ജാഗ്രത കുറയരുത്; മരുന്ന് ക്ഷാമമെന്ന വാര്‍ത്ത വ്യാജം: വീണാ ജോര്‍ജ്‌, വീഡിയോ

പത്തനംതിട്ട(Pathanamthitta): സംസ്ഥാനത്ത് അടുത്ത മൂന്നാഴ്ച്ചയ്ക്കുള്ളിൽ കൊവിഡിന്റെ അതീ തീവ്ര വ്യാപനത്തിന് സാധ്യതയുണ്ടെന്ന്‌ ആരോഗ്യ വകുപ്പ് മന്ത്രി വീണാ ജോർജ് പറഞ്ഞു. മരുന്ന് ക്ഷാമം ഉണ്ടെന്ന തരത്തിൽ ചില മാധ്യമങ്ങളിൽ വന്ന വാർത്തകൾ അടിസ്ഥാന രഹിതമാണെന്നും ഇത്തരം വാർത്തകൾക്ക് പിന്നിൽ മരുന്ന് കമ്പനികളുടെ സമ്മർദ്ദം ഉണ്ടോ എന്ന് പരിശോധിക്കുമെന്നും വീണാ ജോർജ് പറഞ്ഞു. പത്തനംതിട്ടയിൽ മാധ്യമ പ്രവർത്തകരോട് സംസാരിക്കുകയായിരുന്നു വീണാജോർജ്സംസ്ഥാനത്ത് നിലവിൽ 78 ആക്ടീവ് ക്ലസ്റ്ററുകളാണ് ശ്രദ്ധയിൽ പെട്ടിട്ടുള്ളത്. ഇതിൽ ഏറെയും വിദ്യാഭ്യാസ സ്ഥാപനങ്ങളോ അനുബന്ധ ഹോസ്റ്റലുകളോ ആണെന്നും വീണാ ജോർജ്ജ് പറഞ്ഞു. സി പി ഐ എം അടക്കം രാഷ്ട്രീയ പാർട്ടികളുടെ പരിപാടികളിൽ കൊവിഡ് പ്രോട്ടോകോൾ പാലിക്കുന്നുണ്ട് എന്ന് ഉറപ്പാക്കും. ആശുപത്രികളിൽ ആരോഗ്യ പ്രവർത്തകർക്ക് രോഗം ബാധിക്കുന്ന സാഹചര്യമുണ്ട്. അതു കൊണ്ട് ഏവരുടേയും ഭാഗത്തുനിന്ന് ഉത്തരവാദിത്വ ബോധത്തോടെയുള്ള ഇടപെടൽ ഉണ്ടാവണം.

ഹരിവരാസനം പുരസ്കാരം ആലപ്പി രംഗനാഥിന് സമ്മാനിച്ചു

N-95 മാസ്ക്കുകൾ അല്ലെങ്കിൽ 2 മാസ്ക് നിർബന്ധമായും ധരിക്കണം. കൊവിഡിൽ മണവും രുചിയും നഷ്ടപ്പെടുന്ന സാഹചര്യം ഉണ്ടായിരുന്നു എന്നാൽ ഒമിക്രോണിൽ ചിലപ്പോൾ ഈ ലക്ഷണം ഉണ്ടായി എന്ന് വരില്ല. അതു കൊണ്ട് രോഗ ലക്ഷണമുള്ള മുഴുവൻ ആളുകളും പരിശോധനകൾ നടത്തുകയും മാനദണ്ഡങ്ങൾ പാലിച്ച് ക്വാറന്റയിനിലിരിക്കുകയും വേണമെന്നും വീണാ ജോർജ് പത്തനംതിട്ടയിൽ പറഞ്ഞു.

Topic: Pathanamthitta, Omicron, veena george