അട്ടപ്പാടിയിൽ പുലിയിറങ്ങി; വളർത്തുമൃഗങ്ങളെ കൊന്നു! ജാഗ്രതാ നിർദേശം

പാലക്കാട്: അട്ടപ്പാടിയിൽ ജനവാസ കേന്ദ്രത്തിൽ പുലിയിറങ്ങി. പുതൂർ പഞ്ചായത്തിൽ പൊട്ടിക്കൽ ഊരിനോട് ചേർന്നാണ് പുലിയുടെ സാന്നിധ്യം ഭീതി പരത്തുന്നത്. കോളനിയിൽ നിന്ന് ഏഴ് ആടുകൾ പുലിയുടെ ആക്രമണത്തിന് ഇരയായെന്ന് പരാതിയുണ്ട്. കഴിഞ്ഞ ദിവസങ്ങളിൽ കാണാതായ ആടുകളെ ചത്ത നിലയിൽ കണ്ടെത്തുകയായിരുന്നു.

Also Read: ക്ഷേത്രകവാടം ചൊല്ലി തര്‍ക്കം; മണ്ണാര്‍ക്കാട് സര്‍ക്കിള്‍ ഇന്‍സ്‌പെക്ടര്‍ക്ക് മര്‍ദനം, 2 പേർ പിടിയിൽ

പൊട്ടിക്കൽ രാമി, ലക്ഷ്മി എന്നിവരുടെ ആടുകളെയാണ് ചത്ത നിലയിൽ കണ്ടത്. ആന്തരാവയവങ്ങൾ ഭക്ഷിച്ച് ഉപേക്ഷിച്ച നിലയിലായിരുന്നു. പരിസരത്തു നിന്ന് പുലിയുടെ കാൽപ്പാടുകളും കണ്ടെത്തി. തുടർന്ന് വനം വകുപ്പിൽ പരാതി നൽകി. വനം വകുപ്പ് ഉദ്യോഗസ്ഥരെത്തി ആടുകളെ പരിശോധിച്ചു. ആക്രമിച്ചത് പുലി തന്നെയാണ് ഉറപ്പു വരുത്തി. പുലിയുടെ കാൽപ്പാടുകളും തിരിച്ചറിഞ്ഞു. ആടിന്റെ ജഡം പോസ്റ്റുമോർട്ടം നടത്തി പുലിയുടെ ആക്രമണം ശാസ്ത്രീയമായി ഉറപ്പു വരുത്തേണ്ടതുണ്ട്.

Also Read: തമിഴ്‌നാട്ടിലും കേരളത്തിലും വോട്ട്; അതിര്‍ത്തി ഗ്രാമങ്ങളില്‍ നാലായിരത്തിലേറെ ഇരട്ട വോട്ടര്‍മാര്‍!

ഊരിനോട് ചേർന്ന് പരിശോധന നടത്തിയെങ്കിലും പുലിയെ കണ്ടെത്താനായില്ല. ഊരുവാസികളോട് ജാഗ്രത പാലിക്കണമെന്ന് നിർദേശം നൽകിയിട്ടുണ്ട്. പുലിയുടെ സാന്നിധ്യം തുടരുകയാണെങ്കിൽ കെണി സ്ഥാപിക്കാനാണ് ആലോചിക്കുന്നത്. വന്യജീവി സങ്കേതത്തിൽ ഉൾപ്പെട്ട ഭാഗമായതിനാൽ കൂടുതൽ നടപടിയ്ക്ക് ഉന്നാതാധികാരികളിൽനിന്ന് അനുമതി തേടേണ്ടതുണ്ട്.


പാലക്കാട് ജില്ലയിൽ നിന്നുള്ള ഏറ്റവും പുതിയ നാട്ടുവാർത്തകൾക്കായി വാട്സ്ആപ്പ് ഗ്രൂപ്പ് ഫോളോ ചെയ്യൂ


പാലക്കാട് ജില്ലയിൽ നിന്നുള്ള ഏറ്റവും പുതിയ നാട്ടുവാർത്തകൾക്കായി ഫേസ്ബുക്ക് പേജ് ഫോളോ ചെയ്യൂ