പത്തനംതിട്ടയിൽ വിദേശത്തു നിന്ന് എത്തിയ വയോധികയ്ക്ക് കൊവിഡ്

പത്തനംതിട്ട: പത്തനംതിട്ട ജില്ലയിൽ ഒരാൾക്ക് കൊവിഡ് സ്ഥിരീകരിച്ചു. മെയ് 9 ന് അബുദാബിയില്‍ നിന്നും തിരിച്ചെത്തിയ 69 വയസുകാരിക്കാണ് രോഗം സ്ഥിരീകരിച്ചത്. ഇവരെ പത്തനംതിട്ട ജനറല്‍ ആശുപത്രിയില്‍ പ്രവേശിപ്പിച്ചിരിക്കുകയാണ്.

Also Read: കോട്ടയത്ത് ഒരു കൊവിഡ് കേസ്; രോഗം സ്ഥിരീകരിച്ചത് രണ്ടു വയസുള്ള കുട്ടിക്ക്

പത്തനംതിട്ട ജനറല്‍ ആശുപത്രിയിൽ നാലുപേരും കോഴഞ്ചേരി ജില്ലാ ആശുപത്രിയിൽ ഏഴുപേരും ഐസലേഷനിലുണ്ട്. ഇവരിൽ ആർക്കും രോഗം കണ്ടെത്തിയിട്ടില്ല. അതേസമയം ഇന്ന് പുതിയതായി അഞ്ചുപേരെ ഐസലേഷനില്‍ പ്രവേശിപ്പിച്ചു. ഇതുവരെ പത്തനംതിട്ടയിൽ നിന്ന് 17 പേര്‍ രോഗം ഭേദമായി ആശുപത്രി വിട്ടിട്ടുണ്ട്.

Also Read: തളിപ്പറമ്പിലും ഭീതി പടർത്തി ബ്ലാക്ക്മാൻ...!!! ലോക്ക് ഡൗണിൽ ഉറക്കം നഷ്ടപ്പെട്ട് കണ്ണൂരിലെ രണ്ട് ഗ്രാമങ്ങൾ

പത്തനംതിട്ട ജില്ലയിലേക്ക് ഇതര സംസ്ഥാനങ്ങളില്‍ നിന്നും 1088 പേരും വിദേശത്തുനിന്നും 98 പേരുമാണ് തിരിച്ചെത്തിയത്. ഇവർ നിരീക്ഷണത്തിലാണ്. വിദേശത്തുനിന്നും മറ്റ് സംസ്ഥാനങ്ങളില്‍ നിന്നും തിരിച്ചെത്തുന്നവരെ താമസിപ്പിക്കുന്നതിന് 51 കൊറോണ കെയര്‍ സെന്ററുകള്‍ ജില്ലയിൽ സജ്ജീകരിച്ചിട്ടുണ്ട്. ഇവയില്‍ ആകെ 256 പേരെ താമസിപ്പിച്ചിട്ടുണ്ട്. ഇന്ന് 92 സാംപിളുകള്‍ പരിശോധനയ്ക്ക് അയച്ചിട്ടുണ്ട്. ഇതുവരെ ജില്ലയില്‍ നിന്നും 4747 സാംപിളുകള്‍ ആണ് പരിശോധനയ്ക്കായി അയച്ചിട്ടുളളത്. ഇന്ന് 27 സാംപിളുകള്‍ നെഗറ്റീവായി റിപ്പോര്‍ട്ട് ചെയ്തു. 143 സാംപിളുകളുടെ ഫലം ലഭിക്കാനുണ്ട്.

Also Read: ഗെയ്ല്‍ പൈപ്പ് ലൈന്‍ പദ്ധതി: പാലക്കാട്ടെ നിര്‍മ്മാണ പ്രവര്‍ത്തനങ്ങള്‍ അവസാനഘട്ടത്തിൽ