സഹോദരികളുടെ ഭർത്താക്കന്മാർ തമ്മിൽ വഴക്ക്; ഒരാൾക്ക് വെട്ടേറ്റു, ഒരാൾ ജീവനൊടുക്കി

പത്തനംതിട്ട: സഹോദരികളുടെ ഭർത്താക്കൻമാർ തമ്മിലുണ്ടായ കുടുംബവഴക്കിനിടെ വെട്ടിപ്പരിക്കേൽപ്പിച്ച ശേഷം ഒരാൾ ജീവനൊടുക്കി. പത്തനംതിട്ട അടൂർ നെടുമണ്‍ കാവ് ചക്കി മുക്ക് അഖില ഭവനില്‍ വേണു (48) വിനെയാണ് വീടിനുള്ളില്‍ തൂങ്ങി മരിച്ച നിലയിൽ കണ്ടെത്തിയത്. ഭാര്യയുടെ സഹോദരിയുടെ ഭര്‍ത്താവിനെ ആക്രമിച്ച ശേഷം ഇയാൾ ജീവനൊടുക്കുകയായിരുന്നുവെന്നാണ് റിപ്പോർട്ട്. ആദ്യം തോക്ക് ചൂണ്ടി; പിന്നീട് കത്തി വീശി എക്സൈസ് ഉദ്യോഗസ്ഥന്റെ വിരൾ അറുത്തു; ലഹരിറാക്കറ്റിലെ മുഖ്യ കണ്ണി; തന്ത്രപരമായി ചിഞ്ചു മാത്യുവിനെ പിടികൂടി എക്സൈസ്
ഞായറാഴ്ച ഉച്ചയ്ക്ക് 12. 40 നായിരുന്നു സംഭവം. വേണുവിന്‍റെ വീട്ടില്‍ വന്ന ഭാര്യയുടെ സഹോദരി ഭര്‍ത്താവ് ശിവന്‍ കുട്ടിയുടെ വേണു വെട്ടുകത്തി ഉപയോഗിച്ച് വെട്ടി പരിക്കേൽപ്പിക്കുകയായിരുന്നു. തോളിന് വെട്ടേറ്റ ശിവന്‍ കുട്ടിയെ ഉടൻ തന്നെ പത്തനംതിട്ട ജനറല്‍ ആശുപത്രിയില്‍ പ്രവേശിപ്പിച്ചു.


ശിവന്‍ കുട്ടിയുമായി ബന്ധുക്കൾ ആശുപത്രിയിലേക്ക് പോയ സമയത്ത് വേണു മുറിയില്‍ കയറി കതകടച്ചു. ഏറെ സമയമായിട്ടും ഇയാൾ കതക് തുറക്കാത്തതിനെത്തുടര്‍ന്ന് വിവരമറിഞ്ഞ് കൊടുമണ്‍ പോലീസ് സ്ഥലത്തെത്തി. പോലീസ് കതക് ചവിട്ടിത്തുറന്നപ്പോള്‍ വേണുവിനെ തൂങ്ങിമരിച്ച നിലയിൽ കണ്ടെത്തുകയായിരുന്നു. ഉടന്‍ തന്നെ താഴെയിറക്കി കോന്നി മെഡിക്കല്‍ കോളജ് ആശുപത്രിയില്‍ എത്തിച്ചെങ്കിലും രക്ഷിക്കാനായില്ല.

'കൊവിഡ് കാലത്തും പ്രളയ സമയത്തും കേന്ദ്രം കേരളത്തെ അവഗണിച്ചു'; സഹായിച്ചില്ലെന്ന് മുഖ്യമന്ത്രി
പതിവായി മദ്യപിച്ചെത്തി വേണു രണ്ടു ദിവസമായി വീട്ടില്‍ വഴക്ക് ഉണ്ടാക്കുന്നതറിഞ്ഞ് സംസാരിച്ച് പ്രശ്നം പരിഹരിക്കാൻ എത്തിയതായിരുന്നു ശിവന്‍കുട്ടി. വെട്ടേറ്റ ശിവന്‍ കുട്ടിയുടെ പരിക്ക് ഗുരുതരമല്ലെന്നു പോലീസ് പറഞ്ഞു. ഇയാളെ ഡിസ്ചാര്‍ജ് ചെയ്തു. വേണുവിന്‍റെ ഭാര്യ: സുനിത. മക്കള്‍: അശ്വതി, അഖില.

Read Latest Local News and Malayalam News