പത്തനംതിട്ട: കൂട്ടുകാരന്റെ വീട്ടിൽ ജന്മദിനം ആഘോഷിക്കാൻ എത്തിയ 14കാരനെ ഒഴുക്കിൽ പെട്ട് കാണാതായി. പിറന്നാള് ആഘോഷത്തിന് എത്തിയ എട്ടാം ക്ലാസുകാരനായ സൽമാനെ ആണ് അച്ചന്കോവിലാറ്റില് ഒഴുക്കില്പ്പെട്ട് കാണാതായത്. താഴേവെട്ടിപ്പുറം വലിയകാലായില് സനോജ്- നസിയ ദമ്പതികളുടെ മകനാണ് പതിനാലുകാരനായ സല്മാൻ. പത്തനംതിട്ട കുമ്പഴ വലഞ്ചുഴിക്ക് സമീപമാണ് ഒഴുക്കില്പ്പെട്ട് കാണാതായത്.
Read Latest Local News and Malayalam News
പത്തനംതിട്ട ജില്ലയിലെ മുഴുവൻ വാര്ത്തകളും ഒറ്റ ക്ലിക്കിൽ ഇവിടെ വായിക്കാം
പത്തനംതിട്ട കെഎസ്ആര്ടിസി സ്റ്റാന്റ് ചോര്ച്ച അന്വേഷണത്തിന് ഉത്തരവിട്ടു
പത്തനംതിട്ട കെഎസ്ആര്ടിസി കെട്ടിട സമുച്ചയവും അനുബന്ധ സൗകര്യങ്ങളുമായി ബന്ധപ്പെട്ട് ഉയര്ന്നു വന്നിട്ടുള്ള പരാതികളിൽ ഗതാഗത വകുപ്പ് അന്വേഷണത്തിന് ഉത്തരവിട്ടു. ആരോഗ്യ വകുപ്പ് മന്ത്രി വീണാ ജോര്ജ് ഗതാഗത വകുപ്പ് മന്ത്രി ആന്റണി രാജുവിന് നല്കിയ കത്തിനെ തുടര്ന്നാണ് നടപടി. അന്വേഷണത്തിന് ചീഫ് എഞ്ചിനീയറെ ചുമതലപ്പെടുത്തി. പത്തനംതിട്ട കെഎസ്ആര്ടിസി കെട്ടിട സമുച്ചയവുമായി ബന്ധപ്പെട്ട പ്രശ്നങ്ങളില് നടപടി സ്വീകരിക്കണമെന്നാവശ്യപ്പെട്ട് മന്ത്രി വീണാ ജോര്ജ് കഴിഞ്ഞ ദിവസമാണ് ഗതാഗത വകുപ്പ് മന്ത്രിക്ക് കത്തെഴുതിയത്.
വീണാ ജോര്ജ് എംഎല്എ ആയിരുന്നപ്പോള് ഇതിന്റെ നിര്മാണ കാലയളവില് തന്നെ അന്നത്തെ മന്ത്രിയുടെ ശ്രദ്ധയില്പ്പെടുത്തുകയും ഒരു സാങ്കേതിക സമിതിയെക്കൊണ്ട് അന്വേഷിക്കുകയും കുറച്ച് റെക്ടിഫിക്കേഷന് നടപടികള് നടത്തുകയും ചെയ്തിരുന്നു. പക്ഷെ ഇപ്പോഴും ഡ്രെയിനേജ് ഓവര്ഫ്ളോ ചെയ്യുന്നുണ്ട്. മാത്രമല്ല ചോര്ച്ചയുമുണ്ടെന്നുമാണ് പരാതി. ശബരിമലക്കാലമായതിനാല് ധാരാളം തീര്ഥാടകരെത്തുന്നുണ്ട്. ഒട്ടേറെ ബുദ്ധിമുട്ടുകള് ഇതുമായി ബന്ധപ്പെട്ട് പൊതുജനങ്ങള്ക്കുണ്ടാകുന്നുണ്ട്. ഇതിന്റെ നിര്മാണ പ്രവര്ത്തനങ്ങള് സംബന്ധിച്ച് സാങ്കേതിക സമിതി അന്വേഷിക്കുകയും ഏതെങ്കിലും തരത്തിലുള്ള വീഴ്ചകള് ഉണ്ടായിട്ടുണ്ടെങ്കില് അത് പരിശോധിച്ച് നടപടി സ്വീകരിക്കുകയും ചെയ്യണമെന്ന് മന്ത്രി വീണാ ജോര്ജ് കത്തില് അഭ്യര്ഥിച്ചിരുന്നു. ഇതിനെത്തുടര്ന്നാണ് നടപടി.