയ്യൂ