ആപ്പ്ജില്ല

കൊവിഡ് വ്യാപനാശങ്കയ്ക്കിടെ കാലാവസ്ഥ വ്യതിയാനവും തിരിച്ചടിയായി; തിരക്കില്ലാതെ അടവികുട്ടവഞ്ചി സവാരി കേന്ദ്രം

കൊവിഡ് പശ്ചാത്തലത്തിൽ സമ്പൂർണ്ണ ലോക്ഡൗൺ പ്രഖ്യാപിച്ച സാഹചര്യത്തിലും കുട്ടവഞ്ചി സവാരി കേന്ദ്രം പൂർണ്ണമായി അടച്ചിട്ടിരുന്നു. മഴയുടെ ശക്തികുറഞ്ഞ് സഞ്ചാരികളുടെ വരവ് വർധിച്ചെങ്കിൽ മാത്രമേ കുട്ടവഞ്ചി സവാരി കേന്ദ്രം പൂർണ്ണമായി പ്രവർത്തനസജ്ജമാകൂ.

| Edited by Samayam Desk | Lipi 22 Sept 2020, 1:15 am
പത്തനംതിട്ട: കൊവിഡ് 19 ൻ്റെ വ്യാപനാശങ്കക്കിടെയുള്ള കാലാവസ്ഥ വ്യതിയാനവും അടവി കുട്ടവഞ്ചി സവാരി കേന്ദ്രത്തിലെ വരുമാനത്തേയും സാരമായി ബാധിച്ചു. കൊവിഡ് വ്യാപന സാധ്യത കണക്കിലെടുത്ത് തണ്ണിത്തോട് ഗ്രാമപഞ്ചായത്ത് കണ്ടെയ്മെൻ്റ് സോണിൽ ആക്കിയതിന് ശേഷം കഴിഞ്ഞ പതിനേഴാം തീയതിയായിരുന്നു കുട്ടവഞ്ചി സവാരി കേന്ദ്രം വീണ്ടും തുറന്ന് പ്രവർത്തനമാരംഭിച്ചത്. എന്നാൽ ശക്തമായ മഴയും കാലാവസ്ഥ വ്യതിയാനവും കുട്ടവഞ്ചി സവാരിയുടെ സുഗമമായ നടത്തിപ്പിനെ സാരമായി തന്നെ ബാധിച്ചിരിക്കുകയാണ് .
Samayam Malayalam കുട്ടവഞ്ചി


Also Read: പുല്‍പ്പള്ളിയില്‍ വെറ്ററിനറി ഡോക്ടറുടെ അനാസ്ഥ; 80,000 രൂപ മുടക്കി വാങ്ങിയ പശു ചത്തു, ജീവിതം വഴിമുട്ടിയതായി കുടുംബം

കൊവിഡ് പശ്ചാത്തലത്തിൽ സമ്പൂർണ്ണ ലോക്ഡൗൺ പ്രഖ്യാപിച്ച സാഹചര്യത്തിലും കുട്ടവഞ്ചി സവാരി കേന്ദ്രം പൂർണ്ണമായി അടച്ചിട്ടിരുന്നു. മഴയുടെ ശക്തികുറഞ്ഞ് സഞ്ചാരികളുടെ വരവ് വർധിച്ചെങ്കിൽ മാത്രമേ കുട്ടവഞ്ചി സവാരി കേന്ദ്രം പൂർണ്ണമായി പ്രവർത്തനസജ്ജമാകൂ. കല്ലുകൾ അധികമുള്ള കല്ലാറ്റിൽ ജലനിരപ്പ് വർധിച്ചെങ്കിൽ മാത്രമേ സുഗമമായ സഞ്ചാരം സാധ്യമാകു.വെള്ളം നിറഞ്ഞൊഴുകിയപ്പോൾ ലോക്ഡൗൺ പ്രഖ്യാപിച്ച സാഹചര്യത്തിലും വലിയ വരുമാന നഷ്ടം നേരിട്ടിരുന്നു

ഇപ്പോൾ കാലാവസ്ഥ വ്യതിയാനം കൂടി വന്നപ്പോൾ ഇരട്ടി വരുമാന നഷ്ടമാണ് ഉണ്ടായിരിക്കുന്നത്. മുൻ കൊവിഡ് വ്യാപനം തടയുന്നതിൻ്റെ ഭാഗമായി കേരളത്തിലെ വനമേഖലയിൽ പ്രവർത്തിച്ചുവരുന്ന അറുപത് ഇക്കോടൂറിസം സെന്ററുകളുടെ പ്രവർത്തനം ഫോറസ്റ്റ് ചീഫ് വൈൽഡ് ലൈഫ് വാർഡന്റെ ഉത്തരവിലൂടെ താൽകാലികമായി നിർത്തലാക്കിയിരുന്നു. ഇത് മൂലം ഉണ്ടായ തൊഴിലില്ലായ്മ ഇക്കോടൂറിസവുമായി ബന്ധപ്പെട്ട് ഗൈഡുകളായും വാച്ചർമാരായും സഹായികളായും പ്രവർത്തിച്ചിരുന്ന ആദിവാസികൾ ഉൾപ്പെടെയുള്ള ദുർബല വിഭാഗങ്ങളിൽ പ്പെട്ട രണ്ടായിരത്തോളം പേരേ നേരിട്ടും എഴുപതിനായിരം കുടുംബങ്ങളെ പരോക്ഷമായും ബാധിച്ചിരുന്നു.

Also Read: തിരുവനന്തപുരത്ത് കനത്ത ആശങ്ക; സമരക്കാരെ നേരിട്ട എസിപിക്ക് കൊവിഡ്, സമ്പര്‍ക്ക പട്ടിക സങ്കീര്‍ണം, കമ്മീഷണർ നിരീക്ഷണത്തിൽ

ഈ തൊഴിലുകളില്‍ ഏര്‍പ്പെട്ടിരിക്കുന്നവര്‍ പൂർണമായും ഇക്കോടൂറിസം പരിപാടിയുടെ വരുമാനത്തെ ആശ്രയിച്ചാണ് ജീവിച്ചിരുന്നത്. കഴിഞ്ഞ കുറേ നാളുകളായി ഇവർ നേരിടുന്ന പ്രതിസന്ധി പരിഹരിക്കുന്നതിന്റെ ഭാഗമായി കൂടിയാണ് ഇത് ഇപ്പോള്‍ തുറന്ന് പ്രവർത്തിക്കുന്നത് . പ്രവർത്തനം വീണ്ടും പ്രതിസന്ധിയിലായതോടെ ഇനി എന്തു ചെയ്യുമെന്ന ആശങ്കയാണ് തൊഴിലാളികൾ പങ്കു വെക്കുന്നത്.


പത്തനംതിട്ട ജില്ലയിൽ നിന്നുള്ള ഏറ്റവും പുതിയ നാട്ടുവാർത്തകൾക്കായി ഫേസ്ബുക്ക് പേജ് ഫോളോ ചെയ്യൂ


പത്തനംതിട്ട ജില്ലയിൽ നിന്നുള്ള ഏറ്റവും പുതിയ നാട്ടുവാർത്തകൾക്കായി വാട്സ്ആപ്പ് ഗ്രൂപ്പ് ഫോളോ ചെയ്യൂ

ആര്‍ട്ടിക്കിള്‍ ഷോ

ട്രെൻഡിങ്