'ഷഷ്ടി പൂര്‍ത്തി കഴിഞ്ഞ യുവ സ്ഥാനാര്‍ത്ഥികള്‍'... ഇങ്ങനെയൊക്കെ ട്രോളാവോ!! നേതാക്കളെ ട്രോളി ഒരു ഹ്രസ്വ ചിത്രം

പാലക്കാട്: തിരഞ്ഞെടുപ്പുകാലത്ത് പതിവായിക്കാണുന്ന കുറേ കാഴ്ചകളുണ്ട്. സ്ഥലവും പേരും മാറിയാലും ഒരേ മുഖങ്ങള്‍, ഒരേ വാഗ്ദാനങ്ങള്‍ ഇതെല്ലാം രസകരമായി പകര്‍ത്തുകയാണ് കുഞ്ഞു ചിത്രത്തില്‍. വിലയോറിയ വോട്ടെന്നാണ് ചിത്രത്തിന് പേരിട്ടിരിക്കുന്നത്. നാട്ടിലെ ഹാജിയാരെ നാട്ടുകാര്‍ പിരികയറ്റി മത്സരിപ്പിക്കാനൊരുങ്ങുന്നതോടെയാണ് ചിത്രം തുടങ്ങുന്നത്. പഞ്ചായത്ത് പ്രസിഡന്‍റാകണമെന്ന് ഹാജിയാര്‍ക്കും മോഹം.

Also Read: ആരെയും അമ്പരപ്പിക്കും രാമേട്ടന്‍റെ തിരഞ്ഞെടുപ്പ് ഓര്‍മ്മകള്‍... ഇന്ദിരാഗാന്ധിയില്‍ നിന്നുവരെ സമ്മാനം വാങ്ങി, ഷര്‍ട്ടിടാതെ സ്ഥാനാര്‍ത്ഥിയായി വിജയം!!

ഇങ്ങനെ തിരഞ്ഞെടുപ്പുകാലത്തുമാത്രം പ്രത്യക്ഷപ്പെടുന്ന നേതാക്കളെ കണക്കറ്റു പരിഹസിക്കുന്നുണ്ട് ചിത്രത്തില്‍. 'ഷഷ്ടി പൂര്‍ത്തി കഴിഞ്ഞ യുവ നേതാക്കള്‍' മത്സരിക്കുന്നതും ചായക്കട രാഷ്ട്രീയവും അമിത ദേശീയതയും ചിത്രത്തത്തില്‍ ചര്‍ച്ചയാകുന്നു. മുപ്പത് മിനിറ്റാണ് ചിത്രത്തിന്‍റെ ദൈര്‍ഘ്യം. രോഗ ബാധിതനായി ചികിത്സയില്‍ക്കഴിയുന്ന ബാബുവിന് ധന സഹായം നല്‍കിയാണ് ചിത്രം പ്രകാശനം ചെയ്തത്.

Also Read: ജയിച്ചു കയറിയത് നാല് തവണ.... അഞ്ചാം തവണ പാര്‍ട്ടി കൈവിട്ടു, തോറ്റ് മടങ്ങാന്‍ തയ്യാറല്ല, വത്സലകുമാരി വിമതയായി

മണ്ണാര്‍ക്കാട്ടെ കലാകാരന്‍മാരുടെ സൗഹാര്‍ദ കൂട്ടായ്മയാണ് ചിത്രം നിര്‍മിച്ചത്. എഴുത്തുകാരനും സാമൂഹ്യപ്രവര്‍ത്തകനുമായ ശരത്ബാബു തച്ചമ്പാറയാണ് സംവിധാനം നിര്‍വഹിച്ചിരിക്കുന്നത്. സിബിന്‍ ഹരിദാസിന്‍റേതാണ് രചന. അജയന്‍ ദൃശ്യകല ക്യാമറയും ഷബീര്‍ കോട്ടപ്പുറം എഡിറ്റിംഗും നിര്‍വഹിച്ചു. ലിസി ദാസ്, മുരളി മങ്കര, റഷീദ് കുമരംപുത്തൂര്‍ തുടങ്ങിയവരാണ് പ്രധാന വേഷങ്ങളില്‍. തെരഞ്ഞെടുപ്പ് കാഴ്ചകളോടൊപ്പം ചിത്രവും ചര്‍ച്ചയായി മാറിയതിന്റെ സന്തോഷത്തിലാണ് അണിയറ പ്രവര്‍ത്തകര്‍.

പാലക്കാട് ജില്ലയിൽ നിന്നുള്ള ഏറ്റവും പുതിയ നാട്ടുവാർത്തകൾക്കായി ഫേസ്ബുക്ക് പേജ് ഫോളോ ചെയ്യൂ

പാലക്കാട് ജില്ലയിൽ നിന്നുള്ള ഏറ്റവും പുതിയ നാട്ടുവാർത്തകൾക്കായി വാട്സ്ആപ്പ് ഗ്രൂപ്പ് ഫോളോ ചെയ്യൂ