പത്തനംതിട്ടയിലെ നാലാമത്തെ ഫസ്റ്റ് ലൈന്‍ ട്രീറ്റ്‌മെൻ്റ് സെൻ്റർ ഉടൻ പ്രവർത്തനം ആരംഭിക്കും

പത്തനംതിട്ട: ജില്ലയിലെ നാലാമത്തെ ഫസ്റ്റ് ലൈന്‍ ട്രീറ്റ്‌മെൻ്റ് സെൻ്റർ പത്തനംതിട്ട ജിയോ മെഡിക്കല്‍ ട്രസ്റ്റില്‍ ഒരാഴ്ചയ്ക്കുള്ളില്‍ പ്രവര്‍ത്തനമാരംഭിക്കുമെന്ന് ജില്ലാ കളക്ടര്‍ പി ബി നൂഹ്. ജിയോ മെഡിക്കല്‍ ട്രസ്റ്റ് ആശുപത്രിയുടെ പ്രവര്‍ത്തന പുരോഗതി വിലയിരുത്തിയതിനു ശേഷം സംസാരിക്കുകയായിരുന്നു അദ്ദേഹം.

Also Read: കാട്ടുപന്നികളെ വെടിവെക്കാൻ ഇവർക്ക് മാത്രം അനുമതി! പത്തനംതിട്ടയിൽ പാനൽ തയാറാക്കുന്നു

പത്തനംതിട്ട നഗരസഭയുടെ നേതൃത്വത്തില്‍ അറ്റകുറ്റപ്പണികള്‍ പൂർത്തിയായി വരികയാണ് ഏഴു ദിവസത്തിനുള്ളില്‍ ആശുപത്രിയുടെ അറ്റകുറ്റപ്പണികൾ എല്ലാം പൂര്‍ത്തിയാകും. 80 മുതല്‍ 100 വരെയുള്ള കിടക്കകളാണ് രോഗികൾക്കായി ഇവിടെ സജ്ജീകരിക്കരിച്ചിട്ടുള്ളത്. പത്തനംതിട്ട ജില്ലയിൽ നിലവില്‍ മൂന്ന് ഫസ്റ്റ് ലൈന്‍ ട്രീറ്റ്‌മെൻ്റ് സെൻ്ററുകളിലായി 170 കിടക്കകള്‍ സജ്ജമാക്കിയിട്ടുണ്ടെന്നും കളക്ടര്‍ വ്യക്തമാക്കി.

Also Read: 3 സ്മാര്‍ട്ട് വില്ലേജ് ഓഫീസുകള്‍; പത്തനംതിട്ട സ്മാര്‍ട്ടാകുന്നു

കൊവിഡ് പോസിറ്റീവായിട്ടുള്ള നേരിയ രോഗലക്ഷണങ്ങള്‍ പ്രകടമാക്കുന്ന രോഗികളെ കിടത്തി ചികിത്സിക്കുന്നതിനുള്ള സ്ഥലമാണ് കൊവിഡ് ഫസ്റ്റ് ലൈന്‍ ട്രീറ്റ്‌മെൻ്റ് സെൻ്റർ. നഗരസഭയില്‍ നിന്നുള്ള 3.90 ലക്ഷം രൂപ ചെലവിലാണ് ആശുപത്രിയുടെ അറ്റകുറ്റപ്പണികളും മറ്റ് അവശ്യവസ്തുക്കളും ആശുപത്രിയിലേക്ക് വാങ്ങുന്നതെന്ന് നഗരസഭാ ചെയര്‍പേഴ്‌സണ്‍ റോസ്ലിൻ സന്തോഷ് പറഞ്ഞു. നഗരസഭ സെക്രട്ടറി എ എം മുംതാസ്, എന്‍എച്ച്എം ഡിപിഎം എ ബി സുഷന്‍, കോഴഞ്ചേരി തഹസില്‍ദാര്‍ കെ ഓമനക്കുട്ടന്‍ തുടങ്ങിയവരും ചടങ്ങിൽ സന്നിഹിതരായിരുന്നു.

Also Read: പോലീസ് സ്റ്റേഷനുകളില്‍ ഇനി അഭിഭാഷകരുടെ സേവനവും ലഭ്യമാകും; ചുമതലകള്‍ ഇങ്ങനെ