പോപ്പുലർ ഫിനാൻസ് നിക്ഷേപ തട്ടിപ്പ്; പ്രത്യേകമായി എഫ്ഐആറുകൾ രജിസ്റ്റർ ചെയ്യും, നിക്ഷേപ തട്ടിപ്പ് കേസുകൾക്കായി തൃശ്ശൂരും ആലപ്പുഴയിലും പ്രത്യേക കോടതികൾ

പത്തനംതിട്ട : പോപ്പുലർ ഫിനാൻസ് നിക്ഷേപ തട്ടിപ്പ് കേസിൽ പ്രത്യേകമായി എഫ്ഐആറുകൾ രജിസ്റ്റർ ചെയ്യാൻ തടസ്സമില്ലെന്ന് സംസ്ഥാന സർക്കാർ ഹൈക്കോടതിയെ അറിയിച്ചു. നാലായിരത്തിലധികം പരാതികളാണ് നിലവിൽ പോപ്പുലർ ഫിനാൻസ് നിക്ഷേപ തട്ടിപ്പുമായി ബന്ധപ്പെട്ട് ലഭിച്ചിരിക്കുന്നത്.
പോപ്പുലർ ഫിനാൻസ് നിക്ഷേപ തട്ടിപ്പുമായി ബന്ധപ്പെട്ട് എല്ലാ കേസുകളും ഏകോപിപ്പിക്കുന്നതിന്‍റെ ഭാഗമായാണ് കോന്നിയിൽ കേസുകൾ രജിസ്റ്റർ ചെയ്യാൻ ഉത്തരവായത്. കോടതി പറഞ്ഞാൽ പ്രത്യേകം പ്രത്യേകം കേസ് രജിസ്റ്റർ ചെയ്യാമെന്നും സർക്കാർ അറിയിച്ചു.

Also Read: ഫാഷന്‍ ഗോള്‍ഡ് ജ്വല്ലറി തട്ടിപ്പ്; മധ്യസ്ഥ സമിതിക്ക് മൊഴി നല്‍കാനെത്തിയ ജീവനക്കാരന് മര്‍ദ്ദനം, നെഞ്ചത്ത് ചവിട്ടി!

സർക്കാരിൻ്റെ വാദമുഖങ്ങൾ കേട്ട കോടതി ഓരോ പരാതിയിലും പ്രത്യേകം എഫ്ഐആർ ആവശ്യമാണെന്ന് അഭിപ്രായപ്പെട്ടു. പ്രതികൾ പണം മറ്റ് രാജ്യങ്ങളിലേക്ക് മാറ്റിയിട്ടുണ്ടെന്ന് സർക്കാർ അറിയിച്ചു. തട്ടിപ്പിന് പിന്നിൽ വലിയ ഗൂഢാലോചന നടന്നിട്ടുണ്ട്. പോപ്പുല‍ർ ഫിനാൻസിന്‍റെ അക്കൗണ്ടുകളിൽ ശേഷിക്കുന്ന പണം കൈമാറ്റം ചെയ്യരുതെന്ന് ബാങ്കുകൾക്ക് നിർദേശം നൽകിയിട്ടുണ്ട്.

Also Read: വോട്ട് ചോദിച്ച് ഇനി ആരും ഈ വഴി വരേണ്ട; കത്തിപ്പാറയിലെ 150തോളം കുടുംബങ്ങള്‍ വോട്ട് ബഹിഷ്‌കരിക്കും, കാരണം ഇതാണ്...

സ്വത്തുക്കൾ കൈമാറുന്നത് തടയണമെന്നാവശ്യപ്പെട്ട് വില്ലേജ് ഓഫീസുകൾക്കും കത്ത് നൽകി. പോപ്പുല‍ർ ഫിനാൻസ് കേസുകൾക്ക് മാത്രമായി തൃശൂരിലും ആലപ്പുഴയിലും പ്രത്യേകം കോടതികളെ ചുമതലപ്പെടുത്തിയിട്ടുണ്ട്. ഇതു സംബന്ധിച്ച് ജില്ലാ കളക്ടർമാർക്കും നിർദ്ദേശം നൽകിയിട്ടുണ്ടെന്നും സർക്കാർ കോടതിയെ അറിയിച്ചു. അതേസമയം പോപ്പുലർ ഫിനാൻസ് നിക്ഷേപ തട്ടിപ്പ് കേസ് സിബിഐക്ക് വിടണമെന്ന ഹർജികൾ ഹൈക്കോടതി ഇടക്കാല ഉത്തരവിനായി ബുധനാഴ്ചയിലേക്ക് മാറ്റി.


പത്തനംതിട്ട ജില്ലയിൽ നിന്നുള്ള ഏറ്റവും പുതിയ നാട്ടുവാർത്തകൾക്കായി ഫേസ്ബുക്ക് പേജ് ഫോളോ ചെയ്യൂ

പത്തനംതിട്ട ജില്ലയിൽ നിന്നുള്ള ഏറ്റവും പുതിയ നാട്ടുവാർത്തകൾക്കായി വാട്സ്ആപ്പ് ഗ്രൂപ്പ് ഫോളോ ചെയ്യൂ