പത്തനംതിട്ട (Pathanamthitta): ഭർത്താവ് സ്ഥാനം ഒഴിഞ്ഞപ്പോൾ ഭാര്യ ജില്ലാ സെക്രട്ടറിയേറ്റിൽ. ഭർത്താവിന് പകരം ഭാര്യയെ ഉൾപ്പെടുത്തി സിപിഎം പത്തനംതിട്ട ജില്ലാ സെക്രട്ടറിയേറ്റ് വനിതാ പ്രാതിനിധ്യം നൽകി പുനഃസംഘടിപ്പിച്ചു. അടൂരിൽ നടന്ന ജില്ലാ സമ്മേളനത്തിലാണ് നിലവിൽ ജില്ലാ സെക്രട്ടറിയേറ്റ് അംഗമായ പ്രൊഫ. ടി കെ ജി നായർ ഒഴിഞ്ഞത്. കമ്മറ്റിയിലേക്ക് പുതുതായി നിർമ്മലാ ദേവി എത്തുകയും ചെയ്തു. കേരള ബാങ്ക് ഡയറക്ടർ കൂടിയായ നിമ്മലാ ദേവി സെക്രട്ടറിയേറ്റിൽ വന്നതോടെ വനിതാ പ്രാതിനിധ്യവും ഉണ്ടായി.
ആരോഗ്യ വകുപ്പ് മന്ത്രി വീണാ ജോർജും മുൻ കോൺഗ്രസ് നേതാവ് പീലിപ്പോസ് തോമസും ജില്ലാ കമ്മറ്റിയിലേക്ക് തെരഞ്ഞെടുക്കപ്പെട്ടു. എസ് മനോജ്, പി ബി സതീഷ് കുമാർ, ലസിത ടീച്ചർ എന്നിവരാണ് ജില്ലാ കമ്മറ്റിയിൽ പുതുതായി ഉൾപ്പെട്ട മറ്റുള്ളവർ. ജില്ലാ സെക്രട്ടറി ആയി കെ പി ഉദയഭാനുവും മൂന്നാം തവണയും തുടരും. റാന്നി ഏരിയ സെക്രട്ടറി പി ആർ പ്രസാദിനെ പുതിയതായി സെക്രട്ടേറിയറ്റിൽ ഉൾപ്പെടുത്തി. കെ പി ഉദയഭാനു, പി ജെ അജയകുമാർ, എ പത്മകുമാർ, ടി.ഡി ബൈജു, പി ബി ഹർഷകുമാർ, ആർ സനൽകുമാർ, രാജു ഏബ്രഹാം, ഓമല്ലൂർ ശങ്കരൻ എന്നിവരാണ് മറ്റ് അംഗങ്ങൾ. ഡിവൈഎഫ്ഐ ജില്ലാ സെക്രട്ടറി പി ബി സതീഷ് കുമാറിനെ ജില്ലാ കമ്മിറ്റിയിൽ ഉൾപ്പെടുത്തി. ഇതുൾപ്പെടെ 5 പേർ പുതുമുഖങ്ങളാണ്. മന്ത്രി വീണാ ജോർജ് അടക്കം 17 പേരെ സംസ്ഥാന സമ്മേളന പ്രതിനിധികളായും തെരഞ്ഞെടുത്തു.
പ്രകാശ് ബാബു, ജി അജയ കുമാർ, അമൃതം ഗോകുൽ എന്നിവരാണ് ഒഴിവാക്കപ്പെട്ട ജില്ലാ കമ്മറ്റി അംഗങ്ങൾ. കഴിഞ്ഞ ജില്ലാ സമ്മേളനത്തിൽ ശക്തമായ മത്സരം ഉണ്ടായെങ്കിൽ ഇക്കുറി അതിനുള്ള അവസരം സമ്മേളനം നിയന്ത്രിച്ചവർ നൽകിയില്ല. എന്നാൽ അടിസ്ഥാന വർഗത്തിൽ നിന്നുള്ള ആരും സെക്രട്ടറിയേറ്റിൽ ഇല്ല എന്നത് അണികൾ പറയുന്നുണ്ട്. മുൻ എംഎൽഎ വി എസ്.ചന്ദ്രശേഖര പിള്ള ജില്ലാ സെക്രട്ടറി ആയിരുന്ന കാലത്ത് ഒൻപത് അംഗ സെക്രട്ടറിയേറ്റിൽ ഈ വിഭാഗത്തിൽ നിന്നുള്ള മുൻ എംഎൽഎ പി കെ കുമാരൻ, വി ആർ ശിവരാജൻ, എം എം സുകുമാരൻ എന്നിവർ അംഗങ്ങളായിരുന്നു. പിന്നീടുള്ള കമ്മറ്റികളിൽ ഒഴിവാക്കലിനെ തുടർന്ന് പാർട്ടിയുടെ പ്രധാന വോട്ട് ബാങ്കായ ഇവിടെ നിന്നും ആരും ഇല്ലാതെയായി. ജില്ലാ കമ്മറ്റി അംഗമായിരുന്ന കെ എൻ ഗോപിയെ കഴിഞ്ഞ സമ്മേളനത്തിൽ ഒഴിവാക്കിയിരുന്നു.
പത്തനംതിട്ട ജില്ലയിൽ നിന്നുള്ള ഏറ്റവും പുതിയ നാട്ടുവാർത്തകൾക്കായി വാട്സ്ആപ്പ് ഗ്രൂപ്പ് ഫോളോ ചെയ്യൂ
പത്തനംതിട്ട ജില്ലയിൽ നിന്നുള്ള ഏറ്റവും പുതിയ നാട്ടുവാർത്തകൾക്കായി ഫേസ്ബുക്ക് പേജ് ഫോളോ ചെയ്യൂ
Topic: Pathanamthitta News, CPM, Pathanamthitta CPM District Conference
പ്രകാശ് ബാബു, ജി അജയ കുമാർ, അമൃതം ഗോകുൽ എന്നിവരാണ് ഒഴിവാക്കപ്പെട്ട ജില്ലാ കമ്മറ്റി അംഗങ്ങൾ. കഴിഞ്ഞ ജില്ലാ സമ്മേളനത്തിൽ ശക്തമായ മത്സരം ഉണ്ടായെങ്കിൽ ഇക്കുറി അതിനുള്ള അവസരം സമ്മേളനം നിയന്ത്രിച്ചവർ നൽകിയില്ല. എന്നാൽ അടിസ്ഥാന വർഗത്തിൽ നിന്നുള്ള ആരും സെക്രട്ടറിയേറ്റിൽ ഇല്ല എന്നത് അണികൾ പറയുന്നുണ്ട്. മുൻ എംഎൽഎ വി എസ്.ചന്ദ്രശേഖര പിള്ള ജില്ലാ സെക്രട്ടറി ആയിരുന്ന കാലത്ത് ഒൻപത് അംഗ സെക്രട്ടറിയേറ്റിൽ ഈ വിഭാഗത്തിൽ നിന്നുള്ള മുൻ എംഎൽഎ പി കെ കുമാരൻ, വി ആർ ശിവരാജൻ, എം എം സുകുമാരൻ എന്നിവർ അംഗങ്ങളായിരുന്നു. പിന്നീടുള്ള കമ്മറ്റികളിൽ ഒഴിവാക്കലിനെ തുടർന്ന് പാർട്ടിയുടെ പ്രധാന വോട്ട് ബാങ്കായ ഇവിടെ നിന്നും ആരും ഇല്ലാതെയായി. ജില്ലാ കമ്മറ്റി അംഗമായിരുന്ന കെ എൻ ഗോപിയെ കഴിഞ്ഞ സമ്മേളനത്തിൽ ഒഴിവാക്കിയിരുന്നു.
പത്തനംതിട്ട ജില്ലയിൽ നിന്നുള്ള ഏറ്റവും പുതിയ നാട്ടുവാർത്തകൾക്കായി വാട്സ്ആപ്പ് ഗ്രൂപ്പ് ഫോളോ ചെയ്യൂ
പത്തനംതിട്ട ജില്ലയിൽ നിന്നുള്ള ഏറ്റവും പുതിയ നാട്ടുവാർത്തകൾക്കായി ഫേസ്ബുക്ക് പേജ് ഫോളോ ചെയ്യൂ
Topic: Pathanamthitta News, CPM, Pathanamthitta CPM District Conference