കുവൈറ്റ്: മലയാളി നഴ്സ് കുവൈറ്റിൽ കൊവിഡ് ബാധിച്ച് മരിച്ചു. തിരുവല്ല മഞ്ഞാടി സ്വദേശി ആനി മാത്യു (54) ആണ് മരിച്ചത്. കുവൈറ്റിലെ ജാബിർ ആശുപത്രിയിൽ കൊവിഡ് ബാധിച്ച് ചികിത്സയിലായിരുന്നു ആനി മാത്യു. കുവൈറ്റിലെ ബ്ലഡ് ബാങ്കിൽ നഴ്സായി ജോലി ചെയ്തു വരികയായിരുന്നു.
Also Read: പത്തനംതിട്ടയിൽ വിദേശത്തു നിന്ന് എത്തിയ വയോധികയ്ക്ക് കൊവിഡ്
ഗൾഫിൽ ഇത് വരെ രോഗം സ്ഥിരീകരിച്ച് മരിച്ചവരുടെ എണ്ണം 72 ആയി. രോഗവ്യാപനത്തെ തുടർന്ന് കുവൈറ്റിൽ സമ്പൂർണ കർഫ്യു ഏർപ്പെടുത്തിയിരിക്കുകയാണ്. നിരവധി ഇന്ത്യക്കാരെ പ്രത്യേക വിമാനങ്ങളിൽ നാട്ടിൽ എത്തിക്കുന്നത് തുടരുകയാണ്. കൊവിഡ് പ്രോട്ടോക്കോൾ അനുസരിച്ച് ആനിയുടെ സംസ്കാരം കുവൈറ്റിൽ തന്നെ നടക്കും.