പത്തനംതിട്ട: ദര്ശന പുണ്യം തേടി എത്തുന്നവരുടെ എണ്ണം വർധിച്ചതോടെ ശബരിമലയിൽ തിരക്ക് ശക്തം. ഈ സീസണില് ശബരിമല ദര്ശനത്തിനെത്തിയവരുടെ എണ്ണം 15 ലക്ഷം പിന്നിട്ടു. ഡിസംബര് 9 വെള്ളിയാഴ്ച 1,07,695 പേരാണ് ദര്ശനത്തിനായി ഓണ്ലൈന് ബുക്ക് ചെയ്തിരുന്നത്. ഇന്നും ഒരു ലക്ഷത്തിനടുത്താണ് ബുക്കിംഗ്. വരും ദിവസങ്ങളിലും തിരക്ക് ഇതുപോലെ തുടരാനാണ് സാധ്യതയെന്ന് അധികൃതര് വിലയരുത്തുന്നു.
ഡിസംബര് ഒന്നാം വാരം വരെ ദിനംപ്രതി ശരാശരി എണ്പതിനായിരത്തോളം ഭക്തന്മാരാണ് ദര്ശനത്തിനെത്തിയിരുന്നത്. എന്നാല് രണ്ടാം വാരമായതോടെ ഭക്തരുടെ എണ്ണം ക്രമേണ വര്ധിച്ചു. തിരക്ക് വര്ധിച്ച സാഹചര്യത്തില് പ്രത്യേക ജാഗ്രതയിലാണ് സന്നിധാനം. ഓരോ വകുപ്പുകളും തങ്ങളുടെ പ്രവര്ത്തനം കൂടുതല് കാര്യക്ഷമമാക്കി. തിരക്ക് കൂടുമ്പോള് പമ്പമുതല് സന്നിധാനം വരെ ഘട്ടം ഘട്ടമായി പ്രത്യേക ക്രമീകരണം ഏര്പ്പെടുത്തിയാണ് ദര്ശനം സജ്ജമാക്കുന്നത്.
സന്നിധാനത്തേക്കുള്ള പ്രധാന പാതയില് നിന്നും വഴിതിരിഞ്ഞ് അയ്യപ്പഭക്തര് വനത്തിലൂടെ നടക്കുന്ന സാഹചര്യം ശ്രദ്ധയിപ്പെട്ടിട്ടുണ്ടെന്നും ഇത് അപകടം വിളിച്ചുവരുത്തുന്ന കാര്യമാണെന്നും ശബരിമല പോലീസ് സ്പെഷ്യല് ഓഫീസര് ഹരിശ്ചന്ദ്ര നായിക് പറഞ്ഞു. ഇക്കാര്യം നിയന്ത്രിക്കാന് പോലീസ് ഉദ്യോഗസ്ഥരെ നിയോഗിച്ചിട്ടുണ്ടെന്നും അദ്ദേഹം അറിയിച്ചു.
കെ.എസ്.ആര്.ടി.സിയും തിരക്ക് കൈകാര്യം ചെയ്യാന് സജ്ജമാണ്. നിലവില് 200 ല് അധികം ബസുകള് നിലയ്ക്കല് - പമ്പ ചെയിന് സര്വീസിനായി ക്രമീകരിച്ചിട്ടുണ്ട്. വെള്ളിയാഴ്ച 189 ബസുകളാണ് സര്വീസ് നടത്തിയത്. തിരക്കനുസരിച്ച് ബസുകളുടെ എണ്ണം ഇനിയും വര്ധിപ്പിക്കുമെന്ന് കെഎസ്ആര്ടിസി അധികൃതര് അറിയിച്ചു.
സന്നിധാനത്തെ ഹോട്ടലിന് പിഴ ചുമത്തി
ഭക്ഷണത്തിന് അയ്യപ്പ ഭക്തരില് നിന്നും അമിത നിരക്ക് ഈടാക്കിയ ഹോട്ടലിന് 5000 രൂപ പിഴ ചുമത്തി. സന്നിധാനത്തെ ശ്രീ ഗണേഷ് ഹോട്ടല് തീര്ത്ഥാടകരില് നിന്നും അമിത നിരക്ക് ഈടാക്കുന്നതായി വ്യാപകമായി പരാതി ഉയര്ന്നിരുന്നു. ഇക്കാര്യം സന്നിധാനം പോലീസ് വിജിലന്സ് വിഭാഗം സ്ഥിരീകരിച്ച് റിപ്പോര്ട്ട് നല്കുകയും ചെയ്തിരുന്നു. തുടര്ന്ന് റവന്യു സ്ക്വാഡ് ഹോട്ടലില് നടത്തിയ പരിശോധനയില് പരാതി ശരിയെന്ന് കണ്ടെത്തുകയും ഡ്യൂട്ടി മജിസ്ട്രേറ്റ് കെ. ശ്രീകുമാര് പിഴ ചുമത്തുകയുമായിരുന്നു.
പരിശോധനക്ക് എക്സിക്യുട്ടീവ് മജിസ്ട്രേറ്റ് കെ. ഗോപകുമാര്, അളവ് തൂക്കവിഭാഗം ഇന്സ്പെക്ടര് ഹരിശ്ചന്ദ്രക്കുറുപ്പ് എന്നിവര് നേതൃത്വം നല്കി.
ശബരിമലയിലെ ഇന്ന് (10-12-2022)
പുലര്ച്ചെ 2.30 ന് പള്ളി ഉണര്ത്തല്
3 ന് തിരുനട തുറക്കല്, നിര്മ്മാല്യം
3.05 ന് അഭിഷേകം
3.30 ന് ഗണപതി ഹോമം
3.30 മുതല് 7 മണി വരെയും 8 മണി മുതല് 11 മണി വരെയും നെയ്യഭിഷേകം
6 മണിക്ക് അഷ്ടാഭിഷേകം
7.30 ന് ഉഷപൂജ
11.30. ന് 25 കലശാഭിഷേകം
12 മണിക്ക് കളഭാഭിഷേകം
12.30ന് ഉച്ചപൂജ
ഒരു മണിക്ക് ക്ഷേത്രനട അടയ്ക്കല്
വൈകുന്നേരം 3 മണിക്ക് ക്ഷേത്രനട തുറക്കും
6.30ന് ദീപാരാധന
7 മണിമുതല് പുഷ്പാഭിഷേകം
9.30 മണിക്ക് അത്താഴപൂജ
10.50ന് ഹരിവരാസനം സങ്കീര്ത്തനം പാടി 11 മണിക്ക് ശ്രീകോവില് നട അടയ്ക്കും.
Read Latest Local News and Malayalam News
ഡിസംബര് ഒന്നാം വാരം വരെ ദിനംപ്രതി ശരാശരി എണ്പതിനായിരത്തോളം ഭക്തന്മാരാണ് ദര്ശനത്തിനെത്തിയിരുന്നത്. എന്നാല് രണ്ടാം വാരമായതോടെ ഭക്തരുടെ എണ്ണം ക്രമേണ വര്ധിച്ചു. തിരക്ക് വര്ധിച്ച സാഹചര്യത്തില് പ്രത്യേക ജാഗ്രതയിലാണ് സന്നിധാനം. ഓരോ വകുപ്പുകളും തങ്ങളുടെ പ്രവര്ത്തനം കൂടുതല് കാര്യക്ഷമമാക്കി. തിരക്ക് കൂടുമ്പോള് പമ്പമുതല് സന്നിധാനം വരെ ഘട്ടം ഘട്ടമായി പ്രത്യേക ക്രമീകരണം ഏര്പ്പെടുത്തിയാണ് ദര്ശനം സജ്ജമാക്കുന്നത്.
സന്നിധാനത്തേക്കുള്ള പ്രധാന പാതയില് നിന്നും വഴിതിരിഞ്ഞ് അയ്യപ്പഭക്തര് വനത്തിലൂടെ നടക്കുന്ന സാഹചര്യം ശ്രദ്ധയിപ്പെട്ടിട്ടുണ്ടെന്നും ഇത് അപകടം വിളിച്ചുവരുത്തുന്ന കാര്യമാണെന്നും ശബരിമല പോലീസ് സ്പെഷ്യല് ഓഫീസര് ഹരിശ്ചന്ദ്ര നായിക് പറഞ്ഞു. ഇക്കാര്യം നിയന്ത്രിക്കാന് പോലീസ് ഉദ്യോഗസ്ഥരെ നിയോഗിച്ചിട്ടുണ്ടെന്നും അദ്ദേഹം അറിയിച്ചു.
കെ.എസ്.ആര്.ടി.സിയും തിരക്ക് കൈകാര്യം ചെയ്യാന് സജ്ജമാണ്. നിലവില് 200 ല് അധികം ബസുകള് നിലയ്ക്കല് - പമ്പ ചെയിന് സര്വീസിനായി ക്രമീകരിച്ചിട്ടുണ്ട്. വെള്ളിയാഴ്ച 189 ബസുകളാണ് സര്വീസ് നടത്തിയത്. തിരക്കനുസരിച്ച് ബസുകളുടെ എണ്ണം ഇനിയും വര്ധിപ്പിക്കുമെന്ന് കെഎസ്ആര്ടിസി അധികൃതര് അറിയിച്ചു.
സന്നിധാനത്തെ ഹോട്ടലിന് പിഴ ചുമത്തി
ഭക്ഷണത്തിന് അയ്യപ്പ ഭക്തരില് നിന്നും അമിത നിരക്ക് ഈടാക്കിയ ഹോട്ടലിന് 5000 രൂപ പിഴ ചുമത്തി. സന്നിധാനത്തെ ശ്രീ ഗണേഷ് ഹോട്ടല് തീര്ത്ഥാടകരില് നിന്നും അമിത നിരക്ക് ഈടാക്കുന്നതായി വ്യാപകമായി പരാതി ഉയര്ന്നിരുന്നു. ഇക്കാര്യം സന്നിധാനം പോലീസ് വിജിലന്സ് വിഭാഗം സ്ഥിരീകരിച്ച് റിപ്പോര്ട്ട് നല്കുകയും ചെയ്തിരുന്നു. തുടര്ന്ന് റവന്യു സ്ക്വാഡ് ഹോട്ടലില് നടത്തിയ പരിശോധനയില് പരാതി ശരിയെന്ന് കണ്ടെത്തുകയും ഡ്യൂട്ടി മജിസ്ട്രേറ്റ് കെ. ശ്രീകുമാര് പിഴ ചുമത്തുകയുമായിരുന്നു.
പരിശോധനക്ക് എക്സിക്യുട്ടീവ് മജിസ്ട്രേറ്റ് കെ. ഗോപകുമാര്, അളവ് തൂക്കവിഭാഗം ഇന്സ്പെക്ടര് ഹരിശ്ചന്ദ്രക്കുറുപ്പ് എന്നിവര് നേതൃത്വം നല്കി.
ശബരിമലയിലെ ഇന്ന് (10-12-2022)
പുലര്ച്ചെ 2.30 ന് പള്ളി ഉണര്ത്തല്
3 ന് തിരുനട തുറക്കല്, നിര്മ്മാല്യം
3.05 ന് അഭിഷേകം
3.30 ന് ഗണപതി ഹോമം
3.30 മുതല് 7 മണി വരെയും 8 മണി മുതല് 11 മണി വരെയും നെയ്യഭിഷേകം
6 മണിക്ക് അഷ്ടാഭിഷേകം
7.30 ന് ഉഷപൂജ
11.30. ന് 25 കലശാഭിഷേകം
12 മണിക്ക് കളഭാഭിഷേകം
12.30ന് ഉച്ചപൂജ
ഒരു മണിക്ക് ക്ഷേത്രനട അടയ്ക്കല്
വൈകുന്നേരം 3 മണിക്ക് ക്ഷേത്രനട തുറക്കും
6.30ന് ദീപാരാധന
7 മണിമുതല് പുഷ്പാഭിഷേകം
9.30 മണിക്ക് അത്താഴപൂജ
10.50ന് ഹരിവരാസനം സങ്കീര്ത്തനം പാടി 11 മണിക്ക് ശ്രീകോവില് നട അടയ്ക്കും.
Read Latest Local News and Malayalam News