പമ്പയിൽ ഡ്യൂട്ടിയിലുണ്ടായിരുന്ന രണ്ട് പോലീസുകാർക്ക് കൂടി കൊവിഡ് സ്ഥിരീകരിച്ചു

ശബരിമല: പമ്പയിൽ രണ്ട് പോലീസുകാർക്ക് കൂടി കൊവിഡ് സ്ഥിരീകരിച്ചു. ദേവസ്വം വിജിലൻസിനൊപ്പം ഡ്യൂട്ടിയിലുണ്ടായിരുന്നവർക്കാണ് രോഗം സ്ഥിരീകരിച്ചത്. കൊവിഡ് പ്രോട്ടോക്കോൾ കൃത്യമായി പാലിച്ചുകൊണ്ടാണ് ശബരിമലയിൽ ദർശനം അനുവദിച്ചിരിക്കുന്നത്.

Also Read: വിമതർ യുഡിഎഫിന് തിരിച്ചടിയാകുമോ? പഞ്ചായത്ത്, നഗരസഭാ വാർഡുകളിൽ കൂടുതൽ വിമത സ്ഥാനാർഥികൾ കോൺഗ്രസിൽ നിന്ന്

ദേവസ്വം ബോർഡിൽ പുറംജോലി ചെയ്യുന്നവർക്ക് കഴിഞ്ഞ ദിവസം മുതൽ പിപിഇ കിറ്റ് നൽകാൻ തീരുമാനമായി.ദേവസ്വം മരാമത്തിലെ ഓവർസിയർക്കും കഴിഞ്ഞ ദിവസം കൊവിഡ് സ്ഥിരീകരിച്ചു. തുടർന്നാണ് ജോലിക്കാർക്ക് പിപിഇ കിറ്റ് നൽകാൻ തീരുമാനമായത്. രോഗലക്ഷണങ്ങൾ കണ്ടതിനെ തുടർന്ന് പമ്പയിൽ തന്നെ പരിശോധന നടത്തിയതോടെയാണ് രോഗം സ്ഥിരീകരിച്ചത്.

Also Read: ശബരിമലയിൽ കടകൾ മറിച്ച് വിറ്റു; ബിജെപി നേതാവ് തട്ടിയത് ലക്ഷങ്ങള്‍, ദേവസ്വം ബോര്‍ഡിന് വന്‍ നഷ്ടം!

അതിനിടെ, വരും ദിവസങ്ങളിൽ കൂടുതൽ ഭക്തർക്ക് ശബരിമലയിൽ ദർശനത്തിനുള്ള അനുമതി നൽകണമെന്ന് ദേവസ്വം ബോർഡ് പ്രസിഡന്‍റ് സർക്കാരിനോട് ആവശ്യപ്പെട്ടു. ദിവസം ആയിരം പേർക്കാണ് നിലവിൽ പ്രവേശനം നൽകുന്നത്. ശനി, ഞായർ ദിവസങ്ങളിൽ രണ്ടായിരം പേർക്കാണ് പ്രവേശനം അനുവദിച്ചിരിക്കുന്നത്.