പാലക്കാട് ഒരുക്കങ്ങൾ പൂർത്തിയായി; അതീവ ജാഗ്രതയോടെ വിദ്യാർത്ഥികൾ നാളെ പരീക്ഷ ഹാളിലേക്ക്!

പാലക്കാട്: എസ്എസ്എൽസി, ഹയർ സെക്കൻഡറി, വിഎച്ച്എസ്ഇ പരീക്ഷകൾക്കായുള്ള ഒരുക്കങ്ങൾ ജില്ലയിൽ പൂർത്തിയായതായി സിഡിഇ പി കൃഷ്ണൻ പറഞ്ഞു. നാളെ രാവിലെ അതീവ ജാഗ്രതയോടെ വിദ്യാർത്ഥികൾ പരീക്ഷ ഹാളിലേക്ക് പ്രവേശിക്കും. എസ്എസ്എൽസി, വിഎച്ച്എസ്ഇ പരീക്ഷയാണ് നാളെ മുതൽ ആരംഭിക്കുന്നത്. ബുധനാഴ്ച മുതലാണ് ഹയർ സെക്കൻഡറി പരീക്ഷ ആരംഭിക്കുക. ജില്ലയിലെ പരീക്ഷ കേന്ദ്രങ്ങളെല്ലാം അണുവിമുക്തമാക്കൽ പൂർത്തിയായി.

Also Read: ചെറുമകനെ വിട്ടുകിട്ടണം... സൂരജിന്‍റെ കുടുംബം ക്രിമിനല്‍ സ്വഭാവമുളളവര്‍, രൂക്ഷ വിമര്‍ശനവുമായി ഉത്രയുടെ പിതാവ്!

പരീക്ഷ കഴിഞ്ഞാലും കേന്ദ്രങ്ങൾ അണുനശീകരിക്കുമെന്ന് അധികൃതർ പറഞ്ഞു. പരീക്ഷ കേന്ദ്രങ്ങളുടെ പ്രവേശന കവാടത്തിനടുത്ത് കൈകഴുകാൻ സൗകര്യവും ഒരുക്കിയിട്ടുണ്ട്. രാവിലെ കുട്ടികൾ എത്തുന്നതിന് മുമ്പുതന്നെ ക്ലാസ് മുറികളിലെ പുറത്ത് സാനിറ്റൈസറും സ്ഥാപിക്കും. എസ്എസ്എൽസിക്ക് ജില്ലയിൽ പാലക്കാട്, മണ്ണാർക്കാട്, ഒറ്റപ്പാലം തുടങ്ങിയ മൂന്ന് വിദ്യാഭ്യാസ ജില്ലകളിലായി 199 പരീക്ഷാ കേന്ദ്രങ്ങളാണുള്ളത്.

Also Read: പൊളിച്ച് കളഞ്ഞത് 80 ലക്ഷം മുതല്‍ മുടക്കിയ സിനിമാ സെറ്റ്, മഹാമാരിയെ നേരിടുന്ന സമയത്ത് താങ്ങാനാവാത്ത നഷ്ടം, കാലടിയിൽ സംഭവിച്ചത് ഇതാണ്!

പാലക്കാട് 99, മണ്ണാർക്കാട് 42, ഒറ്റപ്പാലം 58 എന്നിങ്ങനെയാണ് കേന്ദ്രങ്ങൾ. ഇത്രയും കേന്ദ്രങ്ങളിലായി 39266 വിദ്യാർത്ഥികളാണ് പരീക്ഷ എഴുതുന്നത്. ഹയർ സെക്കൻഡറി വിഭാഗത്തിൽ 148 കേന്ദ്രങ്ങളിലായി 80154 പേരാണ് പരീക്ഷ എഴുതുന്നത്. വിഎച്ച്എസ്ഇയ്ക്ക് 25 കേന്ദ്രങ്ങളിലായി 3822 വിദ്യാർത്ഥികളാണ് പരീക്ഷ എഴുതുന്നത്. പരീക്ഷയ്ക്ക് വരുന്ന എല്ലാ വിദ്യാർത്ഥികൾക്കും എൻഎസ്എസ്, ബിആർസി എന്നിവയുടെ കീഴിൽ നിർമ്മിച്ച മാസ്കുകൾ അതാത് വാർഡ് അംഗങ്ങളുടെ നേതൃത്വത്തിൽ കഴിഞ്ഞ ദിവസം തന്നെ കുട്ടികളുടെ വീടുകളിൽ എത്തിച്ചു കഴിഞ്ഞു. ഉദ്യോഗസ്ഥർക്ക് ആവശ്യമായ മാസ്കുകളും തയ്യാറാണ്. ആവശ്യമായ മാസ്കുകൾ പരീക്ഷ കേന്ദ്രങ്ങളിലും ലഭ്യമാകും.

Also Read: ഗോവയില്‍ അഞ്ജന കൊല്ലപ്പെട്ടതെന്ന് സൂചന; പ്രകൃതി വിരുദ്ധ പീഡനത്തിന് ഇരയായി, പോസ്റ്റ് മോര്‍ട്ടം റിപ്പോര്‍ട്ട് പുറത്ത്, സംശയം സുഹൃത്തുക്കളിലേക്ക്...

ജില്ലയിലെ ഹോട്ട്സ്പോർട്ട് മേഖല, ക്വാറന്‍റൈൻ വീടുകൾ, ഇതരസംസ്ഥാനങ്ങളിൽ കുടുങ്ങിയ വിദ്യാർത്ഥികൾ എന്നിവർക്കായി പരീക്ഷ കേന്ദ്രങ്ങളിൽ പ്രത്യേക ക്ലാസ് മുറികൾ സജ്ജമാണ്. ഇത്തരം മുറികളിൽ ഉദ്യോഗസ്ഥരുടെ നേതൃത്വത്തിൽ സർക്കാരിൻ്റെ എല്ലാ നിർദ്ദേശങ്ങളും പാലിച്ചായിരിക്കും പരീക്ഷ നടക്കുക. കൂടാതെ പരീക്ഷയ്ക്ക് വരുന്ന വിദ്യാർത്ഥികളിൽ സ്വകാര്യവാഹനങ്ങൾ ഇല്ലാത്തവർക്കായി ജില്ലയിലെ സ്കൂൾ ബസുകൾക്കു പുറമെ ആവശ്യമായ കെഎസ്ആർടിസി ബസുകളും ഉണ്ടാകും. അണുവിമുക്തമാക്കിയും സാമൂഹിക അകലം പാലിച്ചുമാകും ബസുകൾ സർവീസ് നടത്തുക.