മദ്യപിച്ചശേഷം പണം നൽകിയില്ല; ചോദ്യംചെയ്ത വെയിറ്റര്‍ക്ക് മർദനം; ആറംഗ സംഘം അറസ്റ്റിൽ

പത്തനംതിട്ട: ബാറിൽനിന്ന് മദ്യപിച്ച ശേഷം പണം നൽകാതെ മുങ്ങാൻ ശ്രമിച്ചത് ചോദ്യംചെയ്ത ജീവനക്കാരനെ ആക്രമിച്ച സംഘം പിടിയിലായി. പണം നല്‍കാത്തതിനെ ചൊല്ലിയുണ്ടായ തര്‍ക്കത്തിനൊടുവില്‍ ജീവനക്കാരനെ മര്‍ദ്ദിച്ച സംഭവത്തില്‍ ആറംഗ സംഘമാണ് പുളിക്കിഴ് പോലീസിന്റെ പിടിയിലായത്.തലവടി രാമഞ്ചേരില്‍ വീട്ടില്‍ ഷൈന്‍ (36), മകരച്ചാലില്‍ വീട്ടില്‍ സന്തോഷ്, (42), ചിറപറമ്പില്‍ വീട്ടില്‍ സനല്‍കുമാര്‍ (26), വിളയൂര്‍ വീട്ടില്‍ മഞ്ചേഷ് കുമാര്‍ (40), ദീപു (30), എണ്‍പത്തിയഞ്ചില്‍ ചിറയില്‍ ഷൈജു (42 ) എന്നിവരാണ് പിടിയിലായത്. കഴിഞ്ഞദിവസം രാത്രി പത്തുമണിക്ക് പുളിക്കിഴിലുള്ള ബാറിലായിരുന്നു സംഭവം. ബാറിലെ വെയിറ്റര്‍ കൊല്ലം സ്വദേശി ജോണ്‍ തലയ്ക്ക് ഗുരുതര പരുക്കുകളോടെ പരുമലയിലെ സ്വകാര്യ ആശുപത്രിയില്‍ ഐസിയുവില്‍ കഴിയുകയാണ്.


കാറിലായിരുന്നു സംഘം ബാറിലെത്തിയത്. മദ്യപിച്ച ശേഷം പണം നല്‍കാതെ ബാറില്‍നിന്ന് മടങ്ങാനൊരുങ്ങി. ജീവനക്കാര്‍ ഇതു ചോദ്യംചെയ്തതോടെ സംഘം ചേര്‍ന്ന് ആക്രമണം അഴിച്ചു വിടുകയായിരുന്നു. ബിയര്‍ കുപ്പി ഉപയോഗിച്ച് തലയ്ക്ക് അടിയേറ്റ് നിലത്ത് വീണ ജോണിനെ പ്രതികള്‍ നിലത്തിട്ട് ചവിട്ടി. തുടര്‍ന്ന് ബാര്‍ അധികൃതര്‍ വിവരം അറിയിച്ചതിനെത്തുടര്‍ന്ന് പോലീസ് സ്ഥലത്തെത്തി. രക്ഷപ്പെടാന്‍ ശ്രമിച്ച പ്രതികളെ ഓടിച്ചിട്ട് പിടികൂടുകയായിരുന്നു.

പരശുറാം എക്സ്പ്രസിനെ സ്വീകരിക്കാനെത്തിയ ബിജെപി പ്രവർത്തകരെ വളഞ്ഞിട്ട് തല്ലി, പിന്നിൽ സിപിഎം പ്രവർത്തകരെന്ന് ബിജെപി
ഇവരെത്തിയ വാഹനവും പോലീസ് കസ്റ്റഡിയിലെടുത്തിട്ടുണ്ട്. പിടിയിലായ ആറ് പേര്‍ക്കെതിരെയും പുളിക്കീഴ്, എടത്വ, കോയിപ്രം സ്‌റ്റേഷനുകളില്‍ ഒട്ടനവധി ക്രിമിനല്‍ കേസുകള്‍ നിലവിലുണ്ടെന്ന് പുളിക്കീഴ് എസ്ഐ ജെ ഷെജിം പറഞ്ഞു.