നേതാക്കൾ ക്ഷേത്രങ്ങളിൽ ഭജനമിരിക്കുന്നു, പോലീസ് സ്റ്റേഷൻ ഭരിക്കുന്നത് ആർഎസ്എസും കോൺഗ്രസും! നേതാക്കളെ 'എടുത്തിട്ട് കുടഞ്ഞ്' ജില്ല സമ്മേളനം!!

നാട്ടിൽ ഇറങ്ങി നടക്കാൻ കഴിയാത്ത അവസ്ഥ ആണെന്നും നേതൃത്വം ഇടപെട്ട് പരിഹാരം ഉണ്ടാക്കണമെന്നും അംഗങ്ങങ്ങൾ ആവശ്യപ്പെട്ടു. എന്നാൽ സമ്മേളനത്തിൽ പ്രസംഗിച്ച ഇരവിപേരൂർ ഏരിയ സെക്രട്ടറി റെയിൽ പദ്ധതിയുടെ പ്രയോജനങ്ങളാണ് പറഞ്ഞത്. കെ റെയിലിൽ സംസ്ഥാന പ്രാദേശിക കോൺഗ്രസ് നേതാക്കൾ നടത്തുന്ന പ്രചാരണങ്ങൾ ഫലം കാണുന്നതായാണ് മുൻ ഡിസിസി അധ്യക്ഷൻ കൂടിയായ ഫിലിപ്പോസ് തോമസ് പറഞ്ഞത്.

കെ റെയിൽ വിമർശനങ്ങൾക്ക് ബദൽ ഉണ്ടാകണം. ഇടത് സർക്കാരുണ്ടായിട്ടും പോലീസിനെ നിയന്ത്രിക്കാൻ കഴിയുന്നില്ല. കോൺഗ്രസ്, ആർഎസ്എസ് നേതാക്കളുടെ ആജ്ഞാനുവർത്തികളാണ് പല സ്റ്റേഷനുകളുടെ ചുമതലക്കാർ എന്നും സമ്മേളനത്തിൽ വിമർശനം ഉയർന്നു. സമ്മേളനത്തിൽ ശബരിമല, കൊട്ടാരക്കര, അമ്പലപ്പുഴ ക്ഷേത്രങ്ങളിലെ പ്രസാദങ്ങൾ പ്രതിനിധികൾക്ക് വിതരണം ചെയ്‌തെങ്കിലും പ്രതിനിധികൾ ദേവസം ബോർഡ് പ്രസിഡന്റിനോട് ആ പ്രസാദം കാണിച്ചില്ല. സംസ്ഥാന സമതി അംഗം ശബരിമലയിൽ പോയി കുമ്പിട്ടു എന്ന വിമർശനം ചില പ്രതിനിധികൾ ഉയർത്തി.

ആരുടേയും പേരെടുത്ത്‌ പറയാതെ നടത്തിയ പ്രസംഗംങ്ങളിൽ ജില്ലാ സെക്രട്ടറിയേറ്റ് അംഗമായ മുൻ ദേവസം ബോർഡ് പ്രസിഡന്റിനെയും ഉൾപ്പെടുത്തി. ദേവസ്വം ബോർഡുകളുടെ തലപ്പത്ത് പാർട്ടി നേതൃത്വത്തിൽ ഉള്ളവർ വേണ്ടെന്നും ഇവർ വാദിച്ചു. ജില്ലയിൽ നിന്നും അർഹതപ്പെട്ട പലർക്കും ബോർഡ് കോർപ്പറേഷൻ പദവികളിൽ എത്താൻ കഴിയുന്നില്ല. മന്ത്രിമാരുടെ പേഴ്‌സണൽ സ്റ്റാഫിനെ നിയമിച്ചപ്പോഴും അർഹതപ്പെട്ട പ്രവർത്തകരെ തഴഞ്ഞതായും ആരോപണം ഉയർന്നു.