അച്ചൻകോവിലാറ്റിൽ കാണാതായ വയോധികൻ്റെ മൃതദേഹം കണ്ടെത്തി

പത്തനംതിട്ട: അച്ചൻകോവിലാറ്റിൽ ഞായറാഴ്ച കാണാതായ വയോധികൻ്റെ മൃതദേഹം കണ്ടെത്തി. പ്രമാടം ബിന്ദുഭവനിൽ രാജൻ പിള്ളയെ (77) യാണ് മരിച്ചത്. ഇന്ന് ഉച്ചയോടെയാണ് പ്രമാടത്തിന് സമീപമുള്ള കടവിൽ നിന്ന് മൃതദേഹം കണ്ടെത്തിയത്.

Also Read: അയ്യായിരത്തിലധികം ആനകളുടെ ചിത്രങ്ങളും വാർത്തകളും സൂക്ഷിച്ച് ജോസഫ് മാഷ്..! ഒരു വ്യത്യസ്തനായ ആന പ്രേമി

കൊടുന്തറയിൽ വാടകയ്ക്ക് താമസിക്കുകയാണ് രാജൻ പിള്ള. വീടിന് സമീപത്തു കൂടി ഒഴുകുന്ന അച്ചൻകോവിലാറ്റിൽ വെള്ളം ഉയർന്നത് കാണാൻ എത്തിയപ്പോൾ ആറിൻ്റെ തിട്ടയിടിഞ്ഞ് വെള്ളത്തിലേക്ക് വീഴുകയായിരുന്നു. ഉടൻ നാട്ടുകാർ വിവരമറിയിച്ചത് അനുസരിച്ച് ഫയർ ഫോഴ്സ് ഉദ്യോഗസ്ഥർ തെരച്ചിലിനെത്തിയെങ്കിലും വെള്ളം കൂടുതലായതും ശക്തമായ ഒഴുക്കും തെരച്ചിലിന് തടസമായി. തുടർന്ന് വെള്ളം പൂർണ്ണമായും താഴ്ന്നതോടെ മൃതദേഹം കരയ്ക്ക് അടിയുകയായിരുന്നു.

Also Read: കേരളത്തിൽ ഏറ്റവും കൂടുതല്‍ മരണ നിരക്ക് പത്തനംതിട്ടയില്‍; ഏറ്റവും കുറവ് മലപ്പുറത്തെന്നും റിപ്പോര്‍ട്ട്

പോലീസ് മേൽ നടപടികൾ സ്വീകരിച്ച ശേഷം മൃതദേഹം പത്തനംതിട്ട ജില്ലാ ഹോസ്പിറ്റൽ മോർച്ചറിയിലേക്ക് മാറ്റി. കൊവിഡ് പരിശോധനയ്ക്ക് ശേഷം മൃതദേഹം ബന്ധുക്കൾക്ക് വിട്ടു നൽകും.

Also Read: വനപാലകർക്കെതിരെ നരഹത്യയ്ക്ക് കേസെടുക്കാം; ആത്മഹത്യക്ക് കേസെടുത്തത് എന്ത് അടിസ്ഥാനത്തിലെന്ന് ഹൈക്കോടതി