മഴ ശക്തമായതോടെ കുതിരാന്‍ വഴിയുള്ള യാത്രദുഷ്‌കരമായതിനു പിന്നാലെ കുതിരാന്‍ വലത് തുരങ്കത്തിനുള്ളില്‍ വെള്ളക്കെട്ടും രൂപപ്പെട്ടു. തുരങ്കത്തിനുള്ളില്‍ ഉറവകളും വിള്ളലുകളും രൂപപ്പെട്ടത് അതീവ ഗുരുതരമായി കാണണം.
| Edited by Samayam Desk | Lipi5 Aug 2020, 3:47 pm
പാലക്കാട്: ദേശീയപാതയില്‍ എന്നും ഗതാഗതകുരുക്കുമായി യാത്രക്കാരെ വലയ്ക്കുന്ന കുതിരാനില്‍ ദുരിതമൊഴിയുന്നില്ല. ഭാരവാഹനങ്ങള്‍ ഇടുങ്ങിയ ഇരുമ്പുപാലം കടന്ന് മലകയറുമ്പോഴുണ്ടാകുന്ന താമസവും ഇതിനിടയില്‍ വാഹനങ്ങള്‍ തകരാറിലാകുന്നതും മറ്റുമായി കുതിരാനില്‍ എന്നും കിലോമീറ്ററുകള്‍ നീളുന്ന കുരുക്കാണ്. ഇതൊഴിവാക്കാന്‍ വടക്കഞ്ചേരിയില്‍ നിന്നും മണ്ണുത്തിവരെയുള്ള ദേശീയപാത ആറുവരിയാക്കുന്നതിന്‍റെ ഭാഗമായി കുതിരാനില്‍ മലതുരന്ന് തുരങ്കപാതയൊരുക്കാന്‍ നടത്തിയ നീക്കവും എങ്ങുമെത്താതെ കിടക്കുന്നു.
മഴ ശക്തമായതോടെ കുതിരാന്‍ വഴിയുള്ള യാത്രദുഷ്‌കരമായതിനു പിന്നാലെ കുതിരാന്‍ വലത് തുരങ്കത്തിനുള്ളില്‍ വെള്ളക്കെട്ടും രൂപപ്പെട്ടു. തുരങ്കത്തിനുള്ളില്‍ ഉറവകളും വിള്ളലുകളും രൂപപ്പെട്ടത് അതീവ ഗുരുതരമായി കാണണം. തുരങ്കത്തിന് മുന്നിലെ പാറക്കെട്ടുകള്‍ വെള്ളത്തില്‍ കുതിര്‍ന്നുനില്‍ക്കുകയാണ്. ഇതിനിടെ കുതിരാന്‍ ഇടത് തുരങ്കത്തിന്‍റെ പടിഞ്ഞാറെ ഭാഗത്ത് മലയിടിച്ചിലുമുണ്ടായി. എഴുപതടി ഉയരത്തിലെ പാറക്കെട്ടിനു മുകളിലെ മണ്ണാണ് ഇടിഞ്ഞുവീണത്. ഉരുക്കുവല സ്ഥാപിച്ച് സുരക്ഷിതമാക്കിയ ഭാഗത്താണ് മലയിടിച്ചില്‍ ഉണ്ടായത്. തുരങ്കത്തിനുള്ളില്‍ ഉറവകളും വിള്ളലുകളും രൂപപ്പെട്ടിട്ടുണ്ട്.
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.
