പത്തനംതിട്ട(Pathanamthitta): തിരുവല്ലയിലുണ്ടായ കനത്ത മഴയിൽ നടുറോഡിലേക്ക് വീണ മരം വെട്ടിമാറ്റുന്നതിനെ ചൊല്ലിയുണ്ടായ തർക്കത്തിനൊടുവിൽ അയൽവാസിയെ വെട്ടിയ കേസിൽ പ്രതി പോലീസിൻ്റെ പിടിയിലായി. തിരുവല്ല തേവേരി പള്ളിവിരുത്തിയിൽ വീട്ടിൽ ജോളി എന്ന തോമസ് വി ഉമ്മൻ (56) ആണ് പുളിക്കീഴ് പോലീസിൻ്റെ പിടിയിലായത്.
സംഭവമറിഞ്ഞ് സ്ഥലത്തെത്തിയ വാർഡ് മെമ്പറേയും തോമസ് വി ഉമ്മൻ അസഭ്യം പറഞ്ഞതോടെ ഇക്കാര്യം ചോദ്യം ചെയ്ത സതീഷിനെ തോമസ് കൈയ്യിലുണ്ടാക്കുന്ന വെട്ടുകത്തി ഉപയോഗിച്ച് വെട്ടുകയായിരുന്നു. തോമസ് വെട്ടാൻ വരുന്നത് കണ്ട് സതീഷ് ഒഴിഞ്ഞുമാറിയെങ്കിലും തലയ്ക്ക് സാരമായി പരുക്കേറ്റു. തുടർന്ന് സതീഷിനെ കോട്ടയം മെഡിക്കൽ കോളേജ് ആശുപത്രിയിൽ പ്രവേശിപ്പിച്ചു. പുളിക്കീഴ് പോലീസ് സ്ഥലത്തെത്തി പ്രതിയെ കസ്റ്റഡിയിലെടുത്തു. ഇരുവരും തമ്മിൽ നിലനിന്നിരുന്ന വൈരാഗ്യമാണ് സംഭവത്തിന് പിന്നിലെന്ന് പോലീസ് വ്യക്തമാക്കി. കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു.
Topic: Pathanamthitta, Thiruvalla neighour attack, Thiruvalla News