പടം വരച്ച് നേടിയ പണം ദുരിതാശ്വാസനിധിയിലേക്ക് കൈമാറി പത്താം ക്ലാസുകാരൻ അമൽ കൃഷ്ണ

പത്തനംതിട്ട: മുഖ്യമന്ത്രിയുടെ ദുരിതാശ്വാസ നിധിയിലേക്ക് സംഭാവനയുമായി പത്താം ക്ലാസുകാരന്‍. പത്തനംതിട്ട മണിയാർ സ്വദേശിയായ അമൽ കൃഷ്ണയാണ് സ്വന്തമായി വരച്ച ചിത്രങ്ങള്‍ വിറ്റപ്പോൾ ലഭിച്ച തുകയായ 15,105 രൂപ മുഖ്യമന്ത്രിയുടെ ദുരിതാശ്വാസ നിധിയിലേക്ക് നൽകിയത്. "എല്ലാ ആളുകളുടെയും ചിത്രങ്ങൾ വരയ്ക്കും ചിത്രങ്ങള്‍ക്ക് ലഭിക്കുന്ന തുക മുഖ്യമന്ത്രിയുടെ ദുരിതാശ്വാസ നിധിയിലേക്ക് സംഭാവന ചെയ്യും" എന്ന് അമൽ കൃഷ്ണ ഫേസ്ബുക്കിൽ പോസ്റ്റ് ഇട്ടിരുന്നു.

Also Read: പോപ്പുലർ ഫിനാൻസ് നിക്ഷേപ തട്ടിപ്പ്: വഞ്ചിക്കപ്പെട്ട നിക്ഷേപകർക്കു പണം മടക്കി നൽകാൻ സൊസൈറ്റി രൂപീകരിക്കണമെന്ന് പോലീസ്; കേസിൽ കൂടുതൽ അറസ്റ്റുണ്ടാകുമെന്ന് സൂചന

ഈ പോസ്റ്റ് നിരവധി പേർ കാണുകയും ഷെയർ ചെയ്യുകയും ചെയ്തു. ഈ ഫേസ്ബുക്ക്‌ പോസ്റ്റിലൂടെയാണ് സഹായങ്ങള്‍ എത്തിയത്. മുപ്പതു പേരുടെ ചിത്രങ്ങള്‍ വരച്ചപ്പോള്‍ കിട്ടിയ തുകയാണ് അമൽ മുഖ്യമന്ത്രിയുടെ ദുരിതാശ്വാസ നിധിയിലേക്ക് ഇപ്പോൾ കൈമാറിയിരിക്കുന്നത്. 15105 രൂപയുടെ മുഖ്യമന്ത്രിയുടെ ദുരിതാശ്വാസ നിധിയിലേക്കുള്ള ചെക്ക് അമല്‍ കൃഷ്ണ പത്തനംതിട്ട ജില്ലാ കളക്ടര്‍ പി.ബി നുഹിനാണ് കൈമാറി.

Also Read: കളിമണ്ണ് കിട്ടാനില്ല, നിർമിച്ച പാത്രങ്ങൾ വിറ്റു പോകുന്നുമില്ല; കളിമൺപാത്രനിർമാണ മേഖല നേരിടുന്നത് കടുത്ത പ്രതിസന്ധി

തുക കൈമാറിയതിനൊപ്പം അമല്‍ കൃഷ്ണ വരച്ച ജില്ലാ കളക്ടര്‍ പി.ബി നൂഹിന്റെ ചിത്രവും കളക്ടര്‍ക്ക് സമ്മാനിച്ചു. പത്തനംതിട്ട അമൃത വിദ്യാലയം ഇംഗ്ലീഷ് മീഡിയം സ്‌കൂളില്‍ നിന്ന് അമല്‍ കൃഷ്ണ പത്താം ക്ലാസ് പൂർത്തിയാക്കി. അച്ഛന്‍ പി.വി ബിജു, അമ്മ അര്‍ച്ചന ബിജു, സഹോദരന്‍ അഭയ് കൃഷ്ണ, സിപിഎം വടശേരിക്കര ലോക്കല്‍ സെക്രട്ടറി ബെഞ്ചമിന്‍ ജോസ് ജേക്കബ്ബ് തുടങ്ങിയവരും ചടങ്ങിൽ സന്നിഹിതരായിരുന്നു

പത്തനംതിട്ട ജില്ലയിൽ നിന്നുള്ള ഏറ്റവും പുതിയ നാട്ടുവാർത്തകൾക്കായി വാട്സ്ആപ്പ് ഗ്രൂപ്പ് ഫോളോ ചെയ്യൂ