പത്തനംതിട്ട (Pathanamthitta): വൻ സാമ്പത്തിക തിരിമറി നടന്ന പത്തനംതിട്ട മൈലപ്ര സർവീസ് സഹകരണ ബാങ്കിൽ പ്രതിഷേധം തുടരുന്നു. നിക്ഷേപകരുടെ പണം ആവശ്യപ്പെട്ട് ആക്ഷൻ കൗൺസിലിൻ്റെ നേതൃത്വത്തിലാണ് പ്രതിഷേധം തുടരുന്നത്. നിക്ഷേപത്തിന് ആനുപാതികമായി ആഴ്ചയിൽ 25,000 രൂപ നൽകണമെന്നാണ് ആക്ഷൻ കൗൺസിലിൻ്റെ പ്രധാന ആവശ്യം. ദിവസങ്ങൾക്ക് മുൻപ് ബാങ്ക് പ്രസിഡന്റിനെയും നിലവിൽ സെക്രട്ടറിയുടെ ചുമതല വഹിക്കുന്ന ബാങ്കിലെ മറ്റൊരു ജീവനക്കാരനെയും നിക്ഷേപകർ മണിക്കൂറോളം തടഞ്ഞുവെച്ചിരുന്നു. തുടർന്ന് അധികൃതർ ഇടപെട്ട് ആഴ്ചയിൽ 10,000 രൂപ വീതം നൽകാമെന്ന ഉറപ്പിലാണ് നിക്ഷേപകർ സമരം അവസാനിപ്പിച്ചത്. ഇതേ തുടർന്ന് അനുദിനം നിരവധി പേരാണ് പണം ആവശ്യപ്പെട്ട് ഇവിടേയ്ക്ക് എത്തിച്ചേരുന്നത്. നിരവധി നിക്ഷേപകർ കഴിഞ്ഞ ദിവസം ഇവിടെ എത്തി വൈകുന്നേരം വരെ കാത്തുനിന്നിട്ടും ആർക്കും പണം ലഭിച്ചില്ല.
ബാങ്കിലെ ജീവനക്കാരുടെ സുഹൃത്തുക്കളും ബന്ധുക്കളുമായ ചില ആളുകൾക്ക് പണം നൽകുന്നു എന്ന് വ്യക്തമായതായി ആക്ഷൻ കൗൺസിൽ ഭാരവാഹികൾ ആരോപിച്ചു. ചില നിക്ഷേപകർ തങ്ങളുടെ പണത്തിനായി ബാങ്കിലെ ജീവനക്കാരിൽ ചിലരെ സമീപിച്ചപ്പോൾ പണം ഉടൻ തന്നെ തിരിച്ചു കിട്ടണമെങ്കിൽ കമ്മീഷൻ തരേണ്ടി വരുമെന്നു പറഞ്ഞതായും ആരോപണമുയർന്നിട്ടുണ്ട്.
സമീപ കാലത്ത് ജില്ല കണ്ട ഏറ്റവും വലിയ സാമ്പത്തിക തട്ടിപ്പിൽ സഹകരണ വകുപ്പ് അന്വേഷണം ഊർജിതമാക്കണമെന്നാണ് ആവശ്യം. മൈലപ്ര സർവീസ് സഹകരണ ബാങ്കിൽ നിന്നും നിലവിൽ ഒരു നിക്ഷേപകർക്കും പണം നൽകാൻ കഴിയാത്ത സാഹചര്യമാണെന്ന് ബോധ്യമായി. പണം ആവശ്യപ്പെട്ട് നിക്ഷേപകർ എത്തുമ്പോൾ കൈ മലർത്തി കാണിക്കുന്ന, വൻ സാമ്പത്തിക ക്രമക്കേടിന് കൂട്ടുനിന്ന ഭരണസമിതിയെ പിരിച്ചുവിട്ട് നിക്ഷേപകർക്ക് നീതി വാങ്ങി കൊടുക്കണമെന്നാണ് ആക്ഷൻ കൗൺസിലും നിക്ഷേപകരും ആവശ്യപ്പെടുന്നത്.
Topic: Pathanamthitta News,Mylapra Bank, Mylapra Service Cooperative Bank
ബാങ്കിലെ ജീവനക്കാരുടെ സുഹൃത്തുക്കളും ബന്ധുക്കളുമായ ചില ആളുകൾക്ക് പണം നൽകുന്നു എന്ന് വ്യക്തമായതായി ആക്ഷൻ കൗൺസിൽ ഭാരവാഹികൾ ആരോപിച്ചു. ചില നിക്ഷേപകർ തങ്ങളുടെ പണത്തിനായി ബാങ്കിലെ ജീവനക്കാരിൽ ചിലരെ സമീപിച്ചപ്പോൾ പണം ഉടൻ തന്നെ തിരിച്ചു കിട്ടണമെങ്കിൽ കമ്മീഷൻ തരേണ്ടി വരുമെന്നു പറഞ്ഞതായും ആരോപണമുയർന്നിട്ടുണ്ട്.
സമീപ കാലത്ത് ജില്ല കണ്ട ഏറ്റവും വലിയ സാമ്പത്തിക തട്ടിപ്പിൽ സഹകരണ വകുപ്പ് അന്വേഷണം ഊർജിതമാക്കണമെന്നാണ് ആവശ്യം. മൈലപ്ര സർവീസ് സഹകരണ ബാങ്കിൽ നിന്നും നിലവിൽ ഒരു നിക്ഷേപകർക്കും പണം നൽകാൻ കഴിയാത്ത സാഹചര്യമാണെന്ന് ബോധ്യമായി. പണം ആവശ്യപ്പെട്ട് നിക്ഷേപകർ എത്തുമ്പോൾ കൈ മലർത്തി കാണിക്കുന്ന, വൻ സാമ്പത്തിക ക്രമക്കേടിന് കൂട്ടുനിന്ന ഭരണസമിതിയെ പിരിച്ചുവിട്ട് നിക്ഷേപകർക്ക് നീതി വാങ്ങി കൊടുക്കണമെന്നാണ് ആക്ഷൻ കൗൺസിലും നിക്ഷേപകരും ആവശ്യപ്പെടുന്നത്.
Topic: Pathanamthitta News,Mylapra Bank, Mylapra Service Cooperative Bank