പത്തനംതിട്ട (Pathanamthitta): പതിനൊന്നു വര്‍ഷം മുൻപ് സഹപ്രവർത്തകനെ കൊന്ന കേസിൽ അറസ്റ്റിലായി പിന്നീട് ജാമ്യത്തിലിറങ്ങി മുങ്ങിയ പ്രതി ഒടുവിൽ പോലീസിൻ്റെ പിടിയിലായി.തിരുവനന്തപുരം വട്ടപ്പാറ മുക്കോല കുഴുനോട് മഞ്ഞന്‍കോട് കോളനിയില്‍ പ്രകാശാണ് (41) വട്ടപ്പാറയില്‍ വച്ച് കോന്നി പോലീസിൻ്റെ പിടിയിലായത്. തിരുവനന്തപുരം സ്വദേശി ക്ലമന്റിനെ(30) പട്ടിക കഷണം കൊണ്ട് തലയ്ക്ക് അടിച്ചു കൊന്ന കേസിലെ പ്രതിയാണ് പ്രകാശ്. 2011ൽ കോന്നി പോലീസ് സ്‌റ്റേഷനില്‍ രജിസ്റ്റര്‍ ചെയ്ത കേസിലാണ് അറസ്റ്റ്.
2011 മേയ് ഏഴിനാണ് കേസിന് ആസ്പദമായ സംഭവം നടന്നത്. പത്തനംതിട്ട വി കോട്ടയത്തെ ആഴക്കൂട്ടം എന്ന സ്ഥലത്ത് റോഡ് ടാറിങ് പണിക്ക് വന്നതാണ് പ്രതി പ്രകാശും മരിച്ച ക്ലമൻ്റും. മദ്യപാനത്തെ തുടർന്നുണ്ടായ വാക്കു തര്‍ക്കത്തിനൊടുവിൽ സന്തോഷ് എന്നയാളുടെ വീടിന്റെ സിറ്റൗട്ടില്‍ വച്ച് ക്ലമന്റിനെ പട്ടിക കഷ്ണം കൊണ്ട് തലയ്ക്കു പിന്നിലടിച്ച് പ്രകാശ് കൊല്ലുകയായിരുന്നു.
കേസില്‍ അറസ്റ്റിലായ പ്രകാശ് ജാമ്യത്തില്‍ ഇറങ്ങി ഒളിവില്‍പ്പോയി. വിചാരണാവേളയിലൊന്നും തന്നെ കോടതിയില്‍ ഹാജരായിരുന്നില്ല. ലോങ്ങ് പെൻഡിങ് വാറണ്ട് പുറപ്പെടുവിച്ച കേസ് അന്വേഷിക്കാന്‍ കോന്നി ഡിവൈഎസ്പി ആര്‍. ബൈജു കുമാറിന്റെ നേതൃത്വത്തില്‍ പ്രത്യേക അന്വേഷണസംഘം രൂപീകരിച്ചു. തുടർന്ന് ജില്ലാ പോലീസ് മേധാവിയുടെ നിര്‍ദേശപ്രകാരം വ്യാപിപ്പിച്ച അന്വേഷണത്തിനൊടുവില്‍ പ്രതിയെ പ്രത്യേക സംഘം തന്ത്രപൂര്‍വം കുടുക്കുകയാണുണ്ടായത്. അന്വേഷണ സംഘത്തിൽ കോന്നി എസ്എച്ച്ഒ അരുണ്‍ ജി, എസ് ഐ സജു എബ്രഹാം, സിപിഒമാരായ ബിജു, രാജേഷ് എന്നിവരാണ് ഉണ്ടായിരുന്നത്. കോടതിയില്‍ ഹാജരാക്കിയ പ്രതിയെ റിമാന്‍ഡ് ചെയ്തു.
Topic: Murder Case, Convict Arrest, Pathanamthitta News
2011 മേയ് ഏഴിനാണ് കേസിന് ആസ്പദമായ സംഭവം നടന്നത്. പത്തനംതിട്ട വി കോട്ടയത്തെ ആഴക്കൂട്ടം എന്ന സ്ഥലത്ത് റോഡ് ടാറിങ് പണിക്ക് വന്നതാണ് പ്രതി പ്രകാശും മരിച്ച ക്ലമൻ്റും. മദ്യപാനത്തെ തുടർന്നുണ്ടായ വാക്കു തര്‍ക്കത്തിനൊടുവിൽ സന്തോഷ് എന്നയാളുടെ വീടിന്റെ സിറ്റൗട്ടില്‍ വച്ച് ക്ലമന്റിനെ പട്ടിക കഷ്ണം കൊണ്ട് തലയ്ക്കു പിന്നിലടിച്ച് പ്രകാശ് കൊല്ലുകയായിരുന്നു.
കേസില്‍ അറസ്റ്റിലായ പ്രകാശ് ജാമ്യത്തില്‍ ഇറങ്ങി ഒളിവില്‍പ്പോയി. വിചാരണാവേളയിലൊന്നും തന്നെ കോടതിയില്‍ ഹാജരായിരുന്നില്ല. ലോങ്ങ് പെൻഡിങ് വാറണ്ട് പുറപ്പെടുവിച്ച കേസ് അന്വേഷിക്കാന്‍ കോന്നി ഡിവൈഎസ്പി ആര്‍. ബൈജു കുമാറിന്റെ നേതൃത്വത്തില്‍ പ്രത്യേക അന്വേഷണസംഘം രൂപീകരിച്ചു. തുടർന്ന് ജില്ലാ പോലീസ് മേധാവിയുടെ നിര്‍ദേശപ്രകാരം വ്യാപിപ്പിച്ച അന്വേഷണത്തിനൊടുവില്‍ പ്രതിയെ പ്രത്യേക സംഘം തന്ത്രപൂര്‍വം കുടുക്കുകയാണുണ്ടായത്. അന്വേഷണ സംഘത്തിൽ കോന്നി എസ്എച്ച്ഒ അരുണ്‍ ജി, എസ് ഐ സജു എബ്രഹാം, സിപിഒമാരായ ബിജു, രാജേഷ് എന്നിവരാണ് ഉണ്ടായിരുന്നത്. കോടതിയില്‍ ഹാജരാക്കിയ പ്രതിയെ റിമാന്‍ഡ് ചെയ്തു.
Topic: Murder Case, Convict Arrest, Pathanamthitta News