ഭര്‍ത്താവ് വഴിയിലുപേക്ഷിച്ചു, ഭാര്യ പിന്നാലെ ഓടി; കാര്യമറിയാതെ നാട്ടുകാരും ഓടി, അരങ്ങേറിയത് നാടകീയ രംഗങ്ങള്‍

പത്തനംതിട്ട: പത്തനംതിട്ടയിലെ സെന്‍ട്രല്‍ ജംഗ്ഷനില്‍ ഇന്നലെ അരങ്ങേറിയത് നാടകീയ രംഗങ്ങള്‍. ഒരു യുവതി ആളുകളെ ഇടിച്ചുമാറ്റി അതിവേഗം ചന്തയുടെ ഭാഗത്തേക്ക് ഓടുന്നത് എല്ലാവരുടെയും ശ്രദ്ധയില്‍പ്പെട്ടു. കാര്യം മനസിലാകാത്ത നാട്ടുകാര്‍ മാലമോഷണവുമോ മറ്റോ ആണെന്നു കരുതി യുവതിയുടെ പിറകെ ഓടി. ഇതേതുടര്‍ന്ന്, കുറച്ചു നേരത്തേക്ക് പോലീസ് സ്‌റ്റേഷന്‍- അഴൂര്‍ റോഡ് പൂര്‍ണമായും സ്തംഭിച്ചു.

Also Read: 'കാലന്‍ കുട'യുമായി ഡോക്ടര്‍മാര്‍, തെരുവുനായയെ പേടിച്ച് നടക്കാന്‍ വയ്യ ! ഡോക്ടറുടെ ചുരിദാറിന്‍റെ ടോപ്പ് നായ കടിച്ചുകീറി

ഇതിനിടയിലാണ് നഗരത്തില്‍ പട്രോളിങ് നടത്തികൊണ്ടിരുന്ന ട്രാഫിക് പോലീസ് എത്തിയത്. പോലീസും യുവതിക്ക് പിന്നാലെ ഓടുകയും തടഞ്ഞു നിര്‍ത്തുകയും ചെയ്തു. ഓട്ടത്തിന്റെ കാരണം തിരക്കിയപ്പോള്‍ ഒന്നുമില്ലെന്ന് ആയിരുന്നു മറുപടി. നാട്ടുകാരും കൂടി ഇടപെട്ടപ്പോള്‍ പോലീസ് അവരെ പിരിച്ചുവിടാന്‍ ശ്രമിച്ചു.

പത്തനംതിട്ട ജില്ലയിലെ മുഴുവൻ വാ‍ര്‍ത്തകളും ഒറ്റ ക്ലിക്കിൽ ഇവിടെ വായിക്കാം

പോലീസിന്റെ ചോദ്യം ചെയ്യലില്‍ യുവതി ഉള്ള കാര്യം തുറന്നുപറഞ്ഞു. ഭര്‍ത്താവുമായി ബൈക്കില്‍ പത്തനംതിട്ടയില്‍ എത്തിയതാണ് യുവതി. ഇവിടെ വെച്ചുണ്ടായ കുടുംബവഴക്കിനെ തുടര്‍ന്ന് തന്നെ വഴിയിലിറക്കിയിട്ട് ഭര്‍ത്താവ് വണ്ടിയുമായി പോയി. ഭര്‍ത്താവ് പോയതിന്റെ പിന്നാലെ ഓടിയതായിരുന്നു യുവതി. ഇതൊന്നും മനസിലാക്കാതെയാണ് നാട്ടുകാരും യുവതിയുടെ പിറകെ ഓടിയതെന്ന് മാതൃഭൂമി ന്യൂസ് റിപ്പോര്‍ട്ട് ചെയ്തു.

Also Read: എം ആർ ഐ ക്ക് എത്തിയ യുവതി വസ്ത്രം മാറുന്നത് പകർത്തി, അടൂരിൽ റേഡിയോഗ്രാഫർ അറസ്റ്റിൽ

Read Latest Local News and Malayalam News