പത്തനംതിട്ട(Pathanamthitta): എംസി റോഡിൽ അടൂർ കിളിവയലിന് സമീപം അർദ്ധ രാത്രിയിൽ കെഎസ്ആർടിസി ബസും ലോറിയും കൂട്ടിയിടിച്ച് 15 ഓളം പേർക്ക് പരുക്ക്. അടൂരിനും കൊട്ടാരക്കരക്കും മധ്യേ കിളിവയൽ ജംഗ്ഷന് സമീപം ആണ് അപകടം ഉണ്ടായത്.സംഭവമറിഞ്ഞ അടൂർ ,കൊട്ടാരക്കര സ്റ്റേഷനുകളിലെ അഗ്നിശമന ജീവനക്കാരും പോലീസും നാട്ടുകാരും ചേർന്ന് രക്ഷാ പ്രവർത്തനം നടത്തി.
ബസ് ഡ്രൈവറെയും പെൺകുട്ടിയെയും ഫയർ ഫോഴ്സ് ഹൈഡ്രോളിക് കട്ടർ ഉപയോഗിച്ച് കമ്പി മുറിച്ചു മാറ്റി രക്ഷപെടുത്തി. രണ്ട് പേർക്കും നിസ്സാരമായ പരിക്കുകൾ ആണുള്ളത്. കെഎസ്ആർടിസി ബസിലെ ഡ്രൈവർ ഉറങ്ങിയതാകാം അപകടകാരണമെന്നാണ് പ്രാഥമിക നിഗമനം. ഒരു ലോറിയുടെ പിന്നിലും ഒന്നിൻ്റെ മുന്നിലായി കെഎസ്ആർടിസി ബസ് ഇടിച്ച നിലയിലാണ്. വാഹനങ്ങൾ വശങ്ങളിലേക്ക് വലിച്ച് നീക്കി റോഡ് ഗതാഗത സജ്ജമാക്കിയിട്ടുണ്ട്. അടൂർ, ഏനാത്ത് പോലീസ് സംഘം സ്ഥലത്ത് ഗതാഗത തടസം നീക്കുന്നതിന് നേതൃത്വം നൽകി.
Topic: Pathanamthitta, Adoor accident, bus collide with lorry