പത്തനംതിട്ട: ശബരിഗിരി ജലവൈദ്യുത പദ്ധതിയുടെ ഭാഗമായ പമ്പാ ഡാമിന്റെ ഷട്ടറുകള് അടച്ചു .
ജലനിരപ്പ് പൂര്ണ ശേഷിയിലെത്തിയതിനെ തുടര്ന്ന് ഞായറാഴ്ച തുറന്ന ആറ് ഷട്ടറുകളാണ് ഇന്ന് പുലര്ച്ചെയോടെ അടച്ചത്. ഇതോടെ പത്തനംതിട്ട- ആലപ്പുഴ ജില്ലകളിലെ ജനങ്ങൾക്ക് ആശ്വാസമായി.
Also Read: റീ പോസ്റ്റ്മോർട്ടം നടത്തണം, പ്രതികളെ അറസ്റ്റ് ചെയ്യണം; മത്തായിയുടെ കുടുംബം ഹൈക്കോടതിയിലേക്ക്
ഡാമിന്റെ ആറ് ഷട്ടറുകള് 60 സെന്റിമീറ്റര് ഉയര്ത്തി സെക്കന്ഡില് 82 ക്യുബിക് മീറ്റര് അധികജലമാണ് കഴിഞ്ഞ ദിവസം പുറത്തേക്കുവിട്ടത്. ഇതോടെ ഞായറാഴ്ച വൈകി പമ്പാനദിയില് 30-40 സെന്റിമീറ്റര് ജലനിരപ്പ് ഉയർന്നിരുന്നു. ഡാമില്നിന്ന് തുറന്നുവിടുന്ന വെള്ളം പമ്പാ ത്രിവേണിയിലാണ് എത്തി ചേരുന്നത്. അവിടംമുതല് നദിയിലെ ജലനിരപ്പ് ഉയരുകയും ചെയ്തു.
Also Read: ശബരിമല പാതയിൽ ഗതാഗതം പൂർണമായും നിരോധിച്ചു
പ്രദേശത്ത് മഴയ്ക്ക് ശമനമുണ്ടാകുകയും ഡാമിലേക്കുള്ള നീരൊഴുക്ക് കുറയുകയും ചെയ്തിരുന്നു. ഈ സാഹചര്യത്തില് ഡാമിലെ ജലനിരപ്പ് നിയന്ത്രണവിധേയമായതിനെ തുടര്ന്നാണ് തുറന്ന ആറ് ഷട്ടറുകളും അടച്ചത്. 986.332 മീറ്റര് പരമാവധി സംഭരണശേഷിയുള്ള പമ്പാ ഡാമില് 982.8 മീറ്ററാണ് ഇപ്പോഴത്തെ ജലനിരപ്പ് .അതേസമയം സംസ്ഥാനത്ത് ഇന്നും ശക്തമായ മഴ തുടരുമെന്ന കാലാവസ്ഥ നിരീക്ഷണ കേന്ദ്രത്തിൻ്റെ പ്രവചനത്തിൻ്റെ അടിസ്ഥാനത്തിൽ ജില്ലയിൽ യെല്ലോ അലർട്ട് പ്രഖ്യാപിച്ചിട്ടുണ്ട്.