അട്ടപ്പാടിയില് ആറുമാസത്തിനിടെ ആറു ശിശുമരണം
അട്ടപ്പാടിയില് ശിശുമരണം തുടര്ക്കഥയാകുന്നു. ഈ വര്ഷം ഇതുവരെ ജീവന് നഷ്ടമായത് 6 നവജാത ശിശുക്കള്ക്ക്. ഷിജു- സുമതി ദമ്പതികളുടെ പെണ്കുഞ്ഞാണ് ഏറ്റവും ഒടുവിലായി മരിച്ചത്. രക്തസമ്മര്ദ്ദത്തെ തുടര്ന്ന് ചികിത്സയിലായിരുന്നു സുമതി. ഓഗസ്റ്റ് ഒന്നിനായിരുന്നു തിയതി പറഞ്ഞതെങ്കിലും നേരത്തെ പ്രസവിക്കുകയായിരുന്നു. തുടര്ച്ചയായുള്ള ശിശുമരണങ്ങളുടെ പശ്ചാത്തലത്തില് അടിയന്തിര ഇടപെടല് വേണമെന്നാണ് നാട്ടുകാരുടെ ആവശ്യം.
Lipi 28 Jun 2022, 10:14 pm
ഹൈലൈറ്റ്:
- അട്ടപ്പാടിയില് ശിശുമരണങ്ങള് പതിവാകുന്നു
- ഈ വര്ഷം ഇതുവരെ മരിച്ചത് 6 നവജാത ശിശുക്കള്
- സര്ക്കാര് ഇടപെടല് വേണമെന്ന് ആവശ്യം
പാലക്കാട്: അട്ടപ്പാടിയില് വീണ്ടും ശിശുമരണങ്ങള് തുടര്ക്കഥയാവുന്നു. ഈവര്ഷം ആറുമാസം തികയും മുമ്പേ ഇതുവരെ മരിച്ചത് ആറുശിശുക്കള്. ചിറ്റൂര് ഊരിലെ ശിശുമരണമാണ് ഒടുവിലത്തേത്. ഷിജു-സുമതി ദമ്പതിമാരുടെ പെണ്കുഞ്ഞാണ് ഇന്നലെ മരണത്തിന് കീഴടങ്ങിയത്. ഉയര്ന്ന രക്തസമ്മര്ദ്ദത്തെ തുടര്ന്ന് തൃശ്ശൂര് മെഡിക്കല് കോളേജ് ആശുപത്രിയില് ചികിത്സയിലായിരുന്നു സുമതി. ആഗസ്ത് ഒന്നിനായിരുന്നു പ്രസവ തീയ്യതി പറഞ്ഞിരുന്നെങ്കിലും ഇന്നലെ രാവിലെ പ്രസവിച്ചു. കുഞ്ഞിനെ രക്ഷിക്കാനായില്ല. സ്കാനിംഗില് ഭ്രൂണാവസ്ഥയില് തന്നെ കുഞ്ഞിന്റെ തലയില് മുഴ കണ്ടെത്തിയിരുന്നതായി പറയുന്നുണ്ട്. ഈ കഴിഞ്ഞ 21നും അട്ടപ്പാടിയില് ആദിവാസി ഗര്ഭസ്ഥ ശിശുമരിച്ചിരുന്നു. ഒസത്തിയൂരിലെ വിഷ്ണു-പവിത്ര ദമ്പതിമാരുടെ പെണ്കുഞ്ഞാണ് മരിച്ചത്. തൃശ്ശൂര് മെഡിക്കല് കോളേജില് ചികിത്സയിലിരിക്കെയാണ് പവിത്ര പെണ്കുഞ്ഞിന് ജന്മം നല്കിയത്. ഗര്ഭം അഞ്ചാം മാസം എത്തിയപ്പോള് ആയിരുന്നു പ്രസവം. 25 ആഴ്ച മാത്രം വളര്ച്ചയുണ്ടായിരുന്ന ശിശുവിനെ പ്രത്യേക നിരീക്ഷണ സംവിധാനത്തിലേക്ക് മാറ്റിയെങ്കിലും രക്ഷിക്കാനായില്ല. ഫ്ലൂയിഡ് കുറഞ്ഞതിനെ തുടര്ന്നാണ് പവിത്രയെ അട്ടപ്പാടി കോട്ടത്തറ ട്രൈബല് ആശുപത്രിയില് നിന്ന് മെഡിക്കല് കോളേജിലേക്ക് മാറ്റിയത്.
കാവുണ്ടിക്കല് ഊരിലെ മണികണ്ഠന്-കൃഷ്ണ വേണി ദമ്പതിമാരുടെ മൂന്ന് ദിവസം പ്രായമുള്ള ആണ്കുഞ്ഞും കഴിഞ്ഞ മാസം അട്ടപ്പാടിയില് മരിച്ചിരുന്നു. സ്വകാര്യ ആശുപത്രിയിലെ പ്രസവത്തിന് ശേഷം ഡിസ്ചാര്ജ് ചെയ്ത് വീട്ടിലേക്ക് പോകുമ്പോള് ഗൂളിക്കടവില് വെച്ച് കുട്ടിക്ക് അനക്കമില്ലാതാകുകയായിരുന്നു. ആശുപത്രിയിലെത്തിച്ചപ്പോള് മരണം സ്ഥിരീകരിച്ചു. തുടര്ച്ചയായുള്ള ശിശുമരണങ്ങളുടെ പശ്ചാത്തലത്തിലും സര്ക്കാര് സംവിധാനങ്ങള് വേണ്ടത്ര ഉണര്ന്നു പ്രവര്ത്തിക്കുന്നില്ലെന്ന പരാതി ഉയര്ന്നു തുടങ്ങിയിട്ടുണ്ട്.
കാവുണ്ടിക്കല് ഊരിലെ മണികണ്ഠന്-കൃഷ്ണ വേണി ദമ്പതിമാരുടെ മൂന്ന് ദിവസം പ്രായമുള്ള ആണ്കുഞ്ഞും കഴിഞ്ഞ മാസം അട്ടപ്പാടിയില് മരിച്ചിരുന്നു. സ്വകാര്യ ആശുപത്രിയിലെ പ്രസവത്തിന് ശേഷം ഡിസ്ചാര്ജ് ചെയ്ത് വീട്ടിലേക്ക് പോകുമ്പോള് ഗൂളിക്കടവില് വെച്ച് കുട്ടിക്ക് അനക്കമില്ലാതാകുകയായിരുന്നു. ആശുപത്രിയിലെത്തിച്ചപ്പോള് മരണം സ്ഥിരീകരിച്ചു. തുടര്ച്ചയായുള്ള ശിശുമരണങ്ങളുടെ പശ്ചാത്തലത്തിലും സര്ക്കാര് സംവിധാനങ്ങള് വേണ്ടത്ര ഉണര്ന്നു പ്രവര്ത്തിക്കുന്നില്ലെന്ന പരാതി ഉയര്ന്നു തുടങ്ങിയിട്ടുണ്ട്.