പത്തനംതിട്ട: പ്രവാസി കോൺഗ്രസ് നേതാവിൻ്റെ മരണത്തിന് കാരണമായ വാഹന അപകടത്തിന് ശേഷം ഓടിച്ചു പോയ ജീപ്പ് പോലീസ് കണ്ടെത്തി. സ്കൂട്ടർ യാത്രക്കാരനായിരുന്ന പ്രവാസി കോൺഗ്രസ് കോട്ടാങ്ങൽ മണ്ഡലം പ്രസിഡൻ്റ് നൈനാൻ എബ്രഹാമി (ജയൻ മാമ്പറ്റ) നെ ഇടിച്ചുവീഴ്ത്തി നിർത്താതെ പോയ ജീപ്പാണ് റാന്നി പോലീസ് കസ്റ്റഡിയിൽ എടുത്തത്. എന്നാൽ ജീപ്പ് ഡ്രൈവർ ഒളിവിലാണെന്നും അയാൾക്കുവേണ്ടി തെരച്ചിൽ തുടരുന്നതായും പോലീസ് പറയുന്നു.
അപകടത്തിൽ പരിക്കേറ്റ കോട്ടാങ്ങൽ കുളത്തൂർ മാമ്പാറ്റയിൽ നൈനാൻ എബ്രഹാ (42) മിനെ മെഡിക്കൽ കോളേജിൽ പ്രവേശിപ്പിച്ചെങ്കിലും പിന്നീട് മരിച്ചിരുന്നു. ഇതേ തുടർന്നാണ് ഇടിച്ച വാഹനത്തിനായുള്ള തെരച്ചിൽ പോലീസ് ഊർജിതമാക്കിയത്. ഇക്കഴിഞ്ഞ സെപ്റ്റംബർ 27 ന് രാത്രി ഏഴരയോടെ പുനലൂർ-മൂവാറ്റുപുഴ സംസ്ഥാന പാതയിൽ ഉതിമൂട് സർവീസ് സഹകരണ ബാങ്കിന് സമീപമാണ് ജീപ്പ് സ്കൂട്ടറിൽ ഇടിച്ച് അപകടം ഉണ്ടായത്.
പുതുശേരിമല സ്വദേശിയുടെ ഉടമസ്ഥതയിൽ ഉള്ള ജീപ്പാണ് കസ്റ്റഡിയിൽ എടുത്തിട്ടുള്ളത്. അപകടമുണ്ടാക്കിയ ജീപ്പ് ഇത് തന്നെയെന്ന് മോട്ടോർ വാഹന വകുപ്പിന്റെ പരിശോധനയിൽ സ്ഥിരീകരിച്ചിട്ടുള്ളതായി പോലീസ് പറഞ്ഞു. കോന്നി കൂടലിൽ നിന്നാണ് ജീപ്പ് പോലീസ് കണ്ടെത്തിയത്. അപകട സമയം വാഹനം ഓടിച്ചിരുന്ന ഡ്രൈവറെയും തിരിച്ചറിഞ്ഞിട്ടുണ്ട്. അപകടം നടന്ന സ്ഥലത്ത് ഏറെ നേരം കിടന്ന ശേഷം പിന്നീട് ഇതുവഴി പോയവരാണ് ആശുപത്രിയിൽ എത്തിച്ചത്.
പത്തനംതിട്ട ജില്ലയിലെ മുഴുവൻ വാര്ത്തകളും ഒറ്റ ക്ലിക്കിൽ ഇവിടെ വായിക്കാം
Read Latest Local News and Malayalam News
അപകടത്തിൽ പരിക്കേറ്റ കോട്ടാങ്ങൽ കുളത്തൂർ മാമ്പാറ്റയിൽ നൈനാൻ എബ്രഹാ (42) മിനെ മെഡിക്കൽ കോളേജിൽ പ്രവേശിപ്പിച്ചെങ്കിലും പിന്നീട് മരിച്ചിരുന്നു. ഇതേ തുടർന്നാണ് ഇടിച്ച വാഹനത്തിനായുള്ള തെരച്ചിൽ പോലീസ് ഊർജിതമാക്കിയത്. ഇക്കഴിഞ്ഞ സെപ്റ്റംബർ 27 ന് രാത്രി ഏഴരയോടെ പുനലൂർ-മൂവാറ്റുപുഴ സംസ്ഥാന പാതയിൽ ഉതിമൂട് സർവീസ് സഹകരണ ബാങ്കിന് സമീപമാണ് ജീപ്പ് സ്കൂട്ടറിൽ ഇടിച്ച് അപകടം ഉണ്ടായത്.
പുതുശേരിമല സ്വദേശിയുടെ ഉടമസ്ഥതയിൽ ഉള്ള ജീപ്പാണ് കസ്റ്റഡിയിൽ എടുത്തിട്ടുള്ളത്. അപകടമുണ്ടാക്കിയ ജീപ്പ് ഇത് തന്നെയെന്ന് മോട്ടോർ വാഹന വകുപ്പിന്റെ പരിശോധനയിൽ സ്ഥിരീകരിച്ചിട്ടുള്ളതായി പോലീസ് പറഞ്ഞു. കോന്നി കൂടലിൽ നിന്നാണ് ജീപ്പ് പോലീസ് കണ്ടെത്തിയത്. അപകട സമയം വാഹനം ഓടിച്ചിരുന്ന ഡ്രൈവറെയും തിരിച്ചറിഞ്ഞിട്ടുണ്ട്. അപകടം നടന്ന സ്ഥലത്ത് ഏറെ നേരം കിടന്ന ശേഷം പിന്നീട് ഇതുവഴി പോയവരാണ് ആശുപത്രിയിൽ എത്തിച്ചത്.
പത്തനംതിട്ട ജില്ലയിലെ മുഴുവൻ വാര്ത്തകളും ഒറ്റ ക്ലിക്കിൽ ഇവിടെ വായിക്കാം
Read Latest Local News and Malayalam News