പത്തനംതിട്ടയിൽ 4 വയസുകാരനിൽ ഡെല്റ്റ പ്ലസ് വകഭേദം; സംസ്ഥാനത്ത് ആദ്യം
പത്തനംതിട്ട ജില്ലയിൽ ഡെല്റ്റ പ്ലസ് വകഭേദം കണ്ടെത്തി. കടപ്ര പഞ്ചായത്തിലെ നാലു വയസുള്ള ആണ് കുട്ടിയിലാണ് കൊവിഡ് ഡെല്റ്റ പ്ലസ് വകഭേദം കണ്ടെത്തിയത്. കൂടുതല് ജാഗ്രത പുലര്ത്തണമെന്ന് ജില്ലാ കളക്ടര്.
Samayam Malayalam 21 Jun 2021, 8:58 pm
ഹൈലൈറ്റ്:
- പത്തനംതിട്ടയിൽ കൊവിഡ് ഡെല്റ്റ പ്ലസ് വകഭേദം.
- 4 വയസുകാരനിലാണ് പുതിയ വകഭേദം.
- കേരളത്തിൽ ആദ്യമായാണ് ഡെൽറ്റ പ്ലസ് വകഭേദം കണ്ടെത്തുന്നത്.
പത്തനംതിട്ട: പത്തനംതിട്ട ജില്ലയിലെ കടപ്രയില് കൊവിഡ് ഡെല്റ്റ പ്ലസ് വകഭേദം കണ്ടെത്തി. കടപ്ര പഞ്ചായത്തിലെ നാലു വയസുള്ള ആണ് കുട്ടിയിലാണു പുതിയ വകഭേദമായ ഡെല്റ്റ പ്ലസ് കണ്ടെത്തിയത്. സംസ്ഥാനത്ത് ആദ്യമായാണ് ഡെൽറ്റ പ്ലസ് വകഭേദം കണ്ടെത്തുന്നത്. ഈ സാഹചര്യത്തിൽ കൂടുതല് ജാഗ്രത പുലര്ത്തണമെന്ന് ജില്ലാ കളക്ടര് ഡോ. നരസിംഹുഗാരി തേജ് ലോഹിത് റെഡ്ഡി അറിയിച്ചു. രോഗവ്യാപന ശേഷി കൂടുതലുള്ള ഈ വകഭേദം നിയന്ത്രിക്കുന്നതിനായി പ്രദേശത്ത് കൂടുതല് നിയന്ത്രണങ്ങള് ഏര്പ്പെടുത്തുമെന്നും കളക്ടർ അറിയിച്ചു.
മെയ് മാസം 24 നാണ് കുട്ടി കൊവിഡ് പോസിറ്റീവായത്. നിലവില് കുട്ടി കൊവിഡ് നെഗറ്റീവാണ്. കുട്ടിയുടെ സ്രവത്തിൻ്റെ ജനിതക പഠനത്തിലാണു പുതിയ വകഭേദമായ ഡെല്റ്റ പ്ലസ് കണ്ടെത്തിയത്. കുട്ടി ഉള്പ്പെട്ട വാര്ഡ് ലാര്ജ് കമ്മ്യൂണിറ്റി ക്ലസ്റ്റര് ഏരിയയാണ്. ടിപിആര് നിരക്ക് 18.42 ശതമാനമാണ്. രോഗവ്യാപനം കുറയാത്ത സാഹചര്യത്തിലും ടിപിആര് കൂടുതലായി നില്ക്കുന്നതിനാലും നിയന്ത്രണം അത്യാവശ്യമാണ്. പ്രദേശത്തെ പോസിറ്റീവ് രോഗികളെ ഡിസിസിയിലേക്ക് മാറ്റും. ഇവിടെ കൊവിഡ് പരിശോധന വര്ധിപ്പിക്കുമെന്നും കോണ്ടാക്ട് ട്രെയ്സിംഗ് ഊര്ജിതപ്പെടുത്തുമെന്നും കളക്ടര് അറിയിച്ചു.
രോഗം പകരാതിരിക്കാനുള്ള കര്ശനമായ നിയന്ത്രണ നടപടികള് സ്വീകരിക്കാന് ജില്ലാ ഭരണകേന്ദ്രം തീരുമാനിച്ചു. ഡല്ഹി സിഎസ്ഐആര്-ഐജിഐബിയിൽ നടത്തിയ പരിശോധനയിലാണ് വകഭേദം കണ്ടെത്തിയത്.
പത്തനംതിട്ട ജില്ലയിൽ നിന്നുള്ള ഏറ്റവും പുതിയ നാട്ടുവാർത്തകൾക്കായി വാട്സ്ആപ്പ് ഗ്രൂപ്പ് ഫോളോ ചെയ്യൂ
പത്തനംതിട്ട ജില്ലയിൽ നിന്നുള്ള ഏറ്റവും പുതിയ നാട്ടുവാർത്തകൾക്കായി ഫേസ്ബുക്ക് പേജ് ഫോളോ ചെയ്യൂ
മെയ് മാസം 24 നാണ് കുട്ടി കൊവിഡ് പോസിറ്റീവായത്. നിലവില് കുട്ടി കൊവിഡ് നെഗറ്റീവാണ്. കുട്ടിയുടെ സ്രവത്തിൻ്റെ ജനിതക പഠനത്തിലാണു പുതിയ വകഭേദമായ ഡെല്റ്റ പ്ലസ് കണ്ടെത്തിയത്. കുട്ടി ഉള്പ്പെട്ട വാര്ഡ് ലാര്ജ് കമ്മ്യൂണിറ്റി ക്ലസ്റ്റര് ഏരിയയാണ്. ടിപിആര് നിരക്ക് 18.42 ശതമാനമാണ്. രോഗവ്യാപനം കുറയാത്ത സാഹചര്യത്തിലും ടിപിആര് കൂടുതലായി നില്ക്കുന്നതിനാലും നിയന്ത്രണം അത്യാവശ്യമാണ്. പ്രദേശത്തെ പോസിറ്റീവ് രോഗികളെ ഡിസിസിയിലേക്ക് മാറ്റും. ഇവിടെ കൊവിഡ് പരിശോധന വര്ധിപ്പിക്കുമെന്നും കോണ്ടാക്ട് ട്രെയ്സിംഗ് ഊര്ജിതപ്പെടുത്തുമെന്നും കളക്ടര് അറിയിച്ചു.
രോഗം പകരാതിരിക്കാനുള്ള കര്ശനമായ നിയന്ത്രണ നടപടികള് സ്വീകരിക്കാന് ജില്ലാ ഭരണകേന്ദ്രം തീരുമാനിച്ചു. ഡല്ഹി സിഎസ്ഐആര്-ഐജിഐബിയിൽ നടത്തിയ പരിശോധനയിലാണ് വകഭേദം കണ്ടെത്തിയത്.
പത്തനംതിട്ട ജില്ലയിൽ നിന്നുള്ള ഏറ്റവും പുതിയ നാട്ടുവാർത്തകൾക്കായി വാട്സ്ആപ്പ് ഗ്രൂപ്പ് ഫോളോ ചെയ്യൂ
പത്തനംതിട്ട ജില്ലയിൽ നിന്നുള്ള ഏറ്റവും പുതിയ നാട്ടുവാർത്തകൾക്കായി ഫേസ്ബുക്ക് പേജ് ഫോളോ ചെയ്യൂ