ചിങ്ങമാസ പൂജകൾ പൂർത്തിയാക്കി ശബരിമല നട അടച്ചു; ഓണ പൂജകൾക്കായി 29 ന് തുറക്കും

ശബരിമല: ചിങ്ങമാസ പൂജകൾക്കായി ഈ മാസംപതിനാറിന് തുറന്ന ശബരി ക്ഷേത്ര നട പൂജകൾ പൂർത്തിയാക്കി അടച്ചു .തന്ത്രി കണ്ഠര് രാജീവരുടെ കാർമികത്വത്തിൽ 25 കലശാഭിഷേകത്തോടെ ഉച്ചപൂജയും മാളികപ്പുറത്ത് മേൽശാന്തി പരമേശ്വരൻ നമ്പൂതിരിയുടെ കാർമികത്വത്തിൽ ഭഗവതിസേവയും നടന്നു. തുടർന്ന് അത്താഴ പൂജയ്ക്കു ശേഷം വൈകിട്ട് 7.30 ഓടെ നട അടച്ചു.

Also Read: എസ്.പി ബാലസുബ്രഹ്മണ്യത്തിന്‍റെ രോഗമുക്തിക്കായി ശബരിമലയില്‍ ഗാനാര്‍ച്ചന

സുപ്രസിദ്ധ തെന്നിന്ത്യൻ ചലച്ചിത്ര പിന്നണി ഗായകനായ എസ്.പി.ബാലസുബ്രഹ്മണ്യത്തിൻ്റെ കൊവിഡ് രോഗമുക്തിക്കായി ശബരിമല സന്നിധാനത്ത് ദേവസ്വം ബോർഡ് ജീവനക്കാരുടെ നാദസ്വര ഗാനാർച്ചനയും നടന്നു. ഇനി ഓണപൂജകൾക്കായി 29ന് വൈകിട്ട് 5നാണ് ശബരിമല നട തുറക്കുന്നത്. 30ന് മേൽശാന്തിയുടെ വകയായി ഉത്രാട സദ്യയും 31ന് ദേവസ്വം ജീവനക്കാരുടെ വകയായി തിരുവോണ സദ്യയും നടക്കും സെപ്റ്റംബർ 2 വരെ പൂജ ഉണ്ടാകും. പൂജകൾ പൂർത്തിയാക്കി അന്നു വൈകുന്നേരം നട അടയ്ക്കും തുടർന്ന് . കന്നി പൂജകൾക്കായി സെപ്റ്റംബർ 16ന് വൈകുന്നേരം നട തുറക്കും.