കോന്നി: പത്തനംതിട്ട ജില്ലയിൽ കൊവിഡ് വ്യാപനം വർദ്ധിച്ചു വരുന്നതിനിടെ കോന്നിയിലെ ചുമട്ടു തൊഴിലാളിക്ക് കൊവിഡ് 19 സ്ഥിരീകരിച്ചത്. ഐഎൻടിയുസി വർക്കേഴ്സ് യൂണിയനിലെ അംഗമായ വ്യക്തി ബലി പെരുന്നാൾ ദിവസമായ വെള്ളിയാഴ്ച കോന്നി ടൗണിൽ സജീവമായിരുന്നു. ഇന്നു രാവിലെയാണ് ഇദ്ദേഹത്തിൻ്റെ കൊവിഡ് ടെസ്റ്റ് ഫലം വന്നത്.
Also Read: കണ്ടു നിന്നവർ സഹായിച്ചില്ല; വളഞ്ഞവട്ടത്ത് അപകടത്തിൽപ്പെട്ട യുവാവിന് ദാരുണാന്ത്യം
കഴിഞ്ഞ ദിവസങ്ങളിൽ കോന്നി ടൗണിൽ പലയിടത്തായി ഇദ്ദേഹം ജോലി ചെയ്തിട്ടുമുണ്ട്. കൊവിഡ് സ്ഥിരീകരിച്ച ഈ വ്യക്തി ഓട്ടോ ഡ്രൈവറും കൂടിയായതിനാൽ സമ്പർക്കപട്ടിക വിപുലമാകാനുള്ള സാധ്യത ഉള്ളതിനാൽ ടൗണിലെ കടകൾ ഒരാഴ്ചത്തേക്ക് അടച്ചിടാൻ പഞ്ചായത്ത് തീരുമാനിച്ചു.
കോന്നി സെൻട്രൽ ജങ്ഷൻ -പി ഡബ്ലിയു റോഡ്, സെൻട്രൽ ജങ്ഷൻ -എലിയറക്കൽ, സെൻട്രൽ ജങ്ഷൻ ചിറ്റൂർ, സെൻട്രൽ ജങ്ഷൻ താലൂക്ക് ആശുപത്രി പടി വരെയുള്ള വ്യാപാര സ്ഥാപനങ്ങൾ ഇന്ന് മുതൽ അടച്ചിടും. ആശുപത്രികൾ, മെഡിക്കൽ സ്റ്റോർ, തുടങ്ങി ആവശ്യ സർവീസുകളെ ഒഴിവാക്കിയതായി പഞ്ചായത്ത് പ്രസിഡന്റ് എം രജനി അറിയിച്ചു.