പാലക്കാട്: അപൂര്വ പര്വ്വതക്കാഴ്ചകളിലൊന്നായ ഒറ്റപ്പാലം അനങ്ങന്മലയോടു ചേര്ന്നുള്ള ക്വാറിയുടെ പ്രവര്ത്തനം നിര്ത്താന് സബ് ഡിവിഷനല് മജിസ്ട്രേറ്റിന്റെ ഇടക്കാല ഉത്തരവ്. ഹൈക്കോടതി നിര്ദേശപ്രകാരം വിശദമായ വാദം കേട്ട ശേഷമായിരുന്നു നടപടി. ക്വാറിയുടെ പ്രവര്ത്തനം നിര്ത്തിവെയ്ക്കാന് കഴിഞ്ഞമാസം 24ന് സബ് കലക്ടര് ഉത്തരവ് പുറപ്പെടുവിച്ചിരുന്നെങ്കിലും ഉടമ ഹൈക്കോടതിയെ സമീപിച്ചു. കോടതി ഉത്തരവു പരിഗണിച്ചാണ് സബ്ഡിവിഷനല് മജിസ്ട്രേറ്റ് കൂടിയായ സബ് കലക്ടര് കേസ് വീണ്ടും പരിഗണിച്ചത്.
നിയമാനുസൃതമായ അനുമതി പത്രങ്ങളെല്ലാം ലഭിച്ചിട്ടുണ്ടെന്നും ക്വാറിയുമായി ബന്ധപ്പെട്ട പരാതികളില് അടിസ്ഥാനമില്ലെന്നുമായിരുന്നു ഉടമയുടെ വാദം. ശരിയായ പഠനങ്ങള്ക്കുവിധേയമാക്കാതെയാണ് ക്വാറിയ്ക്ക് അനുമതി നല്കിയിട്ടുള്ളതെന്നും കൂടുതല് അന്വേഷണം വേണമെന്നും പരാതിക്കാരും ആവശ്യപ്പെട്ടു. ഇതുശരിവെച്ചാണ് ക്രിമിനല് നടപടി നിയമത്തിലെ 142-ാം വകുപ്പുപ്രകാരം ക്വാറിയുടെ പ്രവര്ത്തനം നിര്ത്തിവെയ്ക്കാനും അന്വേഷണം നടത്തി റിപ്പോര്ട്ട് സമര്പ്പിക്കാനും സബ് കലക്ടര് ഉത്തരവിട്ടത്. വിവിധ സര്ക്കാര് വകുപ്പുകളുടെ റിപ്പോര്ട്ടുകള് അടുത്തമാസം പത്തിന് മുമ്പായി സമര്പ്പിക്കണം. പാരിസ്ഥിതിക പ്രശ്നങ്ങള് ചൂണ്ടിക്കാട്ടി ശാസ്ത്ര സാഹിത്യ പരിഷത്തും നാട്ടുകാരുടെ കൂട്ടായ്മകളും രംഗത്തുണ്ട്.
ഒറ്റപ്പാലം-ചെറുപ്പുളശ്ശേരി വഴിയിലാണ് അനങ്ങനടി ഗ്രാമം. ഗ്രാമത്തിനു സമാന്തരമായി ഉയര്ന്നുനില്ക്കുന്നതാണ് അനങ്ങന് മല. ഹിമാലയത്തില്നിന്ന് ഔഷധങ്ങളുമായി മരുത്വാമല പറിച്ചെടുത്ത് ലങ്കയിലേക്ക് പറന്ന ഹനുമാന്റെ കയ്യില്നിന്നും അടര്ന്നുവീണ കഷ്ണമാണ് അനങ്ങന്മലയായി മാറിയതെന്നാണ് ഐതിഹ്യം. മുകളില്നിന്നുള്ള കാഴ്ചകള് ഹൃദ്യമാണ്. ഇക്കോ ടൂറിസം പദ്ധതി മലയോട് ചേര്ന്ന് നടപ്പാക്കിയിട്ടുണ്ട്. അതീവ കരുതലോടെ സംരക്ഷിക്കുന്ന മലയുടെ മറുഭാഗത്തോട് ചേര്ന്നാണ് ക്വാറി പ്രവര്ത്തിച്ചിരുന്നത്.
നിയമാനുസൃതമായ അനുമതി പത്രങ്ങളെല്ലാം ലഭിച്ചിട്ടുണ്ടെന്നും ക്വാറിയുമായി ബന്ധപ്പെട്ട പരാതികളില് അടിസ്ഥാനമില്ലെന്നുമായിരുന്നു ഉടമയുടെ വാദം. ശരിയായ പഠനങ്ങള്ക്കുവിധേയമാക്കാതെയാണ് ക്വാറിയ്ക്ക് അനുമതി നല്കിയിട്ടുള്ളതെന്നും കൂടുതല് അന്വേഷണം വേണമെന്നും പരാതിക്കാരും ആവശ്യപ്പെട്ടു. ഇതുശരിവെച്ചാണ് ക്രിമിനല് നടപടി നിയമത്തിലെ 142-ാം വകുപ്പുപ്രകാരം ക്വാറിയുടെ പ്രവര്ത്തനം നിര്ത്തിവെയ്ക്കാനും അന്വേഷണം നടത്തി റിപ്പോര്ട്ട് സമര്പ്പിക്കാനും സബ് കലക്ടര് ഉത്തരവിട്ടത്. വിവിധ സര്ക്കാര് വകുപ്പുകളുടെ റിപ്പോര്ട്ടുകള് അടുത്തമാസം പത്തിന് മുമ്പായി സമര്പ്പിക്കണം. പാരിസ്ഥിതിക പ്രശ്നങ്ങള് ചൂണ്ടിക്കാട്ടി ശാസ്ത്ര സാഹിത്യ പരിഷത്തും നാട്ടുകാരുടെ കൂട്ടായ്മകളും രംഗത്തുണ്ട്.
ഒറ്റപ്പാലം-ചെറുപ്പുളശ്ശേരി വഴിയിലാണ് അനങ്ങനടി ഗ്രാമം. ഗ്രാമത്തിനു സമാന്തരമായി ഉയര്ന്നുനില്ക്കുന്നതാണ് അനങ്ങന് മല. ഹിമാലയത്തില്നിന്ന് ഔഷധങ്ങളുമായി മരുത്വാമല പറിച്ചെടുത്ത് ലങ്കയിലേക്ക് പറന്ന ഹനുമാന്റെ കയ്യില്നിന്നും അടര്ന്നുവീണ കഷ്ണമാണ് അനങ്ങന്മലയായി മാറിയതെന്നാണ് ഐതിഹ്യം. മുകളില്നിന്നുള്ള കാഴ്ചകള് ഹൃദ്യമാണ്. ഇക്കോ ടൂറിസം പദ്ധതി മലയോട് ചേര്ന്ന് നടപ്പാക്കിയിട്ടുണ്ട്. അതീവ കരുതലോടെ സംരക്ഷിക്കുന്ന മലയുടെ മറുഭാഗത്തോട് ചേര്ന്നാണ് ക്വാറി പ്രവര്ത്തിച്ചിരുന്നത്.