പാലക്കാട് സ്കൂട്ടറിലെത്തി വയോധികയുടെ മാല പൊട്ടിച്ച യുവാവ് പിടിയിൽ

പാലക്കാട്: സ്കൂട്ടറിലെത്തി വയോധികയെ പരിക്കേൽപ്പിച്ച് മാല പൊട്ടിച്ച സംഭവത്തിൽ യുവാവ് പിടിയിൽ. എളനാട് വെള്ളടി സ്വദേശി രഞ്ജിഷ് (24) ആണ് പിടിയിലായത്. വാനൂർ പാറക്കൽ ഹൗസിൽ രാജന്റെ ഭാര്യ കാഞ്ചനയുടെ (60) ഒരു പവന്റെ മാലയാണ് ഇയാൾ പൊട്ടിച്ച് കടന്നുകളഞ്ഞത്.

Also Read: തിരുവനന്തപുരം ചാല മാര്‍ക്കറ്റില്‍ തിക്കും തിരക്കും, നിയന്ത്രണവുമായി പോലീസ്, പ്രവേശനം ചരക്ക് വാഹനങ്ങള്‍ക്ക് മാത്രം

ഏപ്രിൽ 25 ന് വൈകുന്നേരം 5.30 ന് ദേശീയ പാത 544 ലെ വാനൂർ കള്ള് ഷാപ്പിന് സമീപത്ത് വെച്ചായിരുന്നു സംഭവം. തൃപ്പാളൂരിൽ നിർമ്മാണ പണിക്ക് പോയി മടങ്ങുകയായിരുന്നു ഇവർ. വയോധികയെ പിന്തുടർന്ന പ്രതി ലോക്ക് ഡൗൺ സമയത്തെ റോഡിലെ തിരക്കില്ലായ്മ മുതലാക്കിയാണ് കവർച്ച നടത്തിയത്. സംഭവത്തെ തുടർന്ന് ആലത്തൂർ പോലീസ് രജിസ്റ്റർ ചെയ്ത കേസിൽ ആലത്തൂർ ഡിവൈഎസ്പി യുടെ നിർദ്ദേശ പ്രകാരം പ്രത്യേക അന്വേഷണ സംഘമാണ് പ്രതിയെ പിടികൂടിയത്.

Also Read: കൊയിലാണ്ടിയിൽ അതിഥി തൊഴിലാളികളുടെ പ്രതിഷേധം; ലാത്തിച്ചാർജ്

സമീപവാസികളിൽ നിന്നും ശേഖരിച്ച വിവരങ്ങളുടെ അടിസ്ഥാനത്തിലും സംഭവത്തിനു മുൻപും ശേഷവുമുള്ള ആലത്തൂർ ടൗണിലേയും പരിസരത്തേയും സിസിടിവി ക്യാമറകൾ നിരീക്ഷിച്ചും പോലീസ് നടത്തിയ ഊർജ്ജിത അന്വേഷണമാണ് പ്രതിയെ പിടികൂടാൻ സഹായിച്ചത്. പ്രതിയെ എളനാടുള്ള വീട്ടിൽ നിന്നാണ് അറസ്റ്റ് ചെയ്തത്. ഇയാൾ പണയം വെച്ച മോഷണ മുതൽ പോലീസ് കണ്ടെടുത്തു. രഞ്ജിഷ് കൂടുതൽ മോഷണങ്ങൾ നടത്തിയിട്ടുണ്ടോയെന്ന് പോലീസ് അന്വേഷിക്കുന്നുണ്ട്.

Also Read: ദലിത് പെണ്‍കുട്ടിയെ ഓട്ടോയില്‍ വച്ച് പീഡിപ്പിക്കാന്‍ ശ്രമം; ഒളിവിൽ പോയ ഡ്രൈവര്‍ അറസ്റ്റില്‍

ആലത്തൂർ സിഐ ബോബിൻ മാത്യു, എസ്ഐ എം ആർ അരുൺകുമാർ, പ്രൊബേഷൻ എസ്ഐ ജിഷിൽ, അഡീഷണൽ എസ്ഐ സാം ജോർജ്ജ് ഡിവൈഎസ്പിയുടെ ക്രൈം സ്ക്വാഡ് അംഗങ്ങളായ ആർ കെ കൃഷ്ണദാസ്, റഹിം മുത്തു, യു സൂരജ് ബാബു, കെ ദിലീപ് എന്നിവരാണ് അന്വേഷണ സംഘത്തിലുണ്ടായിരുന്നത്.