വെള്ളം കോരുന്നതിനിടെ 35 അടി താഴ്ചയുള്ള കിണറ്റിൽ വീണു! 98 വയസുകാരിക്ക് പുനർജന്മം നൽകി ഫയർ ഫോഴ്സ്, സംഭവം കോന്നിയിൽ

കോന്നി: ചുറ്റുമതിൽ ഇല്ലാത്ത കിണറ്റിൽ വീണ വൃദ്ധയ്ക്ക് കോന്നി ഫയർ ഫോഴ്സ് അംഗങ്ങൾ രക്ഷകരായി. ചൊവ്വാഴ്ച ഉച്ചയോടെ അരുവാപ്പുലം ഗ്രാമപഞ്ചായത്തിലെ ഐരവണ്ണിൽ ഒരു വൃദ്ധ കിണറ്റിൽ വീണതായിട്ടുള്ള വിവരം കോന്നി ഫയർ ഫോഴ്സ് ഓഫീസിൽ ഫോൺ സന്ദേശം വഴി ലഭിച്ചു. വിവരങ്ങൾ മനസിലാക്കിയ കോന്നി ഫയർ ഫോഴ്സ് അംഗങ്ങൾ ഉടൻ തന്നെ സ്ഥലത്തെത്തി. 35 അടി താഴ്ചയുള്ള കിണറ്റിലേക്ക് വീണ വൃദ്ധയെ കോന്നി ഫയർ ഫോഴ്സ് അംഗങ്ങൾ ഉടൻ രക്ഷപ്പെടുത്തുകയായിരുന്നു.

Also Read: ആറന്മുള ആംബുലൻസ് പീഡനം: റെക്കോർഡ് വേഗത്തിൽ അന്വേഷണം, കുറ്റപത്രം സമർപ്പിച്ചു

ഐരവൺ സൊസൈറ്റി പടിക്കു സമീപം താമസിക്കുന്ന താമരശേരിൽ വീട്ടിൽ 98 വയസുകാരിയായ ഗൗരിയമ്മയാണ് കാൽവഴുതി കിണറ്റിൽ വീണത്. വെള്ളമെടുക്കാനായി എത്തിയപ്പോൾ ചുറ്റുമതിൽ ഇല്ലാത്ത കിണറ്റിലേക്ക് കാൽ വഴുതി വീഴുകയായിരുന്നു. കിണറ്റിനുള്ളിൽ ഉണ്ടായിരുന്ന ഒരു വേര് കഷ്ണത്തിൽ പിടികിട്ടിയത് ഗൗരിയമ്മയ്ക്ക് രക്ഷയായി.



Also Read: സ്വകാര്യ റബർ നഴ്സറി ജീവനക്കാരൻ 11 കെവി ലൈനിൽ നിന്ന് ഷോക്കേറ്റ് മരിച്ചു; സംഭവം റാന്നിയിൽ

നിറയെ വെള്ളമുണ്ടായിരുന്നതും ഗൗരിയമ്മ വെള്ളത്തിൽ തന്നെ വീണതു കൊണ്ടും വലിയ പരിക്കുകൾ കൂടാതെ ഗൗരിയമ്മ രക്ഷപെടുകയായിരുന്നുവെന്ന് ഫയർ ഫോഴ്സ് അധികൃതർ പറഞ്ഞു. ഇവരെ ആശുപത്രിയിൽ എത്തിച്ചു പ്രാഥമിക ചികിത്സ നൽകി. ഗൗരിയമ്മയുടെ ആരോഗ്യനില തൃപ്തികരമാണെന്ന് ഡോക്ടർ അറിയിച്ചു. സീനിയർ ഫയർ ഓഫീസർമാരായ ഷാജുദീൻ,അജികുമാർ, സജീവ്ഖാൻ, എ പി ദില്ലു, വിവേക്, അനൂപ്‌ഘോഷ് തുടങ്ങിയവരാണ് രക്ഷാപ്രവർത്തനങ്ങൾക്ക് നേതൃത്വം നൽകിയത്.






പത്തനംതിട്ട ജില്ലയിൽ നിന്നുള്ള ഏറ്റവും പുതിയ നാട്ടുവാർത്തകൾക്കായി വാട്സ്ആപ്പ് ഗ്രൂപ്പ് ഫോളോ ചെയ്യൂ

പത്തനംതിട്ട ജില്ലയിൽ നിന്നുള്ള ഏറ്റവും പുതിയ നാട്ടുവാർത്തകൾക്കായി ഫേസ്ബുക്ക് പേജ് ഫോളോ ചെയ്യൂ