പത്തനംതിട്ട(pathanamthitta): ജില്ല ഭരിക്കാൻ മാത്രമല്ല വേണ്ടി വന്നാൽ ഇടിച്ച് പപ്പടമാക്കാനും ഈ ജില്ലാ കളക്ടർക്ക് അറിയാം. പറഞ്ഞു വരുന്നത് പത്തനംതിട്ട ജില്ലാ കളക്ടർ ദിവ്യ എസ് അയ്യരെ കുറിച്ചാണ്. രണ്ടാം പിണറായി വിജയൻ സർക്കാരിന്റെ ഒന്നാം വാർഷികാഘോഷത്തിന്റെ ഭാഗമായി പത്തനംതിട്ട ജില്ലാ സ്റ്റേഡിയത്തിൽ നടക്കുന്ന എന്റെ കേരളം പ്രദർശന വിപണനമേളയിൽ പോലീസ് വകുപ്പ് സ്വയംപ്രതിരോധത്തിന് സ്ത്രീകൾക്ക് പരിശീലനം നൽകുന്ന രീതിയിലുള്ള സ്റ്റാൾ ഒരുക്കിയിട്ടുണ്ട്.
എന്നാൽ, വിദഗ്ദ്ധ പരിശീലനം സിദ്ധിച്ചവരെ പോലെയുള്ള കളക്ടറിന്റെ പ്രകടനത്തിൽ അക്ഷരാർത്ഥത്തിൽ വനിതാ പോലീസുദ്യോഗസ്ഥർ പോലും ഞെട്ടി. കണ്ട് നിന്നവരാകട്ടെ നിറഞ്ഞ കെയ്യടികളോടെയാണ് ജില്ലാ കളക്ടറെ അഭിനന്ദിച്ചത്. വനിതാസെൽ ഇൻസ്പെക്ടർ എസ്. ഉദയമ്മയുടെ നേതൃത്വത്തിൽ സിൻസി പി അസീസ്, കെ.എൻ ഉഷ, ബി.ലേഖ എന്നിവരാണ് പരിശീലനത്തിന് നേതൃത്വം നൽകുന്നത്
Topic: Pathanamthitta News, Collector Divya S Ayyar, Ente Keralam Exhibition