ആഭരണം തിരികെ ചോദിച്ച വീട്ടമ്മയെ തീകൊളുത്തിയ മധ്യവയസ്കൻ റിമാൻഡിൽ; യുവതിയുടെ നില ഗുരുതരം
ഇക്കഴിഞ്ഞ 17 ന് വൈകിട്ടോടെ നിരണം കോട്ടയ്ക്കച്ചിറ വീട്ടില് രാജേഷിന്റെ ഭാര്യ സജിത (41) യെ തീ കൊളുത്തി കൊലപ്പെടുത്താന് ശ്രമിച്ച കേസിലാണ് നടപടി.മണിയന് സാമ്പത്തിക പ്രതിസന്ധിയുണ്ടായപ്പോഴാണ് സജിത ആഭരണം നൽകിയത്
Lipi 23 Mar 2022, 12:50 pm
ഹൈലൈറ്റ്:
- മണിയന് പണയം വെക്കാൻ സ്വന്തം മാലയാണ് സജിത നൽകിയത്
- സജിതയുടെ വീട്ടിൽ വെച്ചാണ് അതിക്രമം നടന്നത്
- മാല തിരികെ നൽകാത്തതിനെ തുടർന്ന് വഴക്ക് പതിവായിരുന്നു
പത്തനംതിട്ട(Pathanamthitta): പണയം വെച്ച സ്വർണ്ണം തിരികെ ചോദിച്ചതിൻ്റെ വൈരാഗ്യത്തിൽ തിരുവല്ല നിരണം സ്വദേശിനിയെ മണ്ണെണ്ണ ഒഴിച്ച് തീ കൊളുത്തി കൊലപ്പെടുത്താന് ശ്രമിച്ച കേസിൽ പ്രതിയായ മധ്യവയസ്കൻ റിമാന്ഡിൽ. തിരുവല്ല നിരണം മൈലമുക്ക് കളക്കുടിയില് വീട്ടില് മണിയനെയാണ് (57) കോടതി റിമാന്ഡ് ചെയ്തത്. ഇക്കഴിഞ്ഞ 17 ന് വൈകിട്ടോടെ നിരണം കോട്ടയ്ക്കച്ചിറ വീട്ടില് രാജേഷിന്റെ ഭാര്യ സജിത (41) യെ തീ കൊളുത്തി കൊലപ്പെടുത്താന് ശ്രമിച്ച കേസിലാണ് നടപട . സജിതയുടെ വീട്ടില് വെച്ചായിരുന്നു കേസിനാസ്പദമായ സംഭവം നടന്നത്. മാസങ്ങൾക്ക് മുൻപ് മണിയന് സാമ്പത്തിക ബുദ്ധിമുട്ടുണ്ടായപ്പോൾ സജിത സ്വന്തം മാല പണയം വെയ്ക്കാനായി നല്കിയിരുന്നു.
പണയം വെച്ചിട്ട് മാസങ്ങൾ കഴിഞ്ഞെങ്കിലും മാല എടുത്തു തരാത്തതിനെ ചൊല്ലി ഇരുവരും വഴക്ക് പതിവായിരുന്നു. സംഭവ ദിവസം സജിതയും മണിയനും തമ്മില് വാക്കേറ്റമുണ്ടായി. ഇതിനിടെ വീട്ടിൽ ഉണ്ടായിരുന്ന മണ്ണെണ്ണ ഒഴിച്ച്
മണിയന് സജിതയെ തീ കൊളുത്തുകയായിരുന്നു. സജിതയുടെ നിലവിളി കേട്ടെത്തിയ അയൽവാസികളും പ്രദേശവാസികളും ചേർന്ന് സജിതയെ ഉടൻ തന്നെ ആശുപത്രിയിലേക്ക് മാറ്റി. ആക്രമണത്തിനിടെ പൊള്ളലേറ്റ മണിയന് തിരുവല്ല താലൂക്ക് ആശുപത്രിയില് ചികിത്സയിലായിരുന്നു. ഇയാളുടെ മുറിവുകൾ കരിഞ്ഞു തുടങ്ങിയതോടെ മണിയനെ തിരുവല്ല കോടതിയില് ഹാജരാക്കി റിമാന്ഡ് ചെയ്യുകയായിരുന്നു. അതേ സമയം പൊള്ളലേറ്റ നിലയില് ആലപ്പുഴ വണ്ടാനം മെഡിക്കല് കോളേജിൽ പ്രവേശിപ്പിച്ച സജിതയുടെ നില ഗുരുതരമായി തുടരുകയാണ്.
Topic: Sajitha Murder Attempt, Pathanamthitta News, Crime
പത്തനംതിട്ട ജില്ലയിൽ നിന്നുള്ള ഏറ്റവും പുതിയ നാട്ടുവാർത്തകൾക്കായി ഫേസ്ബുക്ക് പേജ് ഫോളോ ചെയ്യൂ
പത്തനംതിട്ട ജില്ലയിൽ നിന്നുള്ള ഏറ്റവും പുതിയ നാട്ടുവാർത്തകൾക്കായി വാട്സ്ആപ്പ് ഗ്രൂപ്പ് ഫോളോ ചെയ്യൂ
പണയം വെച്ചിട്ട് മാസങ്ങൾ കഴിഞ്ഞെങ്കിലും മാല എടുത്തു തരാത്തതിനെ ചൊല്ലി ഇരുവരും വഴക്ക് പതിവായിരുന്നു. സംഭവ ദിവസം സജിതയും മണിയനും തമ്മില് വാക്കേറ്റമുണ്ടായി. ഇതിനിടെ വീട്ടിൽ ഉണ്ടായിരുന്ന മണ്ണെണ്ണ ഒഴിച്ച്
മണിയന് സജിതയെ തീ കൊളുത്തുകയായിരുന്നു. സജിതയുടെ നിലവിളി കേട്ടെത്തിയ അയൽവാസികളും പ്രദേശവാസികളും ചേർന്ന് സജിതയെ ഉടൻ തന്നെ ആശുപത്രിയിലേക്ക് മാറ്റി. ആക്രമണത്തിനിടെ പൊള്ളലേറ്റ മണിയന് തിരുവല്ല താലൂക്ക് ആശുപത്രിയില് ചികിത്സയിലായിരുന്നു. ഇയാളുടെ മുറിവുകൾ കരിഞ്ഞു തുടങ്ങിയതോടെ മണിയനെ തിരുവല്ല കോടതിയില് ഹാജരാക്കി റിമാന്ഡ് ചെയ്യുകയായിരുന്നു. അതേ സമയം പൊള്ളലേറ്റ നിലയില് ആലപ്പുഴ വണ്ടാനം മെഡിക്കല് കോളേജിൽ പ്രവേശിപ്പിച്ച സജിതയുടെ നില ഗുരുതരമായി തുടരുകയാണ്.
Topic: Sajitha Murder Attempt, Pathanamthitta News, Crime
പത്തനംതിട്ട ജില്ലയിൽ നിന്നുള്ള ഏറ്റവും പുതിയ നാട്ടുവാർത്തകൾക്കായി ഫേസ്ബുക്ക് പേജ് ഫോളോ ചെയ്യൂ
പത്തനംതിട്ട ജില്ലയിൽ നിന്നുള്ള ഏറ്റവും പുതിയ നാട്ടുവാർത്തകൾക്കായി വാട്സ്ആപ്പ് ഗ്രൂപ്പ് ഫോളോ ചെയ്യൂ