പെൺകുട്ടികളെ പീഡിപ്പിച്ചു; മുൻ സിആർപിഎഫ് മുൻ ജീവനക്കാരൻ റിമാൻഡിൽ

പത്തനംതിട്ട (Pathanamthitta) : സ്കൂൾ വിദ്യാർഥികളായ പെൺകുട്ടികളെ ലൈംഗീക പീഡനത്തിന് ഇരയാക്കിയെന്ന പരാതിയിൽ റിട്ട.സി ആർ പി എഫ് ജീവനക്കാരൻ അറസ്റ്റിലായി.കൊടുമൺ ചന്തക്ക് സമീപം തെങ്ങ വ്യാപാരം നടത്തുന്ന കൊടുമൺ ഐക്കാട് തെങ്ങിനാൽ കാര്‍ത്തികയില്‍ സുരേന്ദ്രനാ(65)ണ് അറസ്റ്റിലായത്. 11 വയസുള്ള രണ്ടു പെണ്‍കുട്ടികളെ പീഡനത്തിന് ഇരയാക്കി എന്നാണ് പരാതി. ഭക്തര്‍ക്ക് ദര്‍ശന സായൂജ്യമേകി മകരവിളക്ക് തെളിഞ്ഞു
വീട്ടിൽ ആരുമില്ലാത്ത സമയത്ത് ഒന്നിലേറെ തവണ കുട്ടികളെ പീഡിപ്പിച്ചുവെന്നാണ് പരാതി ഉയർന്നിട്ടുള്ളത്. മൂന്നു പെണ്‍മക്കളെയും വിവാഹം കഴിച്ച്‌ അയച്ചതിനാൽ ഭാര്യയും ഇയാളും മാത്രമാണ് വീട്ടിൽ താമസിക്കുന്നത്. ഭാര്യ പുറത്തു പോകുന്ന അവസരങ്ങളില്‍ വീട്ടില്‍ എത്തിയ കുട്ടികള്‍ക്ക് നേരെയാണ് ഇയാള്‍ ലൈംഗികാതിക്രമം നടത്തിയത്. കുട്ടികളുടെ രക്ഷിതാക്കളുടെ പരാതിയെ തുടര്‍ന്ന് പോക്സോ നിയമം അനുസരിച്ചാണ് ഇയാൾക്കെതിരെ കേസെടുത്തത്.

ബുധനാഴ്ച ലഭിച്ച പരാതിയില്‍ വ്യാഴാഴ്ചയാണ് അറസ്റ്റുണ്ടായത്. കോടതിയില്‍ ഹാജരാക്കിയ പ്രതിയെ റിമാന്‍ഡ് ചെയ്തു. കൊടുമണ്‍ എസ്‌എച്ച്‌ഓ മഹേഷ്‌കുമാറിന്റെ നേതൃത്വത്തില്‍ സീനിയര്‍ സിപിഓ ഗോപന്‍, സിപിഓമാരായ പ്രദീപ്, ഗീത എന്നിവരാണ് കേസ് അന്വേഷിക്കുന്നത്.

Topic: POCSO Case, Retired CRPF Officer Arrested, Minor Girls Rape