പത്തനംതിട്ട: സംസ്ഥാനത്തെ ഏറ്റവും പ്രായം കുറഞ്ഞ പഞ്ചായത്ത് പ്രസിഡൻ്റായ കോന്നി അരുവാപ്പുലം പഞ്ചായത്ത് പ്രസിഡൻ്റ് രേഷ്മ മറിയം റോയി വിവാഹിതയായി. ബ്ലോക്ക് പഞ്ചായത്ത് ക്ഷേമകാര്യ സ്ഥിരം സമിതി അധ്യക്ഷനായ വർഗീസ് ബേബിയാണ് രേഷ്മയുടെ ജീവിത പങ്കാളി. വ്യാഴാഴ്ച്ച രാവിലെ 11.30 ന് പൂവൻപാറ ശാലേം മർത്തോമാ ചർച്ചിൽ വെച്ചായിരുന്നു വിവാഹം. ഊട്ടുപ്പാറ തുണ്ടിയാംകുളത്ത് റോയി ടി മാത്യുവിൻ്റേയും മിനി റോയിയുടേയും ഇളയ മകളായ രേഷ്മമ മറിയം റോയി വിഎൻഎസ് കോളേജിൽ ബിരുദ പഠനം നടത്തി വരുന്നതിനിടെ എസ്എഫ്ഐയിലൂടെയാണ് പൊതുരംഗത്തേക്ക് എത്തിയത്. നിലവിൽ സിപിഎം അരുവാപ്പുലം ലോക്കൽ കമ്മിറ്റി അംഗം, ഡിവൈഎഫ്ഐഐ ജില്ലാ കമ്മിറ്റി അംഗം, എസ്എഫ്ഐ ജില്ലാ കമ്മിറ്റി അംഗം എന്നീ നിലകളിൽ പ്രവർത്തിക്കുകയാണ് രേഷ്മ.
അരുവാപ്പുലം പാർലിവടക്കേതിൽ പി എം ബേബിയുടെയും സാറാമ്മ ബേബിയുടേയും ഇളയ മകനായ വർഗീസ് ബേബി എസ്എഫ്ഐയിലൂടെയാണ് പൊതുരംഗത്ത് വരുന്നത്. സിപിഎം കോന്നി ഏരിയ കമ്മറ്റി അംഗം, കെഎസ്കെടിയു ഏരിയ പ്രസിഡൻ്റ്, ഇഎംഎസ് ചാരിറ്റബിൾ സൊസൈറ്റി സാന്ത്വന പരിചരണ വിഭാഗം കൺവീനർ എന്നീ നിലകളിൽ പ്രവർത്തിക്കുന്നുണ്ട്.
നോമിനേഷൻ ദിവസം മുതൽ തന്നെ ദൃശ്യ-പത്രമാധ്യമങ്ങളിൽ ചർച്ചയായതായിരുന്നു രേഷ്മയുടെ സ്ഥാനാർഥിത്വം. നോമിനേഷൻ കൊടുക്കുന്നതിൻ്റെ തലേ ദിവസമായിരുന്നു ത്രിതല പഞ്ചായത്ത് തെരഞ്ഞെടുപ്പിൽ മത്സരിക്കാനുള്ള ഏറ്റവും കുറഞ്ഞ പ്രായം ആയ 21 വയസ് രേഷ്മയക്ക് തികഞ്ഞത്. തുടർന്ന് യുഡിഎഫിൻ്റെ കോട്ടയെന്ന് കരുതപ്പെട്ടിരുന്ന ഊട്ടുപ്പാറ വാർഡ് തെരഞ്ഞെടുപ്പിൽ എൽഡിഎഫ് സ്ഥാനാർഥിയായിരുന്ന രേഷ്മ പിടിച്ചെടുക്കുകയായിരുന്നു.
അരുവാപ്പുലം പഞ്ചായത്ത് പ്രസിഡൻ്റായി രേഷ്മയെ നേതൃത്വം ഒന്നടങ്കം തെരെഞ്ഞെടുക്കുകയായിരുന്നു. ഇതിനിടയ്ക്ക് പിഎസ്സി പരീക്ഷയിലെ ചോദ്യമായും രേഷ്മയുടെ പ്രസിഡൻ്റ് പദവി എത്തിയിരുന്നു. ക്രിസ്മസ് ദിനമായ ശനിയാഴ്ച വൈകിട്ട് മൂന്നു മണി മുതൽ ഏഴു മണി വരെ പ്രമാടം രാജീവ് ഗാന്ധി ഇൻഡോർ സ്റ്റേഡിയത്തിൽ വിവാഹ സത്കാരവും ക്രമീകരിച്ചിട്ടുണ്ട്.
പത്തനംതിട്ട ജില്ലയിൽ നിന്നുള്ള ഏറ്റവും പുതിയ നാട്ടുവാർത്തകൾക്കായി വാട്സ്ആപ്പ് ഗ്രൂപ്പ് ഫോളോ ചെയ്യൂ
പത്തനംതിട്ട ജില്ലയിൽ നിന്നുള്ള ഏറ്റവും പുതിയ നാട്ടുവാർത്തകൾക്കായി ഫേസ്ബുക്ക് പേജ് ഫോളോ ചെയ്യൂ
അരുവാപ്പുലം പാർലിവടക്കേതിൽ പി എം ബേബിയുടെയും സാറാമ്മ ബേബിയുടേയും ഇളയ മകനായ വർഗീസ് ബേബി എസ്എഫ്ഐയിലൂടെയാണ് പൊതുരംഗത്ത് വരുന്നത്. സിപിഎം കോന്നി ഏരിയ കമ്മറ്റി അംഗം, കെഎസ്കെടിയു ഏരിയ പ്രസിഡൻ്റ്, ഇഎംഎസ് ചാരിറ്റബിൾ സൊസൈറ്റി സാന്ത്വന പരിചരണ വിഭാഗം കൺവീനർ എന്നീ നിലകളിൽ പ്രവർത്തിക്കുന്നുണ്ട്.
നോമിനേഷൻ ദിവസം മുതൽ തന്നെ ദൃശ്യ-പത്രമാധ്യമങ്ങളിൽ ചർച്ചയായതായിരുന്നു രേഷ്മയുടെ സ്ഥാനാർഥിത്വം. നോമിനേഷൻ കൊടുക്കുന്നതിൻ്റെ തലേ ദിവസമായിരുന്നു ത്രിതല പഞ്ചായത്ത് തെരഞ്ഞെടുപ്പിൽ മത്സരിക്കാനുള്ള ഏറ്റവും കുറഞ്ഞ പ്രായം ആയ 21 വയസ് രേഷ്മയക്ക് തികഞ്ഞത്. തുടർന്ന് യുഡിഎഫിൻ്റെ കോട്ടയെന്ന് കരുതപ്പെട്ടിരുന്ന ഊട്ടുപ്പാറ വാർഡ് തെരഞ്ഞെടുപ്പിൽ എൽഡിഎഫ് സ്ഥാനാർഥിയായിരുന്ന രേഷ്മ പിടിച്ചെടുക്കുകയായിരുന്നു.
അരുവാപ്പുലം പഞ്ചായത്ത് പ്രസിഡൻ്റായി രേഷ്മയെ നേതൃത്വം ഒന്നടങ്കം തെരെഞ്ഞെടുക്കുകയായിരുന്നു. ഇതിനിടയ്ക്ക് പിഎസ്സി പരീക്ഷയിലെ ചോദ്യമായും രേഷ്മയുടെ പ്രസിഡൻ്റ് പദവി എത്തിയിരുന്നു. ക്രിസ്മസ് ദിനമായ ശനിയാഴ്ച വൈകിട്ട് മൂന്നു മണി മുതൽ ഏഴു മണി വരെ പ്രമാടം രാജീവ് ഗാന്ധി ഇൻഡോർ സ്റ്റേഡിയത്തിൽ വിവാഹ സത്കാരവും ക്രമീകരിച്ചിട്ടുണ്ട്.
പത്തനംതിട്ട ജില്ലയിൽ നിന്നുള്ള ഏറ്റവും പുതിയ നാട്ടുവാർത്തകൾക്കായി വാട്സ്ആപ്പ് ഗ്രൂപ്പ് ഫോളോ ചെയ്യൂ
പത്തനംതിട്ട ജില്ലയിൽ നിന്നുള്ള ഏറ്റവും പുതിയ നാട്ടുവാർത്തകൾക്കായി ഫേസ്ബുക്ക് പേജ് ഫോളോ ചെയ്യൂ