പത്തനംതിട്ട: അന്യമതസ്ഥനായ യുവാവിനെ പ്രണയിച്ച് വിവാഹം കഴിച്ച യുവതിക്കെതിരെ ബന്ധുക്കളുടെ ക്രൂരമായ ആക്രമണം. പത്തനംതിട്ട കലഞ്ഞൂർ തിടിയിൽ സ്വദേശിയായ ഇരുപത്തിനാലു വയസുകാരിയെയാണ് ബന്ധുക്കൾ വെട്ടിപരിക്കേൽപ്പിച്ചത്. ഇക്കഴിഞ്ഞ എട്ടാം തീയതിയാണ് അയൽവാസിയായ ഹിന്ദു യുവാവുമായി ഇസ്ലാം മതസ്ഥയായ യുവതിയുടെ വിവാഹം കഴിഞ്ഞത് . നോമ്പുകാലമായതിനാൽ ഉമ്മയെ കാണാനായി സ്വന്തം വീട്ടിൽ യുവതി എത്തിയപ്പോഴായിരുന്നു ആക്രമണം.
ഈ സമയം സഹോദരിയും സഹോദരീഭർത്താവും വീട്ടിലുണ്ടായിരുന്നു. മാതാവിനെ കണ്ട് തിരികെപോകുന്നതിനിടെയാണ് ഇരുവരും യുവതിയെ ആക്രമിച്ചത്. സ്വത്ത് തരില്ലെന്ന് പറഞ്ഞ് മൂർച്ചയുള്ള ആയുധം കൊണ്ട് സഹോദരി ആക്രമിച്ചുവെന്നും അപ്പോൾ തടയാൻ ശ്രമിച്ചെന്നും ഇതിനിടെ കൈയ്ക്ക് വെട്ടേറ്റെന്നുമാണ് യുവതി പോലീസ് നൽകിയിരിക്കുന്ന മൊഴി. ആക്രമണത്തിൽ കൈപ്പത്തിക്ക് വെട്ടേറ്റ യുവതി കോന്നി താലൂക്ക് ആശുപത്രിയിൽ ഇപ്പോൾ ചികിത്സയിലാണ്. ഇവരുടെ പരിക്ക് ഗുരുതരമല്ല.
യുവതിയുടെ പരാതിയിൽ പോലീസ് കേസെടുത്ത് അന്വേഷണം തുടങ്ങി. പ്രതികൾ ഒളിവിലാണെന്നും ഉടൻ പിടിയിലാകുമെന്നും അന്വേഷണ ഉദ്യോഗസ്ഥർ വ്യക്തമാക്കി.
ഈ സമയം സഹോദരിയും സഹോദരീഭർത്താവും വീട്ടിലുണ്ടായിരുന്നു. മാതാവിനെ കണ്ട് തിരികെപോകുന്നതിനിടെയാണ് ഇരുവരും യുവതിയെ ആക്രമിച്ചത്. സ്വത്ത് തരില്ലെന്ന് പറഞ്ഞ് മൂർച്ചയുള്ള ആയുധം കൊണ്ട് സഹോദരി ആക്രമിച്ചുവെന്നും അപ്പോൾ തടയാൻ ശ്രമിച്ചെന്നും ഇതിനിടെ കൈയ്ക്ക് വെട്ടേറ്റെന്നുമാണ് യുവതി പോലീസ് നൽകിയിരിക്കുന്ന മൊഴി. ആക്രമണത്തിൽ കൈപ്പത്തിക്ക് വെട്ടേറ്റ യുവതി കോന്നി താലൂക്ക് ആശുപത്രിയിൽ ഇപ്പോൾ ചികിത്സയിലാണ്. ഇവരുടെ പരിക്ക് ഗുരുതരമല്ല.
യുവതിയുടെ പരാതിയിൽ പോലീസ് കേസെടുത്ത് അന്വേഷണം തുടങ്ങി. പ്രതികൾ ഒളിവിലാണെന്നും ഉടൻ പിടിയിലാകുമെന്നും അന്വേഷണ ഉദ്യോഗസ്ഥർ വ്യക്തമാക്കി.