പത്തനംതിട്ടയിലെ ഡാമുകളിൽ ഇനി ക്യാമറ കണ്ണുകൾ, വീഡിയോ കാണാം

പത്തനംതിട്ട: ജില്ലയിലെ ജലവൈദ്യുത പദ്ധതികളിൽ ക്യാമറാ സംവിധാനം ഒരുക്കി അധികൃതർ. ശബരിഗിരി, കക്കാട് ജലവൈദ്യുത പദ്ധതികളുടെ സംഭരണികൾ ഇനി മുതൽ പൂർണമായും ക്യാമറാ നിരീക്ഷണത്തിലായിരിക്കും. മൂഴിയാർ, കക്കി-ആനത്തോട്, പമ്പ അണക്കെട്ടുകളിലാണ് ക്യാമറകൾ സ്ഥാപിക്കുന്നത്. അണക്കെട്ടുകളിലും സമീപ
സ്ഥലങ്ങളോടും ചേർന്ന് ക്യാമറ സ്ഥാപിക്കുന്ന പ്രവർത്തികൾ പുരോഗമിക്കുകയാണ്. അടുത്ത രണ്ടാഴ്ചകൊണ്ട് പണി
പൂർത്തിയാകും.ചെലവ് 80 ലക്ഷം, 40 കടക്കില്ലെന്ന് പ്രതിപക്ഷം, പത്തനംതിട്ടയിലെ വിശ്രമ കേന്ദ്രം വിവാദത്തില്‍, വീഡിയോ കാണാം

സംസ്ഥാനത്തെ 16 അണക്കെട്ടുകളിലാണ് ക്യാമറ സ്ഥാപിക്കുന്നത്. ഇതുവരെ 12 അണക്കെട്ടുകളിൽ ക്യാമറകൾ സ്ഥാപിച്ചു. 2018 ലെ മഹാപ്രളയത്തിൽ ഉണ്ടായ നാശനഷ്ടങ്ങൾ ആവർത്തിക്കാതിരിക്കാനും അണക്കെട്ടുകളിലെ
ജലനിരപ്പ് യഥാസമയം നിരീക്ഷിക്കാനും സെൻട്രൽ വാട്ടർ കമ്മീഷൻ്റെ ഉത്തരവ് പ്രകാരം സുരക്ഷാക്രമീകരണങ്ങളുടെ
ഭാഗമായിട്ടാണ് നിരീക്ഷണ ക്യാമറകൾ സ്ഥാപിക്കുന്നത്.

വിശപ്പ് രഹിത പ്രഭാതം ശ്രദ്ധേയമാകുന്നു

ഇനി മുതൽ ഈ അണക്കെട്ടുകളിൽ ജലനിരപ്പ് രേഖപ്പെടുത്തുന്നത് ഉൾപ്പടെ നിരീക്ഷണ ക്യാമറയുടെ
സഹായത്തോടെയാകും. കേരള സ്‌റ്റേറ്റ് ഇലക്ട്രിസിറ്റി ബോർഡ് ലിമിറ്റഡിൻ്റെ കോട്ടയം പള്ളം ഓഫീസിൽ നിന്നാകും
സംസ്ഥാനത്തെ എല്ലാ അണക്കെട്ടുകളും നിരീക്ഷിക്കുക. ഇവിടെ സ്ഥാപിക്കുന്ന വീഡിയോ വാളിൽ
ഇതുസംബന്ധിച്ച റിപ്പോർട്ടുകൾ തെളിയും. ആറുപേർ അടങ്ങുന്ന ഉദ്യോഗസ്ഥരുടെ പ്രത്യേകസംഘം 24 മണിക്കൂറും
പള്ളത്തെ ഓഫീസിൽ ഉണ്ടാകും. തിരുവനന്തപുരം കേന്ദ്രമായി പ്രവർത്തിക്കുന്ന സ്വകാര്യകമ്പനിയായ ആർ ടെക്
സിസ്റ്റമാണ് ക്യാമറ സ്ഥാപിക്കുന്നതിനുള്ള കരാർ എടുത്തിരിക്കുന്നത്.

പത്തനംതിട്ട ജില്ലയിൽ നിന്നുള്ള ഏറ്റവും പുതിയ നാട്ടുവാർത്തകൾക്കായി വാട്സ്ആപ്പ് ഗ്രൂപ്പ് ഫോളോ ചെയ്യൂ

പത്തനംതിട്ട ജില്ലയിൽ നിന്നുള്ള ഏറ്റവും പുതിയ നാട്ടുവാർത്തകൾക്കായി ഫേസ്ബുക്ക് പേജ് ഫോളോ ചെയ്യൂ