അച്ചൻകോവിലാറ്റിൽ ചാടി ആത്മഹത്യ ചെയ്ത യുവാവിൻ്റെ മൃതദേഹം കണ്ടെത്തി

കോന്നി: അച്ചൻകോവിലാറ്റിൽ ചാടി ആത്മഹത്യ ചെയ്ത തണ്ണിത്തോട് സ്വദേശിയായ യുവാവിൻ്റെ മൃതദേഹം കണ്ടെത്തി. തണ്ണിത്തോട് മുരളി സദനത്തിൽ എം കെ പ്രസാദിൻ്റെ മകൻ ശബരിനാഥിൻ്റെ (26) മൃതദേഹമാണ് ഇലവുംതിട്ട ഉളനാട് കോണത്തൂ മൂല പമ്പ് ഹൗസിനടുത്തുള്ള ആറിൻ്റെ തീരത്ത് നിന്ന് കണ്ടെത്തിയത്. മൃതദേഹം കണ്ടെത്തിയത് തുടർന്ന് നാട്ടുകാർ പോലീസിനെയും ഫയർ ഫോഴ്സിനെയും വിവരം അറിയിക്കുകയായിരുന്നു. കൊവിഡ് പരിശോധനയ്ക്കും പോസ്റ്റുമോർട്ടത്തിനും ശേഷം മൃദേഹം ബന്ധുക്കൾക്ക് വിട്ടുനൽകും.

Also Read: ചിറ്റാറി ലെ ഫാം ഉടമ മത്തായിയുടെ മരണം; മൃതദ്ദേഹം സംസ്കരിക്കാതെയുള്ള പ്രതിഷേധം രണ്ടാഴ്ച പിന്നിടുന്നു, വനം വകുപ്പ് ഉദ്യോഗസ്ഥർക്ക് ഗുരുതര വീഴ്ച

വെള്ളിയാഴ്ച രാവിലെ 9.10 നാണ് സംഭവം. പുതിയ ബൈക്കിൻ്റെ രജിസ്ട്രേഷനുമായി ബന്ധപ്പെട്ട രേഖകളുമായി വീട്ടിൽ നിന്ന് ഇറങ്ങിയതാണ്. പാലത്തിൽ ബൈക്ക് നിർത്തി ആറ്റിലേക്കു ചാടുന്നത് കണ്ട ആളുകൾ പോലീസിൽ വിവരമറിയിക്കുകയായിരുന്നു. പോലീസും അഗ്നിരക്ഷാ സേനയും തെരച്ചിൽ നടത്തിയെങ്കിലും കണ്ടെത്താൻ കഴിഞ്ഞില്ല. നദിയിൽ ജലനിരപ്പ് ക്രമാതീതമായി ഉയർന്നതിനാൽ തെരച്ചിൽ ദുഷ്കരമായിരുന്നു. ബിടെക് ബിരുദധാരിയായ ശബരിനാഥ് സ്വകാര്യ ബാങ്കിലെ താൽക്കാലിക ജീവനക്കാരനാണ്. മാതാവ് : ലൂസി പ്രസാദ്. സഹോദരി: മാളു. പ്രസാദ് പോലീസ് കേസെടുത്ത് അന്വേഷണം ആരംഭിച്ചു.

Also Read: 16 അടി നീളം, 4 പേർക്ക് സഞ്ചരിക്കാം; വെള്ളപ്പൊക്കത്തെ നേരിടാൻ ഫൈബർ വള്ളം നിർമ്മിച്ച് അച്ഛനും മകനും

Also Read: പത്തനംതിട്ട ജില്ലയില്‍ നേരിയ ആശ്വാസം... മഴയുടെ ശക്തി കുറയും, ജില്ലയിലെ 127 ദുരിതാശ്വാസ ക്യാമ്പുകളിലായി 5166 പേര്‍