മാരാമൺ: അജപാലകനായി ദൈവസ്നേഹം ഗന്ധർവ്വ സ്വരത്തിലൂടെ ഒഴുകിയെത്തിയപ്പോൾ കേട്ട് നിന്നവർക്ക് ഈശ്വര സന്നിധിയിലെ പ്രതീതി. മാർ ക്രിസോസ്റ്റം വലിയ മെത്രാപ്പോലീത്താക്കായി ഗാന ഗന്ധർവ്വൻ യേശുദാസാണ് ദൈവത്തെ അടുത്തറിയുന്ന ഗാനാലാപനം നടത്തിയത്. ഡോ.ഫിലിപ്പോസ് മാർ ക്രിസോസ്റ്റം വലിയ മെത്രാപ്പോലീത്തയുടെ ജന്മശതാബ്ദിയോടനുബന്ധിച്ചായിരുന്നു ഈ ഒത്തു ചേരലും സ്വരമാധുരിയുടെ ഒഴുക്കും. അന്നത്തെ ബ്ലോക്ക് പഞ്ചായത്ത് പ്രസിഡന്റ് സ്റ്റെല്ല തോമസിന്റെ കീഴുകര നെടിയത്ത് വീടായിരുന്നു വേദി.
വലിയ മെത്രാപ്പോലീത്തയെപ്പറ്റി സംവിധായകൻ ബ്ലെസ്സി പുറത്തിറക്കിയ മാർ ക്രിസോസ്റ്റത്തിന്റെ നൂറ് വർഷങ്ങൾ ഡോക്യുമെന്ററി ഒരുക്കങ്ങളുടെ ഭാഗമായി കൂടിയാണ് ഗന്ധർവ്വ സംഗീതം സ്നേഹപൂർവ്വം എത്തിയത്.തിരുമേനിയുമായുള്ള സൗഹൃദ കഥകൾ യേശുദാസും ഗാനങ്ങളെ കുറിച്ചുള്ള വിലയിരുത്തലുകൾ വലിയ മെത്രാപ്പോലീത്തയും നർമ്മത്തിലൂടെ അന്ന് മാധ്യമ പ്രവർത്തകർക്ക് മുൻപിൽ അവതരിപ്പിച്ചു.നിരവധി പഴം പുരാണങ്ങളും ഇരുവരും പങ്ക് വച്ചു. പ്രഭ യേശുദാസ് ,സംവിധായകൻ ബ്ലെസ്സി,ഗാന രചയിതാവ് ആർ.കെ.ദാമോദരൻ തുടങ്ങിയവരും ചടങ്ങുകളിൽ പങ്കെടുത്തു.
വലിയ മെത്രാപ്പോലീത്തയെപ്പറ്റി സംവിധായകൻ ബ്ലെസ്സി പുറത്തിറക്കിയ മാർ ക്രിസോസ്റ്റത്തിന്റെ നൂറ് വർഷങ്ങൾ ഡോക്യുമെന്ററി ഒരുക്കങ്ങളുടെ ഭാഗമായി കൂടിയാണ് ഗന്ധർവ്വ സംഗീതം സ്നേഹപൂർവ്വം എത്തിയത്.തിരുമേനിയുമായുള്ള സൗഹൃദ കഥകൾ യേശുദാസും ഗാനങ്ങളെ കുറിച്ചുള്ള വിലയിരുത്തലുകൾ വലിയ മെത്രാപ്പോലീത്തയും നർമ്മത്തിലൂടെ അന്ന് മാധ്യമ പ്രവർത്തകർക്ക് മുൻപിൽ അവതരിപ്പിച്ചു.നിരവധി പഴം പുരാണങ്ങളും ഇരുവരും പങ്ക് വച്ചു. പ്രഭ യേശുദാസ് ,സംവിധായകൻ ബ്ലെസ്സി,ഗാന രചയിതാവ് ആർ.കെ.ദാമോദരൻ തുടങ്ങിയവരും ചടങ്ങുകളിൽ പങ്കെടുത്തു.